Ka Shithi U Paul Sha Ki Nong Rom 2:10 - Khasi CL Bible (BSI)

¹⁰ Hynrei U Blei un ai ka burom, ka nam babha bad ka jingsuk ïa baroh kiba leh ïa kaei kaba bha, ïa ki Jiw nyngkong bad ïa ki Jentil ruh.

KA BAIBL

¹⁰ hynrei, ka jinglong burom bad ka burom bad ka jingsuk yn long ha u briew baroh uba da ïai-leh ïa ka babha, ha u Jiw nyngkong, bad ha u Grik ruh.

Ka Shithi U Paul Sha Ki Nong Rom 2:10 ပူးပေါင်းရင်းမြစ်များ

Ka Kitab U Job 22:21

Mynta, ko Job, ïasuk noh bad U Blei bad sangeh noh na kaba pynlong ïa u kum u nongshun; lada phi leh kumta, te un sa kyrkhu ïa phi.

SALM 15:2

U briew uba kohnguh ïa U Blei ha kiei kiei baroh bad uba leh ïa kaei kaba dei, uba ki ktien jong u, ki long kiba shisha bad kiba sngur,

SALM 29:11

U Trai u ai jingkhlaiñ ïa ki briew jong u bad kyrkhu ïa ki da ka jingsuk.

SALM 37:37

Khmih thuh ïa u briew uba bha, wad bniah ïa u briew uba hok, u briew uba shongsuk shongsaiñ un don ki khun ki ksiew;

PROBERB 11:18

Ki briew kiba bymman da shisha kim ïohnong ei ei, hynrei lada phi leh ïa kaei kaba dei, ka pynthikna ba phin ïoh ïa ka bainong.

PROBERB 8:18

Nga don ka spah bad ka burom ban ai, ka jingdap kyrhai bad ka jingjop.

ISAÏAH 26:12

Men ai ïa ngi ka jingroi jingpar, A Trai; baroh kata kaba ngi pyndep ha ka jingjop ka long ka jingmih na kaei kaba me leh.

ISAÏAH 32:17

Namar ba uwei pa uwei un leh ïa kaei kaba dei, kan don ka jingsuk bad ka jingshongshngain junom.

ISAÏAH 48:18

“Tang lada phi la sngap ïa ki hukum jong nga! Te ki jingkyrkhu kin jin da la tuid ha phi kum ka wahduid ka bym ju rngad! Ka jingjop kan jin da la wan ha phi kum ki jingat phyllung kiba phaloh ha ka rud duriaw.

ISAÏAH 48:22

“Ym don jingshngain ïa ki nongpop,” ong U Trai.

ISAÏAH 55:12

“Phin mihnoh na Babilon da ka jingkmen; yn ïalam ïa phi shabar ka nongbah ha ka jingsuk. Ki lumbah bad ki lumrit kin sawa da ka jingrwai, bad ki dieng kin pyrta da ka jingkmen.

ISAÏAH 57:19

Nga ai jingsuk ïa baroh, ïa kiba hajan bad ïa kiba sha jngai! Ngan pynkhiah ïa ki briew jong nga.

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

JINGKHEIÑ 6:26

To U Trai un khmih ïa phi da ka jingsngewbha bad ai ha phi ka jingsuk.

MATHAÏOS 10:13

Lada ki briew hapoh kata ka ïing ki pdiang sngewbha ïa phi, ai ba ka jingkhublei jingsuk jong phi kan neh; hynrei lada kim pdiang sngewbha ïa phi, to shim noh pat ïa ka jingkhublei jong phi.

LOUKAS 1:79

bad ban tyngshaiñ na bneng halor kito baroh kiba im ha ka syrngiew ba-dum jong ka jingïap, ban ïalam ïa ki sien jam jong ngi ha ka lynti jong ka jingsuk.”

LOUKAS 12:37

A katno kiba kmen long kito ki shakri kiba u kynrad jong ki u shem ba ki dang peitmat bad kiba la kloi haba u wan! Nga ong ha phi, ba un law ïa la ka jaiñkup, un ong ïa ki ban shong, bad un shakri ïa ki.

LOUKAS 19:42

“Lada phan jin da la tip mynta ïa kaei kaba donkam na ka bynta ka jingsuk! Hynrei mynta pham lah ban ïohi ïa ka!

LOUKAS 22:14

Haba ka kynta ka la poi, U Jisu u la shong ha la ka jaka ha ka miej lem bad ki apostol.

LOUKAS 9:48

“Uno uno uba pdiang sngewbha ïa une u khynnah ha ka kyrteng jong nga, u pdiang sngewbha ïa nga; bad uno uno uba pdiang sngewbha ïa nga, u pdiang sngewbha ruh ïa uta uba la phah ïa nga. Naba uta uba rit tam napdeng jong phi baroh u long uba khraw tam.”

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

KI KAM 10:35

Kito kiba mane ïa u bad kiba leh ïa kaba dei ki long kiba la pdiang sngewbha da u, kam pher na kano ka jaitbynriew ki long.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

Ka Shithi U Paul Sha Ki Nong Rom 15:13

To U Blei, uba long ka tyllong jong ka jingkyrmen, un pyndap ïa phi da ka jingkmen baroh bad ka jingsuk kaba long da ka jingngeit jong phi ha u, khnang ba ka jingkyrmen jong phi kan ïai san da ka bor jong U Mynsiem Bakhuid.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 2:9

Yn don ka jingjynjar bad ka jingpang na ka bynta kito baroh kiba leh ïa kaei kaba sniew, na ka bynta ki Jiw nyngkong bad na ka bynta ki Jentil ruh.

Ka Shithi U Paul Sha Ki Nong Rom 5:1

Mynta ngi don ka jingïadei bad U Blei lyngba ka jingngeit, ngi don ka jingïasuk bad U Blei lyngba U Jisu Khrist uba U Trai jong ngi.

Ka Shithi U Paul Sha Ki Nong Rom 8:6

Kaba shah synshar ha ka jinglong ba kynja doh, ka ïalam sha ka jingïap; kaba shah synshar ha U Mynsiem, ka ïalam sha ka jingim bad ka jingsuk.

Ka Shithi U Paul Sha Ki Nong Rom 9:21

Ha ka jingshisha, u briew uba thaw ïa ki khiew u don ka hok ban pyndonkam ïa ka dewbyrtha katba u kwah, bad ban thaw ar tylli ki khiew na kawei ka lyngngun dewbyrtha, ïa uwei na ka bynta ki por bakyrpang bad ïa uwei pat na ka bynta ka jingpyndonkam paidbah.

Ka Shithi U Paul Sha Ki Nong Rom 9:23

Bad u la kwah ruh ban pynpaw ïa ka burom bakhraw jong u, ïa kaba la theh halor jong ngi kiba long ka jingisynei jong u, kito na ngi ïa kiba u la pynkhreh ban ïohpdiang ïa ka burom jong u.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

PHILIPPI 4:7

Bad ka jingsuk U Blei kaba palat ïa ka jingshemphang briew baroh, kan ri jai jai ïa ki dohnud jong phi, bad ïa ki jingmut jong phi ha U Khrist Jisu.

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

HEBRU 2:7

Me la pynlong ïa u khampoh khyndiat ban ïa ki angel, me la pynphong pansngiat ïa u da ka burom bad ka jingpyndonburom, bad me la pynlong ïa u ban synshar halor kiei kiei baroh.”

JAKOB 2:22

Hato phim ïohi? Ka jingngeit jong u bad ki kam jong u ki ïatreilang; ïa ka jingngeit jong u la pynlong janai da ki kam jong u.

JAKOB 3:13

Hato don uno uno napdeng jong phi uba stad bad shemphang? U dei ban pynshisha ïa ka da ka jingim babha, da ki kam babha jong u kiba u la leh ha ka jingsngewrit bad jingstad.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

1 PETROS 5:4

Bad ynda U Nongaplangbrot Rangbah un paw, phin ïohpdiang ïa ka pansngiat badonburom kaba ka jingtyngshaiñ kan ym jah na ka lano lano ruh.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.