Ka Shithi U Paul Sha Ki Nong Rom 15:1 - Khasi CL Bible (BSI)

¹ Ma ngi kiba long kiba khlaiñ ha ka jingngeit, ngi dei ban ïarap ïa kiba tlot ba kin bah ïa ki jingkit jong ki. Ngim dei ban pynsngewbha ïa lade.

KA BAIBL

¹ Te ma ngi ki bakhlaiñ ngi dei ban ïaishah ïa kita ki jingtlot jong ki bymkhlaiñ, bad ban ym pynsngewbha tang ïa lade hi.

Ka Shithi U Paul Sha Ki Nong Rom 15:1 ပူးပေါင်းရင်းမြစ်များ

Ka Shithi U Paul Sha Ki Nong Rom 14:1

To pdiang sngewbha ïa u briew uba tlot ha ka jingngeit, hynrei wat ïania bad u shaphang ki jingpyrkhat bashimet jong u.

Ka Shithi U Paul Sha Ki Nong Rom 14:2

Ka jingngeit jong uno uno u briew ka shah ïa u ban bam ïa kano kano ka jingbam, hynrei u briew uba tlot ha ka jingngeit u bam tang da ki jhur.

Ka Shithi U Paul Sha Ki Nong Rom 4:20

Ka jingngeit jong u kam shym la mihnoh na u, bad um shym la artatien ïa ka jingkular U Blei; ka jingngeit jong u ka la pyndap ïa u da ka bor, bad u ai ka jingïaroh ïa U Blei.

1 KORINTH 4:10

Na ka bynta U Khrist ngi long kiba bieit; hynrei, phi long kiba stad ha U Khrist! Ngi long kiba tlot, hynrei phi long kiba khlaiñ! Ngi long kiba la ibeiñ, hynrei phi long kiba la pyndonburom!

1 KORINTH 9:22

Hapdeng kiba tlot ha ka jingngeit nga long uba tlot kum uwei na ki, khnang ban jop ïa ki. Kumta nga don ka jingïadei ha baroh ïa ki briew baroh, khnang ba nga lah ban pyllait katto katne na ki da ki lad baroh kiba don.

2 KORINTH 12:10

Nga sngewhun ha ki jingtlot, ki jingkrenbeiñ, ki jingjynjar, ki jingshah pynshitom, bad ki jingeh na ka bynta U Khrist. Naba haba nga tlot, dei hangta ba nga khlaiñ.

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

PHILIPPI 2:4

Bad to khmih ïa ki jingdonkam jong iwei ïa iwei pat, ym tang ïa la ka jong.

1 THESSALONI 5:14

Ngi kyntu ïa phi, ko parabangeit jong ngi, ban maham ïa kiba jaipdeh, ban pynshlur ïa kiba khawpud, ban ïarap ïa kiba tlot, ban ïaishah ïa baroh.

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

1 ÏOANNIS 2:14

Nga thoh sha phi, ko ki khun jong nga, namar phi ithuh ïa U Kpa. Nga thoh sha phi, ko ki kpa, namar phi ithuh ïa u, uba la don naduh kaba mynnyngkong. Nga thoh sha phi, ko ki khun samla, namar phi long kiba khlaiñ; ka ktien U Blei ka ïaisah ha phi, bad phi la jop noh thiaw ïa Uta u Basniew.