Ka Shithi U Paul Sha Ki Nong Rom 2:13 - Khasi CL Bible (BSI)

¹³ Naba ym dei da kaba ïohsngew ïa ka Hukum ba ki briew ki don ka jingïadei bad U Blei, hynrei da kaba leh ïa kaei kaba ka Hukum ka dawa.

KA BAIBL

¹³ namar ym dei ki nongsngew ïa ka hukum kiba long ki bahok ha khmat U Blei, hynrei, ïa ki nongleh keiñ ïa kata ka hukum yn pynksan.

Ka Shithi U Paul Sha Ki Nong Rom 2:13 ပူးပေါင်းရင်းမြစ်များ

SALM 143:2

To wat buh ïa nga, u shakri jong me, ha ka jingtynjuh; ym don uba lui lui ha khmat jong me.

JEREMAÏAH 11:6

Nangta U Trai u la ong ha nga, “Khie leit sha ki nongbah jong ka Judah bad sha ki lynti jong ka Jerusalem. Pynbna ïa ka khubor jong nga hangta bad ïathuh ïa ki briew ban shahshkor ïa ki kyndon jong ka jutang bad ban kohnguh ïa ki.

ESEKIEL 20:11

Nga la ai ha ki ïa ki hukum jong nga bad nga la hikai ha ki ïa ki aiñ jong nga, kiba wallam ka jingim ïa uno uno uba kohnguh ïa ki.

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

LOUKAS 8:21

U Jisu u la ong ha ki baroh, “Ka kmie bad ki para shynrang jong nga ki long kito kiba ïohsngew ïa ka ktien U Blei bad kiba kohnguh ïa ka.”

ÏOANNIS 13:17

Mynta ba phi tip ïa kane ka jingshisha, katno kiba kmen phin long lada phi pyntreikam ïa ka!

Ka Shithi U Paul Sha Ki Nong Rom 10:5

U Moses u la thoh ïa kane, shaphang ka jingïadei bad U Blei da kaba kohnguh ïa ka Hukum: “Uno uno uba kohnguh ïa ki aiñ jong ka Hukum un ïap.”

Ka Shithi U Paul Sha Ki Nong Rom 2:25

Lada phi kohnguh ïa ka Hukum, ka jingotsher jong phi ka don ka dor; hynrei lada phim kohnguh ïa ka Hukum, kan jin da la bha ba phim shym la shah otsher.

Ka Shithi U Paul Sha Ki Nong Rom 3:20

Naba ym don uno uno ruh uba hok ha khmat U Blei da kaba leh ïa kaei kaba ka Hukum ka dawa; kaei kaba ka Hukum ka leh ka long ban pynlong ïa u briew ban tip ba u la leh pop.

Ka Shithi U Paul Sha Ki Nong Rom 3:23

baroh ki la leh pop bad ki la jngai noh na ka jingpynim U Blei.

Ka Shithi U Paul Sha Ki Nong Rom 3:30

U Blei u long tang uwei, bad un pynlong ha lade hi ka hok bad ki Jiw halor ka nongrim jong ka jingngeit jong ki, bad un pynlong ka hok bad ki Jentil lyngba ka jingngeit jong ki.

1 KORINTH 4:4

Ka jingïatiplem jong nga ka shai, hynrei kata kam pynshisha ba nga long da shisha uba lui lui. U Trai u dei uta uba bishar ïa nga.

GALATIA 2:16

Pynban, ngi tip ba ïa u briew la pynksan ha khmat U Blei tang da ka jingngeit ha U Jisu Khrist, ym da kaba leh ïa kaei kaba ka Hukum ka dawa. Ngi ruh, ngi la ngeit ha U Khrist Jisu khnang ban pynksan ha U Blei da ka jingngeit jong ngi ha U Khrist bad ym da kaba leh ïa kaei kaba ka Hukum ka dawa. Namar ym don uno uno ruh ïa uba la pynksan ha U Blei da kaba leh ïa kaei kaba ka Hukum ka dawa.

GALATIA 5:4

Kito na phi kiba pyrshang ban pynksan ha khmat U Blei da kaba kohnguh ïa ka Hukum, phi la dkhat noh ïa lade na U Khrist. Phi long shabar ka jingaiei U Blei.

DEUTERONOMI 4:1

Nangta u Moses u ong ha uta u paidbah, “Kohnguh ïa ki hukum baroh ïa kiba nga hikai ïa phi, te phin ïoh im bad phin ïohkynti ïa kata ka ri kaba U Trai U Blei ki kpa tymmen jong phi, u ai ha phi.

DEUTERONOMI 5:1

U Moses u khot lang ïa ki Israel baroh bad u ong ha ki, “Ko phi ki Israel, shahshkor ïa ki hukum baroh ïa kiba ngan ai ha phi mynta ka sngi. Pule ïa ki bad pynthikna ba phi kohnguh ïa ki.

DEUTERONOMI 6:3

Shahshkor ïa ki, ko Israel, bad kohnguh ïa ki! Te phin shem bha, bad phin nang roi bad long ka jaitbynriew kaba donbor bad phin ïoh shong ha kata ka ri kaba tuid da ka dud bad ka ngap, kumba U Trai U Blei ki kpa tymmen jong ngi, u la kular.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.

1 ÏOANNIS 2:29

Phi tip ba U Khrist u long uba hok; phi dei ban tip, namarkata, ba uei uei baroh uba leh ïa kaei kaba dei u long u khun U Blei.

1 ÏOANNIS 3:7

To wat ai ba uno uno un shukor ïa phi, ko ki khun jong nga! Uno uno uba leh ïa kaei kaba dei, u long uba hok, kumba U Khrist u long uba hok.