Ka Shithi U Paul Sha Ki Nong Rom 2:8 - Khasi CL Bible (BSI)

⁸ Kiwei pat ki briew ki long kiba khwan myntoi bad kiba kyntait ïa kaei kaba dei, khnang ban bud ïa kaei ka bym dei; halor jong ki U Blei un theh noh ïa la ka jingbitar bad ka jingbitar shla.

KA BAIBL

⁸ hynrei, ha kita kiba leh kiat, bad ki bymkohnguh ïa ka jingshisha, hynrei, kiba kohnguh ïa ka jingbymhok, yn long ka jingbitar bad ka jingbitar baïaibat.

Ka Shithi U Paul Sha Ki Nong Rom 2:8 ပူးပေါင်းရင်းမြစ်များ

2 KHRONIKL 6:23

A Trai, to shahshkor na bneng bad bishar ïa ki shakri jong me. Pynshitom ïa uba leh palat kumba ka dei ïa u bad pynksan ïa uta uba lui lui.

Ka Kitab U Job 24:13

Ki don ki briew kiba kyntait ïa ka jingshai; kim sngewthuh ïa ka lane ki leit sha kaba ka ïalam.

SALM 90:11

Uei uba sngew ïa ka borbah ka jingbitar jong me? Uei uba tip kaei ka jingsheptieng ba ka jingbitar shla jong me kan wallam?

PROBERB 11:23

Kaei kaba ki briew kiba bha ki kwah ka mih ha ka jingbha; haba ki bymman ki ïoh ïa kaei kaba ki kwah, baroh ki bitar.

PROBERB 13:10

Kiba leh meng kim leh ei ei hynrei tang ban pynmih jingkulmar. Ka long kaba kham stad ban da pan ïa ka jingai jingmut.

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

JEREMAÏAH 34:18

Ki rangbah synshar ka Judah bad ka Jerusalem, ryngkat bad ki rangbah synshar ka ïingsyiem, ki lyngdoh, bad baroh ki nongïalam, ki la pynlong ïa ka jutang bad nga da kaba ïaid hapdeng ar tylli ki shiteng jong u masi kyrtong ïa uba ki la ot ha ki ar bynta. Hynrei ki la pynkheiñ ïa ka jutang bad kim shym la bat ïa ki kyndon jong ka. Kumta ngan leh ïa kine ki briew ïa kaei kaba ki la leh ïa u masi kyrtong.

ESEKIEL 22:31

Te ngan theh ïa ka jingbitar jong nga ha ki, bad kum ka ding ngan pynjot ïa ki na ka bynta kaei kaba ki la leh.” U Trai Nongsynshar u la ong.

NAHUM 1:6

Haba u bitar, uei uba lah ban lait im? Uei uba lah ban lait na ka jingbitar shla bashyrkhei jong u? U theh noh ïa ka jingbitar bameh ding jong u; ki mawsiang ki lko pum ha khmat jong u.

Ka Shithi U Paul Sha Ki Nong Rom 1:18

Ïa ka jingbitar U Blei la pynpaw na bneng pyrshah ïa baroh ka pop bad ka jingsniew jong ki briew kiba ki lynti basniew jong ki, ki la khang ïa ka jingtip ïa ka jingshisha.

Ka Shithi U Paul Sha Ki Nong Rom 10:16

Hynrei ym baroh ki la pdiang ïa ka Khubor Babha. U Isaïah da lade hi u la ong, “A Trai, uei uba la ngeit ïa ka khubor jong ngi?”

Ka Shithi U Paul Sha Ki Nong Rom 15:18

Ngan long shlur bad ngan kren tang shaphang kaei kaba U Khrist u la leh lyngba jong nga, ban ïalam ïa ki Jentil ban kohnguh ïa U Blei. U la leh ïa kane da ki ktien bad ki kam,

Ka Shithi U Paul Sha Ki Nong Rom 6:17

Hynrei long ka jingnguh ïa U Blei! Naba wat mynshuwa haba phi la long ki mraw jong ka pop, phi la kohnguh da la ka dohnud baroh ïa ki jingshisha ba la shem ha ka jinghikai kaba phi la ïohpdiang.

Ka Shithi U Paul Sha Ki Nong Rom 9:22

Bad kane ka long kumjuh ïa kaei kaba U Blei u la leh. U la kwah ban pynpaw ïa ka jingbitar jong u bad ban pynpaw ïa ka bor jong u. Hynrei u la long uba ïaishah haduh katta katta ïa kito kiba long ka daw jong ka jingbitar jong u, kiba la don ha ka lynti sha ka jingshah pynjot.

1 KORINTH 11:16

Hynrei lada uno uno u kwah ban ïasaidnia shaphang kata, baroh kaba nga don ban ong ka long ba ma ngi lymne ki balang U Blei ngi don da kawei pat ka rukom ha ka jingmane.

2 KORINTH 12:20

Nga sheptieng ba haba nga poi hangto ngan shem ïa phi kiba pher na kaei kaba nga kwah ïa phi ba phin long bad ba phin shem ïa nga ba nga pher na kaei kaba phi kwah ïa nga ban long. Nga sheptieng ba ïoh ngan shem ïa ka jingïania bad jingbishni, ki jingïabitar bad jingkhwan myntoi, ki jingkrenbeiñ bad jinglorni, ka jingsarong bad jingkynrum kynram.

GALATIA 5:20

ha ka jingmane bleithaw bad ka jingai ksuid. Ki briew ki kylla long nongshun bad ki ïashoh; ki ïa-bishni, bitar, bad ki kwah eh. Ki ïa-pait ha ki seng bad ki kynhun;

PHILIPPI 1:17

Kiwei pat, kim ïalap ïa U Khrist da kaba sngur, hynrei na ka mynsiem ka jingkwah rhah; ba ki da pyrkhat ba kin nang pynjynjar shuh shuh ïa nga katba nga dang don ha byndi.

PHILIPPI 2:3

Wat leh ei ei na ka jingkhwan myntoi lane na ka jingkwah bymmyntoi ban sngewsarong, hynrei, to long kiba sngewrit iwei ïa iwei pat, kiba ñiew borabor ïa kiwei kiba kham bha ban ïa lade.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

TITOS 3:9

Hynrei to kiar noh na ki jingïasaid ba-bieit, na ka thup kyrteng ki kpa tymmen, na ki jingïania bad ki jingïaleh shaphang ka Hukum. Kine ki long ki bymmyntoi bad kiba sep-ei.

HEBRU 10:27

Pynban, kaei kaba dang sah ka long ban ap da ka jingsheptieng ïa ka Jingbishar ka ban sa wan bad ïa ka ding kaba klang ka ban sa bam duh ïa kita kiba ïaleh pyrshah ïa U Blei!

HEBRU 11:8

Dei ka jingngeit kaba pynlong ïa u Abraham ban kohnguh haba U Blei u la khot ïa u ban leit sha ka ri kaba U Blei u la kular ban ai ha u. U la mihnoh na la ka ri khlem tip shano ba un leit.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

JAKOB 3:14

Hynrei lada hapoh ka dohnud jong phi, phi don ka jingpihuiñ, bad khwan myntoi, to wat leh pop pyrshah ïa ka jingshisha da kaba kren sarong ïa la ka jingstad.

JAKOB 3:16

Ha kaba ka don ka jingpihuiñ bad ka jingkhwan myntoi, hangta ka don ruh ka jingbymïaid ryntih bad ki jait jingsniew baroh.

1 PETROS 3:1

Ha kajuh ka rukom, phi ki kynthei, to da pynkohnguh ïa lade ha la ki tnga, khnang ba lada don uno uno napdeng jong ki, ki bymngeit ïa ka ktien U Blei, ka jinglong jingim jong phi kan jop ïa ki ban ngeit.

1 PETROS 4:17

Ka por ka la poi na ka bynta ka jingbishar ba kan sdang, bad ki briew jong U Blei hi kin long kiba nyngkong ban shah bishar. Lada ka sdang na ngi, kumno kan kut ha kito ki bym shym ngeit ïa ka Khubor Babha na U Blei?

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.

JINGPYNPAW 16:19

Ïa ka nongbah kaba khraw la kad ha ki lai bynta, bad ïa ki nongbah jong ki ri baroh la pynjot. U Blei u la kynmaw ïa ka Babilon bakhraw bad u la pynlong ïa ka ban dih ïa ka waiñ na ka khuri jong u — ka waiñ jong ka jingbitar shla jong u.