Ka Shithi U Paul Sha Ki Nong Rom 3:22 - Khasi CL Bible (BSI)

²² U Blei u pynlong ka hok bad ki briew lyngba ka jingngeit jong ki ha U Jisu Khrist. U Blei u leh ïa kane ïa baroh kiba ngeit ha U Khrist, namar ym don satia kano kano ka jingïapher:

KA BAIBL

²² kata ka long ka hok U Blei kaba da ka jingngeit ha U Jisu Khrist, ïa kita baroh bad ha kita baroh kat kiba ngeit; namar ym don shuh ka jingïapher;

Ka Shithi U Paul Sha Ki Nong Rom 3:22 ပူးပေါင်းရင်းမြစ်များ

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

LOUKAS 15:22

Hynrei u kpa u la khot ïa la ki shakri. ‘To pynkloi!’ u la ong. ‘To wanlam ïa ka jaiñkup kaba bha tam bad pynkup ïa u. Pyndeng sati ha ka shynriah'ti jong u bad pynphong juti ha ki kjat jong u.

KI KAM 11:12

U Mynsiem u la bthah ïa nga ban leit bad ki khlem pynslem. Kine ki hynriew ngut ki parabangeit na Joppa ki la synran ïa nga sha Kaisaria, bad baroh ngi la ïaleit sha ka ïing jong u Kornelios.

KI KAM 15:9

Um shym la pynïapher ei ei hapdeng jong ngi bad ki; u la map ïa ki pop jong ki namar ba ki la ngeit.

KI KAM 3:16

Ka long ka bor jong ka kyrteng jong u kaba la ai jingkhlaiñ ïa une u briew uba dkoh. Ïa kaei kaba phi ïohi bad tip, la leh da ka jingngeit ha ka kyrteng jong u; ka long ka jingngeit ha U Jisu kaba la pynkhiah ïa u, kumba phi baroh phi ïohi.

Ka Shithi U Paul Sha Ki Nong Rom 1:17

Naba ka Gospel ka pynpaw kumno U Blei u pynlong ïa ki briew ban don ka jingïadei kaba beit bad U hi: Ka long lyngba ka jingngeit naduh kaba sdang haduh kaba kut. Kumba ka Jingthoh Bakhuid ka ong, “U briew uba beit bad U Blei da ka jingngeit un im.”

Ka Shithi U Paul Sha Ki Nong Rom 10:12

Kane ka long ïa baroh, namar ym don ka jingïapher hapdeng ki Jiw bad ki Jentil; U Blei u long ujuh U Trai ïa baroh bad u kyrkhu kyrhai ïa baroh kiba khot kyrpad ïa u.

Ka Shithi U Paul Sha Ki Nong Rom 10:4

Naba U Khrist u la pynkut ïa ka Hukum, khnang ba uei uei baroh uba ngeit u don ka jingïadei bad U Blei.

Ka Shithi U Paul Sha Ki Nong Rom 2:1

Hato, ko paralok jong nga, phi bishar ïa kiwei pat? Phim lah lait satia, lada phi long uei uei ruh. Namar haba phi bishar ïa kiwei bad nangta phi leh ïa kijuh kiei kiei kiba ki leh, phi pynrem ïa lade.

Ka Shithi U Paul Sha Ki Nong Rom 3:30

U Blei u long tang uwei, bad un pynlong ha lade hi ka hok bad ki Jiw halor ka nongrim jong ka jingngeit jong ki, bad un pynlong ka hok bad ki Jentil lyngba ka jingngeit jong ki.

Ka Shithi U Paul Sha Ki Nong Rom 4:16

Bad kumta ïa ka kular la pynshong nongrim ha ka jingngeit, khnang ba ïa ka jingngeit yn pynthikna kum ka jingai sngewbha jong U Blei ïa baroh kiba hiarpateng na u Abraham — ym tang ïa kito kiba ngeit ïa ka Hukum, hynrei ïa kito ruh kiba ngeit kumba u Abraham u la leh. Namar u Abraham u long u kpa ba kynja mynsiem jong ngi baroh;

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

Ka Shithi U Paul Sha Ki Nong Rom 9:30

Te kumta ngi ong ba ki Jentil, ki bym shym la pyrshang ban ïasuk bad U Blei, la pynïasuk bad u lyngba ka jingngeit;

1 KORINTH 12:13

Ha kajuh ka rukom, baroh na ngi, la ngi long ki Jiw ne ki Jentil, ki mraw ne kiba laitluid, la pynbaptis ha kawei ka met da ujuh U Mynsiem, bad la ai ha ngi ïa ujuh U Mynsiem ban ïoh dih.

1 KORINTH 4:7

Uei uba pynlong ïa phi ban sngew kham halor ïa kiwei pat? Hato ym dei U Blei uba la ai ha phi baroh kaba phi don? Kumta, te, kumno phi lah ban sngewsarong, kumba kaei kaba phi don, kam dei ka jingai sngewbha?

GALATIA 2:16

Pynban, ngi tip ba ïa u briew la pynksan ha khmat U Blei tang da ka jingngeit ha U Jisu Khrist, ym da kaba leh ïa kaei kaba ka Hukum ka dawa. Ngi ruh, ngi la ngeit ha U Khrist Jisu khnang ban pynksan ha U Blei da ka jingngeit jong ngi ha U Khrist bad ym da kaba leh ïa kaei kaba ka Hukum ka dawa. Namar ym don uno uno ruh ïa uba la pynksan ha U Blei da kaba leh ïa kaei kaba ka Hukum ka dawa.

GALATIA 2:20

khnang ba ym dei shuh ma nga uba im, hynrei dei U Khrist uba im ha nga. Kane ka jingim kaba nga im mynta, nga im da ka jingngeit ha U Khun U Blei, uba la ieit ïa nga bad uba la aiti ïa la ka jingim na ka bynta jong nga.

GALATIA 3:22

Hynrei ka Jingthoh Bakhuid ka ïathuh ba ka pyrthei hi baroh kawei ka don hapoh ka bor jong ka pop; bad kumta ïa ka jingai ïa kaba la kular halor ka nongrim jong ka jingngeit ha U Jisu Khrist la ai ïa kito kiba ngeit.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

EPHESOS 3:12

Ha U Khrist bad da ka jingngeit jong ngi ha u ngi don ka jingshlur ban leit sha ka jingdon ryngkat U Blei da ka jingsngewskhem baroh.

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.

KOLOSSAI 3:11

Kaba mih na kata, ka long ba ym don shuh ka jingpynïapher hapdeng ki Jentil bad ki Jiw, kiba la shah otsher bad ki bym shym la shah otsher, ki riewkhlaw, ki riewdum, ki mraw bad kiba laitluid; hynrei U Khrist u long baroh, U Khrist u long ha baroh.

JAKOB 2:23

Bad ïa ka Jingthoh Bakhuid la pynshisha haba ka la ong, “U Abraham u la ngeit ha U Blei; bad namar ka jingngeit jong u, U Blei u la pdiang ïa u kum uba hok.” Bad kumta ïa u Abraham la khot u paralok jong U Blei.