Ka Shithi U Paul Sha Ki Nong Rom 3:20 - Khasi CL Bible (BSI)

²⁰ Naba ym don uno uno ruh uba hok ha khmat U Blei da kaba leh ïa kaei kaba ka Hukum ka dawa; kaei kaba ka Hukum ka leh ka long ban pynlong ïa u briew ban tip ba u la leh pop.

KA BAIBL

²⁰ Naba kumta, na ki jingleh ka hukum, yn ym pynksan ïa kawei ka doh ha khmat jong u; namar da ka hukum, long ka jingtip ïa ka pop.

Ka Shithi U Paul Sha Ki Nong Rom 3:20 ပူးပေါင်းရင်းမြစ်များ

Ka Kitab U Job 15:15

Balei, U Blei um shaniah wat ïa ki angel jong u; wat ma ki kim long kiba khuid ha khmat jong u.

SALM 130:3

Lada me buh jingkheiñ ïa ki pop jong ngi, uei ban ïohlait na ka jingpynrem?

SALM 143:2

To wat buh ïa nga, u shakri jong me, ha ka jingtynjuh; ym don uba lui lui ha khmat jong me.

Ka Shithi U Paul Sha Ki Nong Rom 2:13

Naba ym dei da kaba ïohsngew ïa ka Hukum ba ki briew ki don ka jingïadei bad U Blei, hynrei da kaba leh ïa kaei kaba ka Hukum ka dawa.

Ka Shithi U Paul Sha Ki Nong Rom 3:28

Naba ngi pynkut ba u briew u don ka jinglonghok bad U Blei tang lyngba ka jingngeit, bad ym da kaba leh ïa kaei kaba ka Hukum ka dawa.

Ka Shithi U Paul Sha Ki Nong Rom 4:13

Mynba U Blei u la kular ïa u Abraham bad kiba hiarpateng na u ba ka pyrthei kan long ka jong u, u la leh kumta, ym namar ba U Abraham u la kohnguh ïa ka Hukum, hynrei namar u la ngeit bad la ñiew ïa u, uba hok da U Blei.

Ka Shithi U Paul Sha Ki Nong Rom 4:15

Ka Hukum ka pynjem ïa ka jingbitar U Blei; hynrei hangno hangno ka ha bym don ka Hukum, ym don ka jingbymkohnguh ïa ka hukum.

Ka Shithi U Paul Sha Ki Nong Rom 5:13

La don ka pop ha ka pyrthei shuwa ba yn ai ïa ka Hukum; hynrei hangno ha bym don ka hukum, ym don jingbuh jingkynmaw ïa ki pop.

Ka Shithi U Paul Sha Ki Nong Rom 5:20

Ïa ka Hukum la pynmih khnang ban pynbun ïa ka jingleh bymdei; hynrei haba ka pop ka man bun, ka jingaiei U Blei ka nang kham khraw.

Ka Shithi U Paul Sha Ki Nong Rom 7:11

Ka pop ka la ïoh ïa ka lad, bad da ka lad jong ka hukum, ka la shukor ïa nga bad ka la pynïap ïa nga.

Ka Shithi U Paul Sha Ki Nong Rom 9:32

Bad balei kam shym la long kumta? Namar kim shym la shaniah ha ka jingngeit hynrei ha kaei kaba ki la leh. Bad kumta ki la jynthut ha “U maw jong ka jingjynthut”

1 KORINTH 15:56

Ka jingïap ka ïoh na ka pop ïa ka bor ban pynmong, bad ka pop ka ïoh ïa ka bor jong ka na ka Hukum.

GALATIA 2:16

Pynban, ngi tip ba ïa u briew la pynksan ha khmat U Blei tang da ka jingngeit ha U Jisu Khrist, ym da kaba leh ïa kaei kaba ka Hukum ka dawa. Ngi ruh, ngi la ngeit ha U Khrist Jisu khnang ban pynksan ha U Blei da ka jingngeit jong ngi ha U Khrist bad ym da kaba leh ïa kaei kaba ka Hukum ka dawa. Namar ym don uno uno ruh ïa uba la pynksan ha U Blei da kaba leh ïa kaei kaba ka Hukum ka dawa.

GALATIA 2:19

Ha ka jingïadei bad ka Hukum, la kumno kumno nga la ïap — la pynïap da ka Hukum hi — khnang ba nga lah ban im na ka bynta U Blei. La pynïap ïa nga lem bad U Khrist ha ka diengphna jong u,

GALATIA 5:4

Kito na phi kiba pyrshang ban pynksan ha khmat U Blei da kaba kohnguh ïa ka Hukum, phi la dkhat noh ïa lade na U Khrist. Phi long shabar ka jingaiei U Blei.

HEBRU 7:19

Naba ka Hukum u Moses kam lah ban pynlong janai ïa kano kano. Bad mynta la ai ïa ka jingkyrmen kaba kham bha da kaba ngi lah ban wan sha jan U Blei.