Ka Shithi U Paul Sha Ki Nong Rom 15:18 - Khasi CL Bible (BSI)

¹⁸ Ngan long shlur bad ngan kren tang shaphang kaei kaba U Khrist u la leh lyngba jong nga, ban ïalam ïa ki Jentil ban kohnguh ïa U Blei. U la leh ïa kane da ki ktien bad ki kam,

KA BAIBL

¹⁸ Namar ngan ym nud ban kren ei ei shaphang kita kiei kiei ruh, ïa kiba U Khrist um shym la trei da nga, khnang ïa ka ban pynkohnguh ïa ki Jentil, da ka ktien bad da ka jingleh,

Ka Shithi U Paul Sha Ki Nong Rom 15:18 ပူးပေါင်းရင်းမြစ်များ

PROBERB 25:14

Ki briew kiba kular ïa kiei kiei kiba kim ju lah ban ai satia ki long kum ki lyoh bad ka lyer ki bym ai slap.

MATHAÏOS 25:16

U shakri uba la ïohpdiang san hajar tylli ki sbai u la leit shisyndon bad u la khaïi ïa la ka pisa bad u la ïohnong sa san hajar.

MARKOS 16:20

Ki synran ki la leit bad ïalap kylleng, bad U Trai u la trei lem bad pynshisha ba ka jingïalap jong ki ka la long kaba shisha da ki kambah kiba ki la leh.]

KI KAM 14:27

Haba ki la poi ha Antiokh, ki la lumlang ïa ki briew jong ka balang bad ki la ïathuh ha ki ïa kaei kaei baroh kaba U Blei u la leh bad ki, bad kumno u la plie ka lynti na ka bynta ki Jentil ban ngeit.

KI KAM 15:12

Ka kynhun baroh kawei ka la sngap jar katba ki dang sngap ïa ka jingïathuh jong u Barnabas bad u Paul ïa ki kambah bad ki kamphylla baroh kiba U Blei u la leh lyngba jong ki hapdeng ki Jentil.

KI KAM 15:4

Haba ki la poi ha Jerusalem, la pdiang sngewbha ïa ki da ka balang, da ki apostol bad ki nongsharai balang, ha kiba ki la ïathuh ïa baroh kaba U Blei u la leh lyngba jong ki.

KI KAM 21:19

U Paul u la khublei ïa ki bad u la ai ka jingïathuh ba-pura ïa kaei kaei baroh kaba U Blei u la leh hapdeng ki Jentil lyngba ka jingtrei jong u.

KI KAM 26:20

Nyngkong ha Damaskos bad ha Jerusalem bad nangta ha ka Judia baroh bad hapdeng ki Jentil, nga la ïalap ba ki dei ban kylla-kaba-mut na ki pop jong ki bad ban phai sha U Blei bad leh ïa kiei kiei ki ban pynpaw ba ki la kylla-kaba-mut.

Ka Shithi U Paul Sha Ki Nong Rom 1:5

Lyngba jong u, U Blei u la ai ïa nga ka kabu ban long u apostol na ka bynta U Khrist, khnang ban ïalam ïa ki briew na ki jaitbynriew baroh ban ngeit bad ban kohnguh.

Ka Shithi U Paul Sha Ki Nong Rom 16:26

Mynta pat, ïa kata ka jingshisha la pynmih ha kaba paw lyngba ki jingthoh jong ki nongïathuhlypa; bad da ka hukum jong U Blei bymjukut, ïa ka la pyntip sha baroh ki jaitbynriew, khnang ba baroh ki lah ban ngeit bad kohnguh.

Ka Shithi U Paul Sha Ki Nong Rom 6:17

Hynrei long ka jingnguh ïa U Blei! Naba wat mynshuwa haba phi la long ki mraw jong ka pop, phi la kohnguh da la ka dohnud baroh ïa ki jingshisha ba la shem ha ka jinghikai kaba phi la ïohpdiang.

2 KORINTH 11:31

U Blei bad U Kpa jong U Trai Jisu — long ba la kyrkhu ïa ka kyrteng jong u junom! — u tip ba ngam shym lamler.

2 KORINTH 12:6

Lada nga la kwah ban sngewsarong, ngan ym jin da la long uba bieit, namar ngan jin da la ïathuh ïa ka jingshisha. Hynrei ngan ym kob sarong, namar ngam kwah mano mano ban don ka jingpyrkhat ba kham halor ïa nga ban ïa kaei kaba u la ïohi ba nga leh lane u la ïohsngew ïa kaba nga ong.

2 KORINTH 3:5

Ym don ei ei ha ngi kaba ngi lah ban dawa ba ngi long kiba bit ban leh ïa kane ka kam. Ka jinglah jong ngi ka wan na U Blei;

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

GALATIA 2:8

Naba da ka bor U Blei la pynlong ïa nga u Apostol sha ki Jentil, kumba ïa u Petros la pynlong u Apostol sha ki Jiw.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

2 THESSALONI 2:17

un pynshlur ïa phi bad pynshaitbor ïa phi ban ïai leh bad kren ïa kaei kaba bha.

HEBRU 11:8

Dei ka jingngeit kaba pynlong ïa u Abraham ban kohnguh haba U Blei u la khot ïa u ban leit sha ka ri kaba U Blei u la kular ban ai ha u. U la mihnoh na la ka ri khlem tip shano ba un leit.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

JAKOB 1:22

Wat shukor ïa lade tang da kaba sngap ïa ka ktien jong u; pynban, to pyntreikam ïa ka.

1 ÏOANNIS 3:18

Ko ki khun jong nga, ka jingieit jong ngi kam dei ban long tang da ki ktien bad ka jingkren; ka dei ban long ka jingieit kaba shisha, kaba pynpaw ïa lade da ka kam.

JUDAH 1:9

Wat u Mikhael, u angel rangbah um shym la leh ïa kane. Ha ka jingïakajia jong u bad u Soitan, mynba ki la ïania shaphang uei u ban ïoh ïa ka met u Moses, u Mikhael um shym nud ban pynrem ïa u Soitan da ki ktien ban krenbeiñ, hynrei u la ong, “U Trai un da sneng ïa me!”