Ka Shithi U Paul Sha Ki Nong Rom 16:7 - Khasi CL Bible (BSI)

⁷ Ki jingkhublei ruh ïa u Andronikos bad ka Junias, ki para Jiw kiba la ïadon lang bad nga ha byndi; ki long ïa kiba la ithuh bha hapdeng ki apostol, bad ki la long Khristan shuwa ïa nga.

KA BAIBL

⁷ To khublei ïa u Andronikos bad ïa u Junias, ki kur jong nga bad ki para basah byndi lem jong nga; kiba long bapawnam babha hapdeng ki apostol, kiba la long ruh ha U Khrist mynshuwa jong nga.

Ka Shithi U Paul Sha Ki Nong Rom 16:7 ပူးပေါင်းရင်းမြစ်များ

ISAÏAH 45:17

Hynrei ïa ki Israel la pynim da U Trai, bad ka jingjop jong u ka neh junom; ki briew jong ka kin ym jahburom.’ ”

ISAÏAH 45:25

Nga, U Trai, ngan pyllait im ïa baroh ki khun ki ksiew jong u Jakob, bad kin ai ka jingïaroh ïa nga.

ÏOANNIS 14:20

Haba kata ka sngi ka poi, phin sa tip ba nga long ha U Kpa jong nga bad ba ma phi ha nga, kumba nga long ha phi.

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

ÏOANNIS 6:56

Kito kiba bam ïa ka doh jong nga bad ba dih ïa ka snam jong nga ki ïaisah ha nga, bad ma nga ha ki.

Ka Shithi U Paul Sha Ki Nong Rom 16:10

Ki jingkhublei ïa u Apelles, uba ïa ka jingïaineh ha U Khrist la pynshisha. Ki jingkhublei ïa kito kiba na ka longïing jong u Aristobulos.

Ka Shithi U Paul Sha Ki Nong Rom 16:11

Ki jingkhublei ïa u Herodion, u para Jiw, bad ïa ki parabangeit kiba ha ka longïing jong u Narkissos.

Ka Shithi U Paul Sha Ki Nong Rom 16:21

U Timothi, u para nongtrei jong nga, u phah ïa phi ki jingkhublei; bad kumjuh ruh u Lukios, u Jason, bad u Sosipater kiba long ki para Jiw.

Ka Shithi U Paul Sha Ki Nong Rom 16:3

Nga phah ïa ki jingkhublei ïa ka Priskila bad u Akwila, ki para nongtrei jong nga ha ka jingshakri ïa U Khrist Jisu;

Ka Shithi U Paul Sha Ki Nong Rom 16:6

Ki jingkhublei ïa ka Mari, kaba la trei shitom na ka bynta jong phi.

Ka Shithi U Paul Sha Ki Nong Rom 16:8

Ki jingkhublei jong nga ïa u Ampliatos, u paralok ba-ieit jong nga ha ka jingïasyllok U Trai.

Ka Shithi U Paul Sha Ki Nong Rom 16:9

Ki jingkhublei ruh ïa u Urbanos, uba ïatrei lem bad ngi ha ka kam U Khrist, bad ïa u Stakhos, u paralok ba-ieit jong nga.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

Ka Shithi U Paul Sha Ki Nong Rom 9:3

Na ka bynta jong ki nga kwah ba ngan jin da la don hapoh ka jingtim U Blei ba la pynïakhlad na U Khrist.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

2 KORINTH 11:23

Hato ki long ki shakri U Khrist? Ki sngew ïa nga kum uba lamwir — hynrei nga long u shakri uba kham bha ban ïa kaba ki long! Nga la trei kham shitom palat, nga la don bunsien ha byndi, nga la shah sympat kham bun, bad nga la jan sha ka jingïap kham bunsien.

2 KORINTH 12:2

Nga ithuh ïa u briew uba ngeit ïa uba khatsaw snem mynshuwa la rong noh sha ka bneng kaba jrong tam (ngam tip la kane ka da jia shisha ne u la ïoh ïa ka jingïohipaw — tang U Blei uba tip).

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

GALATIA 1:22

Ha kata ka por, ki dkhot jong ki balang ha Judia kim pat ithuh ïa nga markhmat.

GALATIA 2:2

Nga la leit namar U Blei u la pynpaw ha nga ba nga dei ban leit. Ha ka jingïakynduh bajar jar bad ki nongïalam, nga la batai ïa ka khubor ka Gospel ïa kaba nga ïalap ha ki Jentil. Ngam shym la kwah ba ka jingtrei jong nga kaba mynshuwa bad kaba mynta kin shu sep-ei.

GALATIA 2:6

Hynrei ïa kito kiba idei ban long ki nongïalam — nga ong ïa kane namar kam pher ei ei ïa nga la ki long kiba kumno kumno ruh; U Blei um bishar na ki durkhmat bashabar — kito ki nongïalam, nga ong, kim don ei ei ki jingai jingmut bathymmai na ka bynta jong nga.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

GALATIA 6:15

Kam pher ei ei satia la otsher ne ym shym la otsher, kaei kaba donkam ka long ban long u jingthaw uba thymmai.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

KOLOSSAI 4:10

U Aristarkhos, uba ha byndi lem bad nga, u phah ka jingkhublei ïa phi, bad kumta ruh u Markos, u bakha jong u Barnabas. (Phi la da ïohpdiang lypa ïa ki jingbthah ban pdiang sngewbha ïa u Markos lada u wan sha phi.)

PHILEMON 1:23

U Epaphras, uba don lang bad nga ha ka byndi na ka bynta U Khrist Jisu, u phah ïa ki jingai khublei jong u ïa me,

1 ÏOANNIS 4:13

Ngi sngewskhem ba ngi im ha U Blei bad ba u im hapoh jong ngi, namar ba u la ai ha ngi ïa U Mynsiem jong u.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.