Ka Shithi U Paul Sha Ki Nong Rom 2:4 - Khasi CL Bible (BSI)

⁴ Lane lehse phi ibeiñ ïa ka jingsbun bakhraw jong u, ka jingshah laitluid, bad ka jingïaishah. Da shisha phi tip ba U Blei u long uba sbun, namar u pyrshang ban ïalam ïa phi ban kylla-kaba-mut.

KA BAIBL

⁴ Ne me ñiewbeiñ ïa ka jingkynrei ka jingsbun, bad ka jingïaishah, bad ka jingshahslem ruh ka jong u, khlem da pyrkhat satia ba kata ka jingsbun ka jong U Blei ka thew ïalam ïa me sha ka jingkylla-ka-bamut?

Ka Shithi U Paul Sha Ki Nong Rom 2:4 ပူးပေါင်းရင်းမြစ်များ

SALM 10:11

U riewbymman u ong ha lade, “U Blei um sngew ei ei! u la khapbrip ïa la ki khmat bad un ym ïohi ïa nga da lei lei!”

SALM 104:24

A Trai, me la pynlong shibun kiei kiei! Haduh katno me la pynlong ha ka jingstad jong me ïa ki baroh! Ka pyrthei ka dap tang da ki jingthaw jong me.

SALM 31:19

Katno ki long kiba phylla kiei kiei kiba bha ba me sumar ïa kito kiba pyndonburom ïa me! Baroh ki tip katno me long uba bha, katno skhem ka jingïada jong me ïa kito kiba shaniah ha me.

SALM 78:38

Hynrei U Blei u la sngewsynei ïa ki briew jong u. U la map ïa ki pop jong ki bad um shym pynjot ïa ki. Bunsien u set noh ïa ka jingbitar jong u bad u tyngkai ïa ka jingbitar shla jong u.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

EKSODOS 34:6

U Trai u ïaid na khmat jong u, bad u pynbna, “Ma nga, U Trai, nga long U Blei uba dap da ka jinglehsbun bad jinglehisynei, uba suki ban bitar bad uba pyn-i ïa ka jingieit bakhraw bad ïa ka jingïaineh skhem.

EKLESIASTIS 8:11

Balei ki briew ki stet haduh katta katta ban leh ïa ki kam sniew? Namar ïa ka kam sniew ym ju kham pynshitom kloi.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

JEREMAÏAH 7:10

Phi leh ïa kine kiei kiei kiba nga ijli, bad nangta phi wan bad ïeng ha ka jingdon ryngkat jong nga, hapoh ka Templ jong nga, bad ong, ‘Ngim lei lei!’

ESEKIEL 11:19

Ngan ai ha ki ka dohnud bathymmai bad ka jingmut bathymmai. Ngan shim noh ïa ka dohnud maw ba-mutlop bad ngan ai ha ki ka dohnud bakohnguh.

ESEKIEL 16:63

Ngan map ïa ki jingbakla baroh kiba pha la leh, hynrei phan kynmaw ïa ki bad sngewlehrain palat ban ang ïa la ka shyntur.” U Trai Nongsynshar u la kren.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

JINGKHEIÑ 14:18

‘Nga, U Trai nga long uba suki ban bitar, bad nga pyn-i ïa ka jingieit bakhraw bad ka jingïaineh bad map ïa ka pop bad ïa ka jingïaleh pyrshah. Nalorkata, ngam pep ban pynshitom ïa ki khun bad ki ksiew haduh kaba lai bad kaba saw pateng namar ki pop jong ki kmie ki kpa jong ki.’

Ka Shithi U Paul Sha Ki Nong Rom 10:12

Kane ka long ïa baroh, namar ym don ka jingïapher hapdeng ki Jiw bad ki Jentil; U Blei u long ujuh U Trai ïa baroh bad u kyrkhu kyrhai ïa baroh kiba khot kyrpad ïa u.

Ka Shithi U Paul Sha Ki Nong Rom 11:22

Hangne ngi ïohi katno U Blei u long uba sbun bad katno u long uba eh. U long uba eh ïa kito kiba la kyllon, hynrei uba sbun ïa phi — lada phi ïaineh ha ka jingsbun jong u. Hynrei lada phim leh kumta, ma phi ruh phin sa shah pynkheiñ.

Ka Shithi U Paul Sha Ki Nong Rom 11:33

Katno ka long kaba khraw ka spah jong U Blei! Katno ki long kiba jylliew ka jingstad bad ka jingtip jong u! Uei uba lah ban batai ïa ki jingrai jong U? Uei uba lah ban sngewthuh ïa ki lynti jong u?

Ka Shithi U Paul Sha Ki Nong Rom 3:25

U Blei u la ai ïa u, khnang ba da ka jingïap kum ka jingkñia, un long ka lad jong ka jingmap ïa ki pop jong ki briew lyngba ka jingngeit jong ki ha u. U Blei u la leh ïa kane khnang ban pyn-i ba u long uba hok. Mynshuwa, u la ïaishah bad u la peit lyndet ïa ki pop jong ki briew; hynrei ha ka por mynta u pynbeit ïa ki pop jong ki, khnang ban pyn-i ïa ka jinglonghok jong u. Ha kane ka rukom U Blei u pyn-i ba ma u hi u long uba hok bad ba u pynlong hok ïa baroh kiba ngeit ha U Jisu.

Ka Shithi U Paul Sha Ki Nong Rom 6:1

Kaei te ngin ïa-ong? Hato ngin ïai im ha ka pop ba ka jingaiei U Blei kan nang khraw?

Ka Shithi U Paul Sha Ki Nong Rom 6:15

Kaei te ngin ïa-ong? Hato ngin leh pop, namar ngim long hapoh ka hukum hynrei hapoh ka jingaiei U Blei? Ym kumta!

2 KORINTH 8:2

Ki la shah tynjuh palat da ki jingjynjar kiba ki la ïaid lyngba; hynrei ka jingkmen jong ki ka la long kaba khraw haduh katta katta ba ki la long kiba sbun shikatdei eh ha ka jingai jong ki, wat la ki long kiba duk shisha.

EPHESOS 1:18

Nga duwai ba yn plie ïa ki jingmut jong phi khnang ba phin ïohi ïa ka jingshai jong u, ba phin tip kaei kata ka jingkyrmen ïa kaba u la khot ïa phi, katno ki jingkynrei spah ki long kita ki jingkyrkhu baphylla kiba U Blei u la kular ïa la ki briew,

EPHESOS 1:7

Naba da ka jingïap ba la kñia jong U Khrist la pyllaitluid ïa ngi, kata ka long, ïa ki pop jong ngi la map ei.

EPHESOS 2:4

Hynrei ka jingisynei U Blei ka shlei katta katta, bad ka jingieit jong u ïa ngi ka long kaba khraw katta katta,

EPHESOS 2:7

U la leh ïa kane ban pynpaw ha ki por baroh ki ban sa wan ïa ka jingkhraw tam eh ka jingaiei jong u ha ka jingieit ïa kaba u la pyn-i sha ngi ha U Khrist Jisu.

EPHESOS 3:16

Nga kyrpad ïa U Blei na ka jingkynrei spah ka burom jong u ban ai ha phi ïa ka bor da U Mynsiem jong u ba phin long kiba khlaiñ ha ki jinglong bashapoh jong phi, bad nga duwai ba U Khrist un pynlong ka ïingshong jong u ha ki dohnud jong phi da ka jingngeit.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

PHILIPPI 4:19

Bad da baroh ka spah bakyrhai jong u lyngba U Khrist Jisu, U Blei jong nga un pyndap ïa ka jingdonkam jong phi baroh.

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

KOLOSSAI 2:2

Nga leh ïa kane khnang ba yn pyndap ïa ki da ka jingshlur bad ba yn lah ban khring lang ïa ki ha ka jingieit, bad kumta kin ïoh ïa ka jingdap ba-pura ïa ka jingsngewskhem kaba ka jingshemphang ka wallam. Ha kane ka rukom kin tip ïa ka jingmaïan ka jong U Blei, kaba long U Khrist hi.

1 TIMOTHI 1:16

hynrei U Blei u la leh-isynei ïa nga khnang ba U Khrist Jisu un ïoh pynpaw ïa ka jingïaishah slem jong u ha kaba ïadei bad nga, uba sniew tam na kiba pop, kum ka nuksa ïa kito baroh ki ban sa ngeit ïa u hadien bad ïohpdiang ïa ka jingim bymjukut.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

1 PETROS 3:20

Kine ki la long ki mynsiem jong kito ki bym shym la kohnguh ïa U Blei mynba u la ap da ka jingshahslem ha ki sngi ba u Noah u dang shna ïa ka ïinglieng jong u. Ki briew kiba don tang khyndiat ha ka ïinglieng — phra ngut ha baroh — ki la lait im da ka um,

2 PETROS 1:11

Ha kane ka rukom, phin ïoh ïa ka hok ba-pura ban rung sha ka Hima bymjukut jong U Jisu Khrist uba U Trai bad U Nongpynim jong ngi.

2 PETROS 3:15

To khmih ïa ka jingïaishah slem U Trai jong ngi kum ka lad ba u ai ha phi ban ïoh im, kumba u Paul u para ba-ieit jong ngi u la thoh ha phi, da kaba pyndonkam ïa ka jingstad kaba U Blei u la ai ha u.

2 PETROS 3:3

Nyngkong eh, phi dei ban sngewthuh ba ha kine ki sngi kiba khatduh yn don ki briew kaba ïa ka jingim jong ki la tyllep da ki jingkwah brai jong ki hi.

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.

JINGPYNPAW 2:21

Nga la ai por ïa ka ba kan kylla-kaba-mut na ki pop jong ka, hynrei kam kwah ban phai na ka jingawria jong ka.

JINGPYNPAW 3:20

Shahshkor! Nga ïeng ha ka jingkhang bad nga tied; lada uno uno u sngew ïa ka sur jong nga bad plie ïa ka jingkhang, ngan wan rung shapoh ka ïing jong u bad ngan ïabam bad u, bad ma u ruh un ïabam lem bad nga.