Ka Shithi U Paul Sha Ki Nong Rom 2:26 - Khasi CL Bible (BSI)

²⁶ Lada u Jentil, u bym shym la otsher, u kohnguh ïa ki jingdawa ka Hukum, hato U Blei un ym ñiew ïa u kumba u la dep otsher?

KA BAIBL

²⁶ Namar kata, lada kata ka jingbym-otsher ka sumar biang ïa ki jingbuh rukom ki jong kata ka hukum, hato yn ym ñiew ïa kata ka jingbym-otsher jong u, kum ka jingotsher?

Ka Shithi U Paul Sha Ki Nong Rom 2:26 ပူးပေါင်းရင်းမြစ်များ

MATHAÏOS 15:28

Kumta U Jisu u la jubab ïa ka, “Pha long ka briew kaba khraw ka jingngeit! Ïa kaei kaba pha kwah yn leh na ka bynta jong pha.” Bad ha kata ka khyllipmat la pynkhiah ïa ka khun jong ka.

Ka Shithi U Paul Sha Ki Nong Rom 2:25

Lada phi kohnguh ïa ka Hukum, ka jingotsher jong phi ka don ka dor; hynrei lada phim kohnguh ïa ka Hukum, kan jin da la bha ba phim shym la shah otsher.

Ka Shithi U Paul Sha Ki Nong Rom 2:27

Bad kumta ma phi ki Jiw phin shah pynrem ha ki Jentil namar phi pynkheiñ ïa ka Hukum, wat la na ka bynta jong phi ïa ka Hukum la thoh bad ïa phi la otsher; hynrei ki kohnguh ïa ka Hukum, wat la ym shym la otsher ïa ki ha ka doh.

Ka Shithi U Paul Sha Ki Nong Rom 3:30

U Blei u long tang uwei, bad un pynlong ha lade hi ka hok bad ki Jiw halor ka nongrim jong ka jingngeit jong ki, bad un pynlong ka hok bad ki Jentil lyngba ka jingngeit jong ki.

Ka Shithi U Paul Sha Ki Nong Rom 8:4

U Blei u la leh ïa kane khnang ba ïa ki jingdawa bahok jong ka Hukum yn pyndep nadong shadong ha ngi kiba im kat kum U Mynsiem, bad ym kat kum ka jinglong ba kynja doh.

GALATIA 6:15

Kam pher ei ei satia la otsher ne ym shym la otsher, kaei kaba donkam ka long ban long u jingthaw uba thymmai.

EPHESOS 2:11

Phi ïa kiba la kha kum ki Jentil — ïa kiba la khot “ki bymotsher” da ki Jiw, kiba ïa lade pat ki khot “kiba la otsher” (kaba thew ïa kaei kaba ki briew ki leh ha ki met jong ki) — to kynmaw ïa kaei kaba phi la long mynshuwa.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

KOLOSSAI 2:11

Ha U Khrist la otsher ïa phi, ym da ka jingotsher kaba la thaw da ki briew, hynrei da ka jingotsher ba la pynlong da U Khrist, kaba kynthup ïa ka jinglong ba la laitluid na ka bor jong ka pop hi.