Ka Shithi U Paul Sha Ki Nong Rom 15:2 - Khasi CL Bible (BSI)

² Pynban, ma ngi baroh, ngi dei ban pynsngewbha ïa ki parabangeit jong ngi na ka bynta ka jingbha jong ki, khnang ban tei ïa ki ha ka jingngeit.

KA BAIBL

² To ai ba uwei pa uwei na ngi un pynsngewbha ïa la u paramarjan, shaphang kata ka babha ïa ka ban tei ïa u.

Ka Shithi U Paul Sha Ki Nong Rom 15:2 ပူးပေါင်းရင်းမြစ်များ

Ka Shithi U Paul Sha Ki Nong Rom 14:19

Te kumta, ngi dei borabor ban thmu ban leh ïa kita kiei kiei kiba wallam ka jingsuk bad kiba ïarap ban pynkhlaiñ iwei ïa iwei pat.

1 KORINTH 10:23

“Ïa ngi la shah ban leh ïa kaei kaei baroh,” kumta ki ong. Kata ka long kaba shisha, hynrei ym kiei kiei baroh ki long kiba bha. “Ïa ngi la shah ban leh ïa kaei kaei baroh” — hynrei ym baroh ka long kaba myntoi.

1 KORINTH 10:24

Kam dei ïa uwei ruh na phi ban khmih ïa la ki jong ki jingmyntoi, hynrei ïa ki jingmyntoi jong kiwei de.

1 KORINTH 10:33

To leh kumba leh ma nga; nga pyrshang ban pynsngewbha ïa baroh ha kiei kiei baroh kiba nga leh, khlem da pyrkhat ïa ka jingbha jong nga hi, hynrei ïa ka jingbha jong kiba bun, khnang ba yn pynim ïa ki.

1 KORINTH 13:5

ka jingieit kam leh khlem akor lane wad ïa la ka jingmyntoi lane khapnap; ka jingieit kam ju buh jingkynmaw ïa ki jingbakla;

1 KORINTH 14:26

Kane ka long kaei kaba nga mut, ko parabangeit jong nga. Haba phi ïashem lang ïa ka ban mane ïa U Blei, uwei u don ka jingrwai, uwei pat ïa ka jinghikai, uwei pat ïa ka jingpynpaw na U Blei, sa uwei pat ha ki thylliej bapher, bad sa uwei pat ïa ka jingbatai ïa kaei kaba la kren. Baroh ki dei ban long ki ban ïarap ïa ka balang.

1 KORINTH 14:3

Hynrei uta uba pynbna ïa ka khubor U Blei u kren ha ki briew bad u ai ha ki ïa ka jingïarap, ka jingpynshlur, bad ka jingpyntngen.

2 KORINTH 12:19

Lehse phi pyrkhat ba baroh shi katta ngi la pyrshang ban ïasaid da ïa lade ha khmat jong phi. Em! Ngi kren kumba U Khrist un jin da la kwah ïa ngi ban kren ha ka jingdon ryngkat U Blei, bad baroh kaba ngi leh, ko paralok ba-ieit, la leh ban ïarap ïa phi.

2 KORINTH 13:9

Ngi sngewkmen haba ngi long kiba tlot hynrei phi long kiba khlaiñ. Bad kumta ngi duwai ruh ba phin long kiba janai.

EPHESOS 4:12

U la leh ïa kane ban pynkhreh ïa ki briew jong U Blei baroh na ka bynta ka kam jong ka jingshakri ba kynja mynsiem, khnang ban tei ïa ka met U Khrist.

EPHESOS 4:29

Wat kren ïa ki ktien pynmong, hynrei, tang ki ktien kiba long ka jingïarap, kita keiñ kiba tei bad kiba ïadei tang ïa kata kaba donkam, khnang ba kaei kaba phi kren kan long kaba bha ïa kita kiba shahshkor ïa phi.