Ka Shithi U Paul Sha Ki Nong Rom 15:3 - Khasi CL Bible (BSI)

³ Naba U Khrist um shym la pynsngewbha ïa lade. Pynban, kumba ka Jingthoh Bakhuid ka ong, “Ki jingkrenbeiñ ïa kiba la thew ha phi ki la hap halor jong nga.”

KA BAIBL

³ Namar wat U Khrist um shym la pynsngewbha ïa lade hi; hynrei, kumba la thoh: “Kita ki jingkrenbeiñ ki jong kita kiba krenbeiñ ïa me, ki la ïahap ha nga.”

Ka Shithi U Paul Sha Ki Nong Rom 15:3 ပူးပေါင်းရင်းမြစ်များ

SALM 69:20

Ki jingrkhiebeiñ ki la pynpait ïa ka dohnud jong nga, bad nga don ha ka jingduh jingkyrmen. Nga la kyrmen ïa ka jingisynei, hynrei ym don ei ei; ïa ka jingpyntngen, hynrei ngam shem ei ei.

SALM 69:9

Ka jingsngewieit jong nga ïa ka Templ jong me ka pluh hapoh jong nga kum ka ding; ki jingrkhiebeiñ kiba la shat ha me ki wan hap ha nga.

MATHAÏOS 10:25

Kumta uba shah hikai u dei ban sngewhun ban long kum u nonghikai jong u, bad u mraw kum u kynrad jong u. Lada ïa u khlieh jong ka longïing la khot u Beelsebul, ïa ki dkhot jong ka longïing yn khot da ki kyrteng kiba kham sniew!

MATHAÏOS 26:39

U la leit kham jngai sa katto katne, u la dem khrup ïa lade bad ka khmat sha khyndew, bad u la duwai, “Ko Kpa jong nga, lada ka long kaba lah, to shim noh ïa kane ka khuri ka jingshah shitom na nga! Pynban, ym ïa kaei kaba nga mon, hynrei ïa kaei kaba me mon.”

MATHAÏOS 26:42

Sa shisien U Jisu u la leit noh bad u la duwai, “Ko Kpa jong nga, lada ïa kane ka khuri ka jingshah shitom ym lah ban shim noh lymda nga dih ïa ka, ïa ka mon jong me yn leh.”

MATHAÏOS 27:44

Wat ki nonglute kiba la shah sahnarphna bad u ki la ïakren beiñ ïa u ha kajuh ka rukom.

ÏOANNIS 15:10

Lada phi kohnguh ïa ki hukum jong nga, phin ïaineh ha ka jingieit jong nga, kumba nga la kohnguh ïa ki hukum U Kpa jong nga bad nga ïaineh ha ka jingieit jong u.

ÏOANNIS 15:24

Kin ym da la sngewrem ïa ka pop lada ngam shym la leh hapdeng jong ki ïa kiei kiei kiba ym don uno uno uwei pat uba la ju leh; kumba ka long, ki la ïohi ïa kaei kaba nga la leh, bad ki shun ïa nga bad ïa U Kpa jong nga.

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

ÏOANNIS 5:30

“Nga ngam lah ban leh ei ei da la ka jong ka bor; nga bishar tang kat kaba U Blei u ong ïa nga, kumta ka jingbishar jong nga ka long kaba hok, namar ba ngam pyrshang ban leh ïa kaei kaba nga mon, hynrei ïa kaei kaba uta uba la phah ïa nga u mon.

ÏOANNIS 8:29

Bad uta uba la phah ïa nga u long lem bad nga; ym shym la iehnoh ïa nga marwei, namar borabor nga leh ïa kaei kaba pynsngewbha ïa u.”

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

PHILIPPI 2:5

Ka jingmut kaba phi dei ban don ka long kata kaba U Khrist Jisu u la don:

PHILIPPI 2:8

U la long uba sngewrit bad u la ïaid ha ka lynti jong ka jingkohnguh baroh shi lynter lynti sha ka jingïap — ka jingïap jong u halor ka diengphna.