Ka Shithi U Paul Sha Ki Nong Rom 2:6 - Khasi CL Bible (BSI)

⁶ Naba U Blei un ainong ïa uwei pa uwei kat kum kaei kaba u la leh.

KA BAIBL

⁶ U ban ai nong ha uwei pa uwei u briew katba kum ki jingleh jong u;

Ka Shithi U Paul Sha Ki Nong Rom 2:6 ပူးပေါင်းရင်းမြစ်များ

Ka Kitab U Job 34:11

U ai bainong ïa ki briew ïa kaei kaba ki leh bad u leh ha ki kat kum kaba ki dei hok.

SALM 62:12

bad ba ka jingieit jong u ka long kaba neh. Ma me hi, A Trai, me ainong ha uwei pa uwei kat kum ki jingleh jong u.

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

PROBERB 24:12

Phi lah ban ong ba kam dei ka kam jong phi, hynrei U Blei u tip bad u bishar ïa ki jingthmu jong phi. U ïai ap khmih ïa phi; u tip. Un ainong ïa phi kat kum kaei kaba phi leh.

PROBERB 24:2

Ka jingthaw kulmar ka long baroh ba ki ju pyrkhat; man la ka por ba ki ang la ki shyntur don mano re mano ban shah pynmong.

PROBERB 26:10

U nongaikam uba khot bylla ïa uno uno uba bieit uba u ïakynduh, u long tang ban pynmynsaw kat ïa kiba ïatreilang.

EKLESIASTIS 3:17

Nga ong ha lade, “U Blei un bishar kumjuh ïa uba hok bad uba sniew, namar kaei kaei baroh, kano kano ka jingleh, kan jia ha ka por ba la buh ïa ka hi.”

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

ESEKIEL 18:20

Ka dei ïa uta uba leh pop ban ïap. U khun um dei ban shahshitom namar ki pop jong u kpa jong u, lymne u kpa namar ka pop jong u khun jong u. Yn ai bainong ïa u briew uba bha namar ka jinglehbha, bad u briew uba sniew un shahshitom namar ka jingsniew kaba u leh.

ESEKIEL 18:30

“Mynta, ma nga U Trai Nongsynshar, nga ong ïa phi ki Israel ba ngan bishar ïa phi iwei pa iwei da kaei kaba phi la leh. To phai noh na kaba sniew baroh kaba phi leh, bad wat shah ba ka pop jong phi kan pynjot ïa phi.

ESEKIEL 36:19

Nga pynrem ïa ki namar ka rukom ba ki im bad ki leh, bad nga la pynsakma ïa ki kylleng ki ri nongwei.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

Ka Shithi U Paul Sha Ki Nong Rom 14:22

To bat ïa kaei kaba phi ngeit shaphang kane ka kam, hapdeng jong phi bad U Blei. Suk uta u briew u bym sngew ïa ka jingpynrem haba u leh ïa kaei kaei kaba u bishar ba ka long kaba dei!

1 KORINTH 3:8

Ym don jingïapher hapdeng u briew uba bet bad u briew uba ai um; U Blei un ai bainong ïa uwei pa uwei kat kum ka kam kaba u la leh.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 11:15

Kumta kam long kaei kaei kaba khraw lada ki shakri jong u ki thawdur ïa lade ban i kum ki shakri jong ka hok. Ha kaba khatduh kin ïoh thik kumta ïa kaei kaba ki jingleh jong ki, ki dei hok.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

2 TIMOTHI 4:14

U Aleksandar, u kamar-tama u la pyndik eh ïa nga; U Trai un sa ainong ïa u kat kum ki kam jong u.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.

JINGPYNPAW 22:12

“Shahshkor!” ong U Jisu. “Nga wan kloi! Ngan wallam ïa ki bainong jong nga, ban ai ha uwei pa uwei kat kum kaei kaba u la leh.