Ka Shithi U Paul Sha Ki Nong Rom 15:30 - Khasi CL Bible (BSI)

³⁰ Nga kyntu ïa phi, ko ki parabangeit, da U Jisu Khrist uba U Trai jong ngi bad da ka jingieit kaba U Mynsiem u ai: To ïasoh bad nga ha ka jingduwai shitrhem sha U Blei na ka bynta jong nga.

KA BAIBL

³⁰ Te nga kyrpad ïa phi, ko parabangeit, na ka bynta U Jisu Khrist uba U Trai jong ngi, bad na ka bynta ka jingïa-ieit ka jong U Mynsiem, ba phin ïa-pyneh lem bad nga ha ki jingduwai jong phi na ka bynta jong nga ha U Blei;

Ka Shithi U Paul Sha Ki Nong Rom 15:30 ပူးပေါင်းရင်းမြစ်များ

SALM 143:10

Me long U Blei jong nga; to hikai ïa nga ban leh ïa ka mon jong me. Long uba bha ïa nga, bad to ïalam ïa nga ha ka lynti bym don jingma.

2 KORINTH 1:11

Kumta kan long ba ïa ki jingduwai babun na bynta jong ngi yn sa jubab, bad U Blei un kyrkhu ïa ngi; bad bun kin kyntiew ïa ki sur jingïaroh jong ki sha u ha ka jingainguh na ka bynta jong ngi.

2 KORINTH 12:10

Nga sngewhun ha ki jingtlot, ki jingkrenbeiñ, ki jingjynjar, ki jingshah pynshitom, bad ki jingeh na ka bynta U Khrist. Naba haba nga tlot, dei hangta ba nga khlaiñ.

2 KORINTH 4:11

Ha shi lynter ka jingim, ngi don ha tmier jong ka jingïap na ka bynta U Jisu, khnang ba yn ïohi ïa ka jingim jong u ha kane ka met baïap jong ngi.

2 KORINTH 4:5

Naba ym dei ïa lade ba ngi ïalap; ngi ïalap ïa U Jisu Khrist kum U Trai, bad ma ngi kum ki shakri jong phi na ka bynta U Jisu.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

EPHESOS 6:19

Bad to duwai ruh na ka bynta jong nga ba U Blei un ai ha nga ïa ka khubor haba nga la kloi ban kren, khnang ba nga lah ban kren shlur bad pynpaw shai ïa ka jingmaïan ka gospel.

PHILIPPI 2:1

Ka jingim jong phi ha U Khrist ka pynlong khlaiñ ïa phi, bad ka jingieit jong u ka pyntngen ïa phi. Phi don ka jingïasyllok lem bad U Mynsiem, bad phi don ka jingsbun bad ka jingsngewsynei iwei ïa iwei pat.

KOLOSSAI 1:8

U la ïathuh ha ngi ïa ka jingieit kaba U Mynsiem u la ai ha phi.

KOLOSSAI 2:1

To shah ngan ïathuh ïa phi haduh katno nga la trei shitom na ka bynta jong phi, bad na ka bynta ki briew ha Laodikaïa bad na ka bynta kiwei pat baroh ki bym ithuh ïa nga markhmat.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

1 THESSALONI 5:25

Ko parabangeit, to duwai lem na ka bynta jong ngi.

2 THESSALONI 3:1

Ha kaba khatduh, ko parabangeit jong ngi, to duwai na ka bynta jong ngi ba ka khubor jong U Trai ka lah ban nang ïai pur stet, bad ba yn ïohpdiang ïa ka lem bad ka jingpyndonburom, kumba ka la long hapdeng jong phi.

2 TIMOTHI 4:1

Ha khmat jong U Blei bad jong U Khrist Jisu, u ban sa bishar ïa kiba im bad ïa kiba ïap, bad namar ba un sa wan ban synshar kum u Syiem, nga kyrpad da kaba jai jai ïa me ba men ïalap ïa ka khubor, ban ïai kyntu ha kaba pynbna ïa ka (haba dei por ne ha bym dei por), ban pynkynduh, ban pynbeit bad ban pynshlur, da ka jingïaishah baroh haba me hikai.