Ka Shithi U Paul Sha Ki Nong Rom 14:6 - Khasi CL Bible (BSI)

⁶ Uno uno uba kheiñ kor bha ïa kano kano ka sngi, un leh kumta ha ka jingburom ïa U Trai, uno uno u ban bam ïa kaei kaei, un leh kumta ha ka jingburom ïa U Trai, namar u ainguh ïa U Blei na ka bynta kata ka jingbam. Uno uno uba kyntait ban bam ïa kino kino ki jingbam, un leh kumta ha ka jingburom ïa U Trai bad u ainguh sha U Blei.

KA BAIBL

⁶ Uta uba ñiew ïa kata ka sngi, u ñiew keiñ ha U Trai. Kumjuh uta uba bam, u bam keiñ ha U Trai, namar u ainguh ha U Blei; bad uta u bym bam, um bam keiñ ha U Trai, kumjuh ruh u ainguh ha U Blei.

Ka Shithi U Paul Sha Ki Nong Rom 14:6 ပူးပေါင်းရင်းမြစ်များ

EKSODOS 12:14

Phi dei ban rakhe ïa kane ka sngi kum ka Jingkhawai Niam ban pynkynmaw ïa phi ïa kaei kaba nga, U Trai, nga la leh. Rakhe ïa ka pateng la pateng bynriew.”

EKSODOS 12:42

Kata ka dei ka miet ba U Trai u ap miet ban ïalam noh ïa ki na ka ri Ijipt. Ïa kane kajuh ka miet la pynkyntang sha U Trai pateng la pateng kum ka miet ha kaba ki Israel ki dei ban ap miet.

EKSODOS 16:25

U Moses u la ong, “Bam ïa ka mynta ka sngi, naba mynta ka dei ka Sabbaton, ka sngi shongthait ba la pynkyntang sha U Trai, bad phin ym shem jingbam ei ei shabar.

ISAÏAH 58:5

Haba phi shahjingit, phi pynshitom ei ïa lade; phi pyndem ngon ïa la ka khlieh kum u phlang, bad phriang ïa ki jaiñ khain bad u dpei ban thiah hangta. Hato ka dei kata kaba phi khot ka jingshah jingit? Phi tharai ba ngan sngewbha ïa kata?

SEKHARAÏAH 14:21

Ïa uwei pa uwei u khiew shet ha Jerusalem bad ha baroh ka Judah yn pynkyrpang na ka bynta ban pyndonkam ha ka jingmane ïa U Trai Badonbor Baroh. Ki briew kiba ai ïa ki jingkñia kin pyndonkam ïa ki ban phon ïa ka doh jong ki jingkñia. Haba kata ka por ka poi, yn ym don shuh uno uno u nongkhaïi ha ka Templ jong U Trai Badonbor Baroh.

MATHAÏOS 14:19

U la hukum ïa ki paidbah ban shong halor u phlang; nangta u la shim ïa ki san tylli ki kpu bad ïa ki ar tylli ki dohkha, u la khmied sha bneng, bad u la ainguh ïa U Blei. U la kdiah ïa ki kpu bad u la ai ïa ki ha ki synran, bad ki synran ki la ai ïa ki ha u paidbah.

MATHAÏOS 15:36

Nangta u la shim ïa ki hynñiew tylli ki kpu bad ki dohkha, u la ainguh ïa U Blei, u la kdiah ïa ki, bad u la ai ïa ki ha ki synran; bad ki synran ki la ai ïa ki ha u paidbah.

ÏOANNIS 6:28

Kumta ki la kylli ïa u, “Kaei ngi lah ban leh khnang ban ïoh leh ïa kaei kaba U Blei u kwah ïa ngi ban leh?”

GALATIA 4:10

Phi pynleit jingmut kyrpang ïa ki katto katne ki sngi, ki bnai, ki aïom, bad ki snem.