Ka Shithi U Paul Sha Ki Nong Rom 15:16 - Khasi CL Bible (BSI)

¹⁶ Nga shakri kum u lyngdoh ha kaba ïalap ïa ka Khubor Babha na U Blei, khnang ba ki Jentil ki lah ban long ka jingkñia ba la pdiang sha U Blei, ba la pynkyntang sha u da U Mynsiem Bakhuid.

KA BAIBL

¹⁶ khnang ba ngan ïoh long u shakri u jong U Jisu Khrist sha ki Jentil, da kaba trei lyngdoh ïa ka gospel U Blei, ba ka jingkñia ainguh ïa kita ki Jentil kan ïoh long ïa kaba la pdiang sngewbha, ba la pynkhuid ïa ka da U Mynsiem Bakhuid.

Ka Shithi U Paul Sha Ki Nong Rom 15:16 ပူးပေါင်းရင်းမြစ်များ

KI KAM 13:2

Katba ki dang ïashakri ïa U Trai bad shahjingit, U Mynsiem Bakhuid u la ong ha ki, “Pynkyrpang na ka bynta jong nga ïa u Barnabas bad u Saul, ban trei ïa ka kam sha kaba nga la khot ïa ki.”

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

KI KAM 20:32

“Bad mynta nga aiti ïa phi ha ka jingsumar jong U Blei bad ha ka khubor jong ka jingaiei jong u, kaba lah ban tei ïa phi, bad ai ha phi ïa ki jingkyrkhu kiba U Blei u don na ka bynta ki briew baroh.

KI KAM 22:21

‘Khie leit,’ U Trai u la ong ha nga, ‘naba ngan phah ïa me sha jngai sha ki Jentil.’ ”

KI KAM 9:15

U Trai u la ong ha u, “Khie leit, namar ba nga la jied ïa u ban shakri ïa nga, ban pyntip ïa ka kyrteng jong nga ha ki Jentil bad ha ki syiem bad ha ki paid Israel.

Ka Shithi U Paul Sha Ki Nong Rom 1:1

Na u Paul, u shakri jong U Khrist Jisu bad u apostol ba la jied bad ba la khot da U Blei ban ïalap ïa ka Khubor Babha jong u.

Ka Shithi U Paul Sha Ki Nong Rom 11:13

Nga kren mynta ha phi ki Jentil: Katba nga dang long u apostol sha ki Jentil, ngan sngewsarong ha ka kam jong nga.

Ka Shithi U Paul Sha Ki Nong Rom 15:18

Ngan long shlur bad ngan kren tang shaphang kaei kaba U Khrist u la leh lyngba jong nga, ban ïalam ïa ki Jentil ban kohnguh ïa U Blei. U la leh ïa kane da ki ktien bad ki kam,

Ka Shithi U Paul Sha Ki Nong Rom 15:19

da ka bor jong ki kambah bad ki jingphylla, bad da ka bor jong U Mynsiem jong U Blei. Bad kumta, ha ka jingleit baroh shi lynter lynti naduh Jerusalem sha Illyrikom, nga la pynbna pura ïa ka Khubor Babha shaphang U Khrist.

Ka Shithi U Paul Sha Ki Nong Rom 15:20

Ka jingangnud jong nga borabor ka long ban pynbna ïa ka Khubor Babha ha ki jaka ha kiba ïa U Khrist ym pat shym la ïohsngew, khnang ban ym tei halor ka nongrim ba la seng da kiwei pat.

Ka Shithi U Paul Sha Ki Nong Rom 15:29

Haba ngan wan sha phi, nga tip ba ngan wan ryngkat bad ka jingkyrkhu ba-dap jong U Khrist.

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.

1 KORINTH 3:5

Haba kumta, uei u Apollos? Bad uei u Paul? Ngi dei tang ki shakri jong U Blei, kiba la ïalam ïa phi ban ngeit. Uwei pa uwei na ngi u trei ïa ka kam kaba U Trai u la ai ïa u ban leh:

1 KORINTH 4:1

Phi dei ban pyrkhat ïa ngi kum ki shakri U Khrist, ïa kiba la buh ban sumar ïa ki jingshisha barieh jong U Blei.

1 KORINTH 6:19

Hato phim tip ba ka met jong phi ka long ka jaka shong U Mynsiem Bakhuid, uba shong hapoh jong phi bad ïa uba la ai ha phi da U Blei?

2 KORINTH 11:23

Hato ki long ki shakri U Khrist? Ki sngew ïa nga kum uba lamwir — hynrei nga long u shakri uba kham bha ban ïa kaba ki long! Nga la trei kham shitom palat, nga la don bunsien ha byndi, nga la shah sympat kham bun, bad nga la jan sha ka jingïap kham bunsien.

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

2 KORINTH 8:5

Ka la long palat ban ïa kaba ngi la khmih lynti! Nyngkong ki la aiti ïa lade ha U Trai; bad nangta, da ka mon U Blei ki la aiti ïa lade ha ngi ruh.

GALATIA 3:5

Hato U Blei u ai ïa U Mynsiem bad leh ïa ki kambah hapdeng jong phi namar ba phi leh ïa kaei kaba ka Hukum ka dawa ne namar ba phi ïohsngew ïa ka Gospel bad ngeit ïa ka?

EPHESOS 2:18

Ka dei lyngba U Khrist ba baroh ma ngi, ki Jiw bad ki Jentil, ngi la lah ban wan ha uwei U Mynsiem sha ka jingdon ryngkat jong U Kpa.

EPHESOS 2:22

Ha u, ïa phi ruh la tei lang lem bad kiwei pat da U Mynsiem jong u ha ka jaka ha kaba U Blei u shong.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

PHILIPPI 2:17

Lehse ïa ka snam jong ka jingim jong nga la dei ban theh noh kum ka jingainguh halor ka jingkñia kaba long ka jingngeit jong phi ba ai sha U Blei. Lada kata ka long kumta, nga shadkmen bad nga ïasam bynta lem ïa ka jingkmen jong nga bad phi baroh.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.

1 THESSALONI 2:2

Phi tip kumno ba ngi la shah lehbeiñ bad shah krenbeiñ ha Philippi shuwa ba ngin wan sha phi ha Thessaloni. Bad wat la ka la don ka jingpyrshah kaba jur, U Blei jong ngi u la ai ha ngi ka jingshlur ban ïathuh ha phi ïa ka Khubor Babha kaba wan na u.

1 THESSALONI 2:9

Da shisha phi kynmaw, ko parabangeit jong ngi, kumno ba ngi la minot bad trei shitom! Ngi la trei mynsngi bad mynmiet khnang ba ngin ym bankhia ïa phi haba ngi la ïalap ha phi ïa ka Khubor Babha na U Blei.

1 THESSALONI 5:23

To U Blei uba ai ha ngi ka jingsuk un pynlong ïa phi kiba khuid ha ki liang baroh bad un sumar ïa ka longrynïeng jong phi — ka mynsiem, ka jingim, bad ka met — kaba lait na kano kano ka jingbakla ha ka jingwan jong U Jisu Khrist uba U Trai jong ngi.

1 TIMOTHI 1:11

Ïa kata ka jinghikai la shem ha ka Gospel ïa kaba la pynkhamti ha nga ban pynbna, ka Khubor Babha na U Blei uba khrawburom bad ba la kyrkhu.

2 TIMOTHI 1:11

U Blei u la thung ïa nga kum u apostol bad u nonghikai ban pynbna ïa ka Khubor Babha, bad dei na kane ka daw ba nga shahshitom ïa kine kiei kiei.

HEBRU 13:16

Wat klet ban lehbha bad ïarap uwei ïa uwei pat, namar kine ki long ki jingkñia kiba pynsngewbha ïa U Blei.

1 PETROS 1:12

U Blei u la pynpaw ha kine ki nongïathuhlypa ba ka jingtrei jong ki kam shym la long na ka bynta ka jingmyntoi jong ki hi, hynrei na ka bynta jong phi, katba ki dang lah kren shaphang kito kiei kiei ïa kiba phi la ïohsngew mynta na ki nonglamktien kiba la pynbna ïa ka Khubor Babha da ka bor U Mynsiem Bakhuid ba la phah na bneng. Kine ki long kiei kiei kiba wat ki angel ki thrang ban shemphang.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.