Ka Shithi U Paul Sha Ki Nong Rom 3:3 - Khasi CL Bible (BSI)

³ Hynrei kumno lada katto katne na ki kim long kiba ïaineh? Hato kane ka mut ba U Blei un ym long uba ïaineh?

KA BAIBL

³ Kumno te lada don ki bym shym la ngeit? Kata ka jingbymngeit jong ki kan pyndam noh ïa ka jingïaineh skhem ka jong U Blei?

Ka Shithi U Paul Sha Ki Nong Rom 3:3 ပူးပေါင်းရင်းမြစ်များ

SALM 84:7

Ki nang kham khlaiñ katba ki nang leit; kin sa ïohi ïa U Blei jong ki blei ha Seïon.

ISAÏAH 55:11

Kumta ruh kan long ka ktien kaba nga kren — kan ym pep ban pyndep ïa kaei kaba nga thmu na ka bynta jong ka; kan pynlong ïa kiei kiei baroh kiba nga phah ïa ka ban leh.

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

MATHAÏOS 24:35

Ka bneng bad ka pyrthei kin leit noh, hynrei ki ktien jong nga kin ym leit noh da lei lei.

ÏOANNIS 1:16

Na ka jingdap jong ka jingaiei jong u, u la kyrkhu ïa ngi baroh, da kaba ai ha ngi ïa ka jingkyrkhu kawei hadien kawei pat.

Ka Shithi U Paul Sha Ki Nong Rom 10:16

Hynrei ym baroh ki la pdiang ïa ka Khubor Babha. U Isaïah da lade hi u la ong, “A Trai, uei uba la ngeit ïa ka khubor jong ngi?”

Ka Shithi U Paul Sha Ki Nong Rom 11:29

Naba U Blei um shym la pynkylla ïa ka jingmut jong u shaphang jongno ba u jied bad u kyrkhu.

Ka Shithi U Paul Sha Ki Nong Rom 9:6

Ngam ong ba ka kular jong U Blei kam shym la treikam; namar ym baroh ki paid Israel ki long ki briew jong U Blei.

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

2 TIMOTHI 2:13

Lada ngim long kiba ïaineh, u ïaisah hi uba ïaineh, namar um lah ban shukor ïa lade.”

HEBRU 4:2

Naba ngi la ïohsngew ïa ka Khubor Babha, kumba ma ki ruh ki la ïohsngew. Ki la ïohsngew ïa ka khubor, hynrei kam shym la myntoi ei ei ruh ïa ki, namar haba ki la ïohsngew ïa ka, kim shym la pdiang ïa ka da ka jingngeit.

1 SAMUEL 15:29

U Blei bakhraw jong ki Israel um ju lamler lane kylla la ka jingmut. Um dei u briew — um ju kylla la ka jingmut.”