Ka Shithi U Paul Sha Ki Nong Rom 2:22 - Khasi CL Bible (BSI)

²² Phi ong, “Wat klim” — hynrei phi klim? Phi isih ïa ki bleithaw — hynrei phi lute ha ki templ?

KA BAIBL

²² Me uba ong ban ym klim, me hi me klim? me uba ijli ïa ki bleithaw, me hi me tuh kyntang?

Ka Shithi U Paul Sha Ki Nong Rom 2:22 ပူးပေါင်းရင်းမြစ်များ

SALM 50:17

Phi la kyntait ba ngan pynbeit ïa phi; phi la kyntait ïa ki hukum jong nga.

JEREMAÏAH 5:7

U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

JEREMAÏAH 9:2

Nga thrang ban don ka jaka ban sah ha ka ri shyiap ha kaba nga lah ban lait na ki briew jong nga. Ma ki baroh ki long ki bymïaineh, ki paidbhur ki nongshetkylla.

ESEKIEL 22:11

Don kiba klim, bad kiwei ki pynbieit ïa la ki pyrsa kurim ne ïa la ki bakha kynthei.

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

MALAKHI 1:8

Haba phi wallam da u jingri uba matlah ne uba pang ne uba dkoh ban kñia ha nga, hato phi pyrkhat ba kam don jingbakla ha kata? Pyrshang ban ai da uba kum uta u jingri ha u lat! Hato un sngewbha ïa phi ne ai ha phi ïa kiba phi kyrpad?”

MALAKHI 3:8

Nga kylli ïa phi, hato ka long kaba dei ba u briew un shukor ïa U Blei? Ha ka jingshisha ym dei, pynban phi shukor ïa nga. ‘Da kumno?’ phi kylli. Ha kaba ïadei shaphang kawei-na-kaba-shiphew bad ki jingainguh.

MATHAÏOS 12:39

“Katno kiba sniew bad bym don blei ki long ki briew jong kane ka por!” U Jisu u la pynbna. “Phi pan na nga ïa ka kambah? Em! Ka kambah kaba yn ai ha phi ka long tang ka kambah jong u Jonah u nongïathuhlypa.

MATHAÏOS 16:4

Katno kiba sniew bad ki bym don blei ki long ki briew jong kane ka juk! Phi kyrpad na nga ïa ka kambah? Em! Ka kambah kaba yn ai ha phi ka long tang ka kambah jong u Jonah.” Kumta u la iehnoh ïa ki bad u la leit noh.

MARKOS 11:17

Nangta u la hikai ïa u paidbah: “La thoh ha ki Jingthoh Bakhuid ba U Blei u la ong, ‘Ïa ka Templ jong nga yn khot ka ïing jingduwai ïa ki briew jong ki jaitbynriew baroh.’ Hynrei phi la pynlong ïa ka, ka jakarieh jong ki nongtuh!”

KI KAM 19:37

Phi la wan ïalam ïa kine ki briew hangne, wat haba kim shym la lute ïa ki templ lane ong kiei kiei kiba sniew shaphang ka blei jong ngi.

Ka Shithi U Paul Sha Ki Nong Rom 12:9

Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.