Ka Shithi U Paul Sha Ki Nong Rom 16:2 - Khasi CL Bible (BSI)

² To pdiang ïa ka ha ka kyrteng U Trai, kumba ki briew jong U Blei ki dei ban leh, bad to ai ha ka ïa kano kano ka jingïarap kaba ka lah ban donkam na phi; namar ma ka hi, da lade ka long ka paralok babha ïa kiba bun ki briew bad ïa nga ruh.

KA BAIBL

² ba phin ïoh pdiang sngewbha ïa ka ha U Trai, kumba dei biang ïa ki riewkhuid, bad ba phin ïarap ïa ka ha kaei kaei ruh ka kam kat kaba ka sngewdonkam na phi; namar ma ka hi ruh, ka la long ka nongsumar ïa kiba bun, bad ïa nga hi ruh.

Ka Shithi U Paul Sha Ki Nong Rom 16:2 ပူးပေါင်းရင်းမြစ်များ

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

KI KAM 9:13

U Ananias u la jubab, “Ko Trai, bun ki briew ki la ïathuh ïa nga shaphang une u briew bad shaphang kiei kiei kiba shyrkhei kiba u la leh ïa ki briew jong me ha Jerusalem.

KI KAM 9:15

U Trai u la ong ha u, “Khie leit, namar ba nga la jied ïa u ban shakri ïa nga, ban pyntip ïa ka kyrteng jong nga ha ki Jentil bad ha ki syiem bad ha ki paid Israel.

KI KAM 9:36

Ha Joppa la don ka briew kaba kyrteng ka Tabitha, kaba long ka riewngeit. (Ka kyrteng jong ka ha ka Ktien Grik ka long ka Dorkas, kaba mut “ka skei.”) Ka la pynlut ïa ka por jong ka baroh ha kaba leh babha bad ha kaba ïarap ïa kiba duk.

KI KAM 9:39

Kumta u Petros u la khreh bad u la leit bad ki. Haba u la poi, la ïalam ïa u sha ka kamra kaba haneng, ha kaba ki riewkynthei baroh ki la ïalum sawdong ïa u, ki da ïam bad pyn-i ïa ki sopti bad ki jaiñkup kiba ka Dorkas ka la suh mynba ka dang im.

KI KAM 9:41

U Petros u la kner ïa la ki kti, bad u la ïarap pynkhie ïa ka. Nangta u la khot ïa ki parabangeit baroh, kynthup ïa ki riewkynthei, u la aiti ïa ka ha ki, ka briew kaba la im pat.

Ka Shithi U Paul Sha Ki Nong Rom 15:7

To ïa-pdiang iwei ïa iwei te, na ka bynta ka burom jong U Blei, kumba U Khrist u la pdiang ïa phi.

Ka Shithi U Paul Sha Ki Nong Rom 16:15

Ki jingkhublei ïa u Philologos bad ka Julia, ïa u Nireus bad ka para jong u, ïa u Olumpas bad ïa ki briew jong U Blei baroh kiba ïadon bad ki.

Ka Shithi U Paul Sha Ki Nong Rom 16:23

U Gaïos, uba ai jaka sah ïa nga, uba ha ka ïing jong u ka balang ka ïaseng, u phah ïa phi ki jingai khublei; u Erastos, u nongsumar ïa ki jingkynshew ha ka nongbah, bad u Kuartos, u parabangeit jong ngi, ki phah ïa ki jingkhublei jong ki.

Ka Shithi U Paul Sha Ki Nong Rom 16:6

Ki jingkhublei ïa ka Mari, kaba la trei shitom na ka bynta jong phi.

Ka Shithi U Paul Sha Ki Nong Rom 16:9

Ki jingkhublei ruh ïa u Urbanos, uba ïatrei lem bad ngi ha ka kam U Khrist, bad ïa u Stakhos, u paralok ba-ieit jong nga.

EPHESOS 5:3

Namar ba phi long ki briew jong U Blei, kam long kaba dei wat ban ïakren hapdeng jong phi ïa kino kino ki kam awria ne ki kam jakhlia ne ki kam kwah lalot.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

PHILIPPI 2:29

To pdiang ïa u, te, da ka jingkmen, kum u para ha U Trai. To phin ñiewburom ïa kiba kum kita ki briew kum ma u,

KOLOSSAI 4:10

U Aristarkhos, uba ha byndi lem bad nga, u phah ka jingkhublei ïa phi, bad kumta ruh u Markos, u bakha jong u Barnabas. (Phi la da ïohpdiang lypa ïa ki jingbthah ban pdiang sngewbha ïa u Markos lada u wan sha phi.)

2 TIMOTHI 1:18

To U Trai un ai ïa ka jinglehisynei ha u ha kata ka Sngi! Bad phi tip shai kdar katno ba u la leh na ka bynta jong nga ha Ephesos.

TITOS 2:3

Kumjuh ruh hikai ïa ki kynthei kiba la kham san ba kin im donakor kum ki kynthei kiba dei ban leh, kiba im ka jingim bakhuid. Kim dei ban long kiba kren siar lane kiba kyrni ha ka dih waiñ.

PHILEMON 1:12

Nga phah pat sha me ïa u mynta, lem bad u ka long lem ka dohnud jong nga.

PHILEMON 1:17

Namarkata, lada me pyrkhat ïa nga kum u para ba-ïatrei lem jong me, to pdiang sngewbha pat ïa u kumba men pdiang sngewbha ïa nga.

2 ÏOANNIS 1:10

Te kumta, lada uno uno u wan ha phi khlem da wallam ïa kane ka jinghikai, to wat pdiang sngewbha ïa u ha ki ïing jong phi; to wat da ong, “To ka jingsuk kan long bad phi.”