Ka Shithi U Paul Sha Ki Nong Rom 15:4 - Khasi CL Bible (BSI)

⁴ Ïa kiei kiei ba la thoh ha ki Jingthoh Bakhuid, la thoh ban hikai ïa ngi, khnang ba ngin don ïa ka jingkyrmen lyngba ka jingïaishah bad ka jingpynshlur kiba ki Jingthoh Bakhuid ki ai ïa ngi.

KA BAIBL

⁴ Namar ïa kiei kiei baroh ba la thoh mynbarim, la thoh khnang ban long ka jinghikai ïa ngi keiñ; ba da ka jingïaishah bad da ka jingpyntngen jong kita Ki Jingthoh, ngin dup ïoh ka jingkyrmen.

Ka Shithi U Paul Sha Ki Nong Rom 15:4 ပူးပေါင်းရင်းမြစ်များ

SALM 102:18

To thoh na ka bynta ka pateng ka ban sa wan ïa kaei kaba U Trai u la leh, khnang ba ki briew ïa ki bym pat shym la kha kin ïaroh ïa u.

SALM 119:50

Wat ha ka jingshitom jong nga, la pyntngen ïa nga namar ka jingkular jong me ka ai jingim ïa nga.

HABAKKUK 2:2

U Trai u la ai ïa kane ka jubab: “To thoh shai ha ki lyngkniap dewbyrtha ïa kaei ba ngan pynpaw ha me, khnang ban lah ban pule mar syn peit.

Ka Shithi U Paul Sha Ki Nong Rom 12:12

To ai ba ka jingkyrmen jong phi kan pynkmen ïa phi, to long kiba ïaishah ha ki jingjynjar jong phi, bad to duwai ha ki por baroh.

1 KORINTH 10:11

Kine kiei kiei baroh ki la jia ha ki kum ki nuksa ïa kiwei pat, bad la thoh ïa kine kum ka jingmaham ïa ngi. Naba ngi im ha ka por ba kaba kut ka la jan poi.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

1 PETROS 1:13

Kumta te, to ai ba ki jingmut jong phi kin pynkhreh ban treikam. To long adkar bad buh ïa ka jingngeit jong phi baroh phar ha ka jingkyrkhu ïa kaba yn sa ai ha phi haba ïa U Jisu Khrist yn pynpaw.