Ka Shithi U Paul Sha Ki Nong Rom 2:16 - Khasi CL Bible (BSI)

¹⁶ Bad kumta, kat kum ka Khubor Babha kaba nga ïalap, kane ka dei kaba kumno ka long ha kata ka Sngi ha kaba U Blei lyngba U Jisu Khrist un bishar ïa ki jingmut barieh jong ki briew baroh.

KA BAIBL

¹⁶ ha kaba akher ka sngi, ynda U Blei un bishar kut ïa kiei kiei kiba rieh ki jong ki briew da U Jisu Khrist, katba kum ka gospel jong nga.

Ka Shithi U Paul Sha Ki Nong Rom 2:16 ပူးပေါင်းရင်းမြစ်များ

JENESIS 18:25

Da shisha men ym pynïap ïa kiba hok ryngkat bad ki bymman. Kata ka bym lah ban long. Mem lah ban leh kumta. Lada me leh kumta, kiba hok kin shah pynshitom ryngkat bad ki bymman. Kata ka bym lah ban long. U nongbishar jong ka pyrthei baroh u dei ban lehhok.”

SALM 50:6

Ki bneng ki pynbna ba U Blei u long uba hok, ba ma u hi da lade u long u nongbishar.

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

EKLESIASTIS 11:9

Ko samla, to lehkmen ïa ka jinglong samla jong phi. To kmen katba phi dang samla. Leh ïa kaei kaba phi kwah ban leh, bad bud ïa ka jingkwah ka dohnud jong phi. Hynrei kynmaw ba U Blei un bishar ïa phi ïa kaei kaei kaba phi leh.

EKLESIASTIS 12:14

U Blei un bishar ïa kaei kaei baroh kaba ngi leh, la kaba bha ne kaba sniew, wat ïa kiei kiei kiba la leh ha kaba rieh.

EKLESIASTIS 3:17

Nga ong ha lade, “U Blei un bishar kumjuh ïa uba hok bad uba sniew, namar kaei kaei baroh, kano kano ka jingleh, kan jia ha ka por ba la buh ïa ka hi.”

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

LOUKAS 8:17

“Ïa kano kano kaba la buhrieh noh yn wallam shabar ha kaba paw, bad ïa kano kano kaba la tap yn sa lap bad yn sa pynpaw ha kaba shai.

ÏOANNIS 12:48

Uno uno uba kyntait ïa nga bad u bym pdiang ïa ka khubor jong nga, u don uwei u ban bishar ïa u. Ki ktien kiba nga la kren kin long u nongbishar jong u ha ka sngi kaba khatduh!

KI KAM 10:42

Bad u la hukum ïa ngi ban ïalap ïa ka Gospel ha ki briew, bad ban sakhi ba u long uta ïa uba U Blei u la thung ban long u Nongbishar ïa kiba im bad kiba ïap.

KI KAM 17:31

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

Ka Shithi U Paul Sha Ki Nong Rom 3:6

Ym kumta keiñ! Lada U Blei um long uba hok, kumno un bishar ïa ka pyrthei?

1 KORINTH 15:1

Bad mynta nga kwah ban pynkynmaw ïa phi, ko parabangeit jong nga, ïa ka Khubor Babha kaba nga la ïalap ha phi, ïa kaba phi la pdiang, bad ha kaba ka jingngeit jong phi ka ïeng skhem.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

GALATIA 1:11

Shah ïa nga ban ïathuh ha phi, ko ki parabangeit jong nga, ba ka Gospel ba nga ïalap ha phi kam long kaba na ka tynrai u briew.

1 TIMOTHI 1:11

Ïa kata ka jinghikai la shem ha ka Gospel ïa kaba la pynkhamti ha nga ban pynbna, ka Khubor Babha na U Blei uba khrawburom bad ba la kyrkhu.

2 TIMOTHI 2:8

To kynmaw ïa U Jisu Khrist, uba la mihpat na ka jingïap, uba la hiarpateng na u Dabid, kumba la hikai ha ka Khubor Babha kaba nga ïalap.

2 TIMOTHI 4:1

Ha khmat jong U Blei bad jong U Khrist Jisu, u ban sa bishar ïa kiba im bad ïa kiba ïap, bad namar ba un sa wan ban synshar kum u Syiem, nga kyrpad da kaba jai jai ïa me ba men ïalap ïa ka khubor, ban ïai kyntu ha kaba pynbna ïa ka (haba dei por ne ha bym dei por), ban pynkynduh, ban pynbeit bad ban pynshlur, da ka jingïaishah baroh haba me hikai.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

HEBRU 9:27

Uwei pa uwei u dei ban ïap tang shisien, bad hadien kata yn bishar da U Blei.

1 PETROS 4:5

Hynrei kin sa hap ban ai jingkheiñ ïa lade ha U Blei, uba la kloi ban bishar ïa kiba im bad ïa kiba ïap.

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.