Ka Shithi U Paul Sha Ki Nong Rom 2:5 - Khasi CL Bible (BSI)

⁵ Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

KA BAIBL

⁵ Hynrei, katba kum kata ka jinglong eh ka jong me bad ka dohnud bymkylla-ka-bamut, me ïaikynshew ïa lade ka jingbitar ïa kaba akher ka sngi ka jingbitar, bad ka jingpynpaw ïa ka jingbishar hok ka jong U Blei;

Ka Shithi U Paul Sha Ki Nong Rom 2:5 ပူးပေါင်းရင်းမြစ်များ

2 KHRONIKL 30:8

Wat long kiba mutlop kum ma ki, hynrei to kohnguh ïa U Trai. Wan sha ka Templ ha Jerusalem ïa kaba U Trai U Blei jong phi u la pynlong khuid junom, bad to mane ïa U, ba kumta phin un ym bitar shuh ïa phi.

2 KHRONIKL 36:13

U Sedekaïah u ïaleh pyrshah ïa u Syiem Nebukhadnessar, uba pynbor ïa u bad smai ha ka kyrteng U Blei ba un ïaineh ha u. Da kaba leh mutlop u kyntait ban kylla-kaba-mut bad ban phai pat sha U Trai, U Blei ki Israel.

Ka Kitab U Job 21:30

Ha ka sngi ba U Blei u bitar bad u pynshitom, dei u briew uba sniew uba ju lait borabor.

SALM 110:5

U Trai u don ha ka liang kamon jong me; haba u bitar, un jop ïa ki syiem,

SALM 95:8

“Wat long uba mutlop, kumba ki kpa tymmen ki la long ha Meribah, kumba ki la long ha kato ka sngi ha ka ri shyiap ha Massah.

EKSODOS 14:17

Ngan pynmutlop haduh katta katta ïa ki nong Ijipt ba kin beh nadien jong ki, bad ngan ïoh ka jingpyndonburom da ka jingjop jong nga ïa u Pharaoh, ïa ka kynhun shipai jong u, ïa ki kali ïapom jong u, bad ïa ki nongñiah jong u.

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

EKSODOS 8:15

Hynrei haba u Pharaoh u ïohi ba kita ki jakoid ki la ïap, u la kylla mutlop biang, bad kumba U Trai u la lah ong, u Pharaoh um shym la shahshkor ïa u Moses bad u Aaron.

PROBERB 1:18

hynrei ki briew kiba kum kita ki riam ïa lade hi, ka jingriam ka ban pynïap ïa ki hi.

PROBERB 11:4

Ka spah kan ym lah ban leh ïa kaei kaei kaba bha ha ka sngi ba phi ïashem ïa ka jingïap, hynrei ka jinglehhok kan pyllait ïa ka jingim jong phi.

PROBERB 28:14

Kohnguh borabor ïa U Trai bad phin long kiba suk. Lada phi long kiba eh dohnud, phin hap ha ka jingjot.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

EKLESIASTIS 12:14

U Blei un bishar ïa kaei kaei baroh kaba ngi leh, la kaba bha ne kaba sniew, wat ïa kiei kiei kiba la leh ha kaba rieh.

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

JEREMAÏAH 40:3

“U Trai U Blei jong phi u la byrngem ïa kane ka ri da ka jingjot, bad mynta u la leh ïa kaei kaba u la ong ba un leh. Baroh kane ka la jia namar ki briew jong phi ki la leh pop pyrshah ïa U Trai bad kim shym la kohnguh ïa u.

ESEKIEL 11:19

Ngan ai ha ki ka dohnud bathymmai bad ka jingmut bathymmai. Ngan shim noh ïa ka dohnud maw ba-mutlop bad ngan ai ha ki ka dohnud bakohnguh.

ESEKIEL 3:7

Hynrei ym don mano mano ruh na ki paid Israel kiba mon ban shahshkor, naba kim shahshkor wat ïa nga ruh; baroh na ki, ki long kiba mutlop bad kiba ehrang.

DANIEL 5:20

Hynrei namar ba u la long uba sarong, uba eh ryndang, bad uba runar, la weng noh ïa u na ka khet syiem bad u la duh noh ïa ka jaka badonburom jong u.

HOSIA 13:12

“Ïa ka jingbymman ki Israel bad ki pop jong ki la buh jingthoh, bad ïa ki jingthoh la buh bha khop.

AMOS 3:10

U Trai u ong, “Kine ki briew ki pyndap ïa la ki ïing paki dulan da kiei kiei kiba la shim da ki kam runar bad ki kam lehbor. Kim tip satia wat kumno ban lehhok.

Ka Shithi U Paul Sha Ki Nong Rom 1:18

Ïa ka jingbitar U Blei la pynpaw na bneng pyrshah ïa baroh ka pop bad ka jingsniew jong ki briew kiba ki lynti basniew jong ki, ki la khang ïa ka jingtip ïa ka jingshisha.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 9:22

Bad kane ka long kumjuh ïa kaei kaba U Blei u la leh. U la kwah ban pynpaw ïa ka jingbitar jong u bad ban pynpaw ïa ka bor jong u. Hynrei u la long uba ïaishah haduh katta katta ïa kito kiba long ka daw jong ka jingbitar jong u, kiba la don ha ka lynti sha ka jingshah pynjot.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

DEUTERONOMI 2:30

“Hynrei u syiem Sihon um shah ïa ngi ban ïaid lynti na ka ri jong u. Naba U Trai U Blei jong phi u la pyneh ïa ka mynsiem jong u bad u la pynlong mutlop ïa u, khnang ba ngin ïoh jop bad shim ïa ri jong u ïa kaba ngi dang bat haduh mynta.

DEUTERONOMI 32:34

“U Trai u kynmaw aïu ki nongshun jong ki, ki la leh; u ap ïa ka por kaba biang ban pynshitom ïa ki.

2 THESSALONI 1:5

Kane baroh ka pynshisha ba ka jingbishar ka jong U Blei ka long kaba hok, bad kumta phin long kiba bit na ka bynta ka Hima jong u, kaba na ka bynta jong ka phi shahshitom.

HEBRU 3:13

Pynban, khnang ba ym don uwei na phi u ban shah shukor ha ka pop bad eh dohnud; phi dei ban ïarap iwei ïa iwei pat ha la ka sngi, katba ka ktien “Mynta” ha ka Jingthoh Bakhuid ka kren ïa ngi.

HEBRU 3:15

Kane ka long kaei ba ka Jingthoh Bakhuid ka ong: “Lada phi ïohsngew ïa ka sur jong U Blei ha kane ka sngi, wat pyneh ïa la ki dohnud, kumba ki kpa tymmen jong phi ki la long haba ki ïaleh pyrshah ïa U Blei.”

HEBRU 4:7

Ïa kane la pyn-i lyngba ka jingshisha ba U Blei u la buh ïa kawei pat ka sngi, ïa kaba la khot “Ha kane ka sngi.” Bun snem hadien u la kren lyngba u Dabid ha ka Jingthoh Bakhuid ïa kaba la lah kdew: “Lada phin ïohsngew ïa ka sur jong U Blei ha kane ka sngi, wat pyneh ïa la ki dohnud.”

JAKOB 5:3

Ka ksiar bad ka rupa jong phi ka la bam sarang, bad kane ka sarang kan long ka sakhi pyrshah ïa phi bad kan sa bam duh ïa ka doh jong phi kum ka ding. Phi la kynshew spah ha kine ki sngi kiba khatduh.

JOSHUA 11:20

U Trai u la pynlong ïa ki ban kut jingmut ban ïaleh ïa ki Israel, ba kumta kin shah pynrem sha ka jingpynjot thiaw bad ba baroh kin shah pynïap khlem ka jingisynei. Kane ka long kaba U Trai u la hukum ïa u Moses.

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.

2 PETROS 3:7

Hynrei ïa ki bneng bad ka pyrthei kiba long mynta la pynsah da kajuh ka hukum jong U Blei, khnang ban ïoh pynjot da ka ding. Ïa ki la pynsah na ka bynta ka sngi haba ïa ki briew ki bymtip Blei yn bishar bad pynjot noh.

JUDAH 1:6

To kynmaw ïa ki angel ki bym shym la ri ïa ka burom hapoh ki pud ka bor synshar jong ki, hynrei ki la iehnoh ïa ki jaka shong jong ki hi: Ki shah khum da ki kynjri bymjukut hapoh kaba dum tliw tliw, ha kaba U Blei u buh ïa ki na ka bynta kata ka Sngi kaba khraw ha kaba yn pynrem ïa ki.

JINGPYNPAW 2:21

Nga la ai por ïa ka ba kan kylla-kaba-mut na ki pop jong ka, hynrei kam kwah ban phai na ka jingawria jong ka.

JINGPYNPAW 6:17

Ka sngi batriem jong ka jingbitar jong ki ka la poi, bad uei uba lah ban ïeng pyrshah ïa ka?”

1 SAMUEL 6:6

Balei phin pyneh ïa la ki dohnud kumba leh u Pharaoh bad ki nong Ijipt? Wat klet kumno U Blei u la pynlong ki bieit ïa ki haduh ba kin da shah ïa ki Israel ban mihnoh na Ijipt.