Ka Shithi U Paul Sha Ki Nong Rom 2:27 - Khasi CL Bible (BSI)

²⁷ Bad kumta ma phi ki Jiw phin shah pynrem ha ki Jentil namar phi pynkheiñ ïa ka Hukum, wat la na ka bynta jong phi ïa ka Hukum la thoh bad ïa phi la otsher; hynrei ki kohnguh ïa ka Hukum, wat la ym shym la otsher ïa ki ha ka doh.

KA BAIBL

²⁷ Hato kan ym long ruh ba kata ka jingbym-otsher kaba na la ka kynja tynrai, lada ka la pyndep ïa kata ka hukum, kan bishar ïa me, uba bad ka dak bad ka jingotsher ruh, me long u nongryngkang ïa ka hukum?

Ka Shithi U Paul Sha Ki Nong Rom 2:27 ပူးပေါင်းရင်းမြစ်များ

MATHAÏOS 3:15

Hynrei U Jisu u la jubab ïa u, “Ai ba kan long kumta ïa mynta. Naba kumne keiñ ngin pyndep ïa kata baroh kaba U Blei u dawa.” Kumta u Ïoannis u la mynjur.

KI KAM 13:22

Hadien ba la weng noh ïa u, U Blei u la pynlong ïa u Dabid ban long u syiem jong ki. Kane ka long kaei kaba U Blei u la ong shaphang jong u: ‘Nga la shem ba u Dabid u khun jong u Jesse, u long u jait briew uba nga sngewbha, u briew u ban leh ïa baroh kaba nga kwah ïa u ban leh.’

Ka Shithi U Paul Sha Ki Nong Rom 13:10

Lada phi ieit ïano ïano, phin ym leh bymdei ïa u lano lano ruh; ban ieit, namarkata, ka long ban kohnguh ïa ka Hukum baroh kawei.

Ka Shithi U Paul Sha Ki Nong Rom 2:15

Ka jingleh jong ki ka pyn-i ba ïa kaei kaba ka Hukum ka dawa, la thoh ha ki dohnud jong ki. Ki jingïatiplem jong ki ruh ki pyn-i ba kane ka long kaba shisha, namar ki jingpyrkhat jong ki teng teng ki pynrem ïa ki bad teng teng ki kyrshan ïa ki.

Ka Shithi U Paul Sha Ki Nong Rom 2:20

u nongbthah ïa kiba bieit, bad u nonghikai ïa ki bym don jingnang jingstad. Phi long thikna ba ha ka Hukum phi don ka thup ba-pura jong ka jingtip bad jong ka jingshisha.

Ka Shithi U Paul Sha Ki Nong Rom 2:25

Lada phi kohnguh ïa ka Hukum, ka jingotsher jong phi ka don ka dor; hynrei lada phim kohnguh ïa ka Hukum, kan jin da la bha ba phim shym la shah otsher.

Ka Shithi U Paul Sha Ki Nong Rom 2:26

Lada u Jentil, u bym shym la otsher, u kohnguh ïa ki jingdawa ka Hukum, hato U Blei un ym ñiew ïa u kumba u la dep otsher?

Ka Shithi U Paul Sha Ki Nong Rom 2:29

Pynban, u Jiw bashisha u dei u briew uba dei u Jiw ha kaba shapoh, kata, uba ïa ka dohnud jong u la otsher, bad kane ka dei ka jingtrei jong U Mynsiem jong U Blei, ym jong ka Hukum ba la thoh. Kum uta u briew u ïoh ïa la ka jingïaroh na U Blei, ym na u briew.

Ka Shithi U Paul Sha Ki Nong Rom 3:30

U Blei u long tang uwei, bad un pynlong ha lade hi ka hok bad ki Jiw halor ka nongrim jong ka jingngeit jong ki, bad un pynlong ka hok bad ki Jentil lyngba ka jingngeit jong ki.

Ka Shithi U Paul Sha Ki Nong Rom 8:4

U Blei u la leh ïa kane khnang ba ïa ki jingdawa bahok jong ka Hukum yn pyndep nadong shadong ha ngi kiba im kat kum U Mynsiem, bad ym kat kum ka jinglong ba kynja doh.

1 KORINTH 7:19

Naba kaba otsher ne kaba khlem otsher ïa u briew kam don jingmut ei ei; kaei kaba donkam ka long ban kohnguh ïa ki hukum U Blei.

2 KORINTH 3:6

dei ma u, uba pynlah ïa ngi ban shakri ïa ka jutang kaba thymmai, kaba khlem kynthup ïa ka hukum ba la thoh hynrei kaba da U Mynsiem. Ka hukum ba la thoh ka wallam ïa ka jingïap, hynrei U Mynsiem u ai jingim.

GALATIA 5:14

Naba ïa ka Hukum baroh kawei la kyllum lang ha kawei ka hukum kaba ong, “Phin ieit ïa la u paramarjan kumba phi ieit ïa lade.”

EPHESOS 2:11

Phi ïa kiba la kha kum ki Jentil — ïa kiba la khot “ki bymotsher” da ki Jiw, kiba ïa lade pat ki khot “kiba la otsher” (kaba thew ïa kaei kaba ki briew ki leh ha ki met jong ki) — to kynmaw ïa kaei kaba phi la long mynshuwa.

2 TIMOTHI 3:15

Me tip mano ba la hikai ïa me, bad me kynmaw ba naduh me dang long u khynnah, me la tip ïa ki Jingthoh Bakhuid, kiba lah ban ai ha me ïa ka jingstad kaba ïalam sha ka jingpynim da ka jingngeit ha U Khrist Jisu.

HEBRU 11:3

Ka long da ka jingngeit ba ngi sngewthuh ba la pynlong ïa ka pyrthei da ka ktien U Blei, khnang ba ïa kaei kaba lah ban ïohi la pynlong na kaei ka bymlah ban ïohi.