Ka Shithi U Paul Sha Ki Nong Rom 14:4 - Khasi CL Bible (BSI)

⁴ Phi dei uei ban bishar ïa u shakri jong uwei pat? U dei u Kynrad jong u hi u ban rai lada un jop ne un rem. Bad un jop, namar U Trai u lah ban pynlah ïa u ban jop.

KA BAIBL

⁴ Te ma me, me long uei, ba me bishar ïa u shakri jong uwei pat? Ha la U Kynrad hi keiñ u ïeng, ne u kyllon. Hynrei, yn pynïeng ïa u keiñ; namar U Blei u long uba lah eh ban pynïeng skhem ïa u.

Ka Shithi U Paul Sha Ki Nong Rom 14:4 ပူးပေါင်းရင်းမြစ်များ

SALM 17:5

Nga la ïaid borabor ha ka lynti jong me, bad ngam shym la sakma noh na ka.

SALM 37:17

Namar U Trai un shim noh ïa ka jingkhlaiñ jong u bymman, hynrei un ïada ïa kito kiba bha.

SALM 37:24

La ki kyllon, kin ym sah hajuh, namar U Trai un ïarap khyllie ïa ki.

SALM 37:28

Naba U Trai u ieit ïa kaei kaba dei; bad un ym iehnoh ïa ki briew jong u kiba ïaineh skhem. U ïada ïa ki junom, hynrei ïa ki khun ki ksiew jong ki bymman yn beh noh.

ISAÏAH 40:29

U pynshaitbor ïa kito kiba tlot bad kiba thait.

KI KAM 11:17

Ka long kaba shai ba U Blei u la ai ïa kito ki Jentil ïa kajuh ka jingai kaba u la ai ha ngi myn haba ngi la ngeit ha U Jisu Khrist uba U Trai; nga long uei, te, ban pyrshang ban pynsangeh ïa U Blei!”

Ka Shithi U Paul Sha Ki Nong Rom 11:23

Bad lada ki Jiw ki iehnoh ïa ka jingbymngeit jong ki, yn sa buh biang ïa ki ha ka jaka ha kaba ki ju don; naba U Blei u lah ban leh ïa kata.

Ka Shithi U Paul Sha Ki Nong Rom 14:3

U briew uba bam ïa kiei kiei baroh, um dei ban peitbeiñ ïa uta u bym bam; katba uta uba bam tang da ki jhur um dei ban bishar ïa uta uba bam ïa kaei kaei ruh; naba U Blei u la pdiang ïa u.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

Ka Shithi U Paul Sha Ki Nong Rom 9:20

Hynrei phi, phi long uei, ko paralok jong nga, ban jubab kylla ïa U Blei? U khiew khyndew um lah ban kylli ïa u briew uba la thaw ïa u, “Balei ba me thaw ïa nga kumne?”

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —