Ka Shithi U Paul Sha Ki Nong Rom 14:2 - Khasi CL Bible (BSI)

² Ka jingngeit jong uno uno u briew ka shah ïa u ban bam ïa kano kano ka jingbam, hynrei u briew uba tlot ha ka jingngeit u bam tang da ki jhur.

KA BAIBL

² Namar uwei u ngeit ba u bit ban bam ïa kiei kiei baroh; hynrei, uta u batlot u bam tang ïa ki jhur.

Ka Shithi U Paul Sha Ki Nong Rom 14:2 ပူးပေါင်းရင်းမြစ်များ

JENESIS 1:29

Nga la pynbiang ïa baroh ki jait symbai bad baroh ki jait soh na ka bynta jong phi ban bam;

JENESIS 9:3

Mynta phi lah ban bam ïa ki, kumjuh ruh ïa ki jingthung bajyrngam; nga ai ïa ki baroh ha phi ban long jingbam.

PROBERB 15:17

Ka kham bha ban bam ïa ki jhur bad ki briew kiba ieit ïa phi ban ïa kaba bam ïa ka doh kaba bha tam ha kaba don ka jingpihuiñ.

DANIEL 1:12

“To tynjuh ïa ngi shiphew sngi,” u la ong. “Ai ha ngi ki jhur ban bam bad ka um ban dih.

DANIEL 1:16

Kumta naduh kata u nongap phira u la shah ïa ki ban bteng ban bam da ki jhur ha ka jaka jong kaei kaba u syiem u la pynbiang.

Ka Shithi U Paul Sha Ki Nong Rom 14:1

To pdiang sngewbha ïa u briew uba tlot ha ka jingngeit, hynrei wat ïania bad u shaphang ki jingpyrkhat bashimet jong u.

Ka Shithi U Paul Sha Ki Nong Rom 14:14

Ka jingïasoh jong nga bad U Trai Jisu ka pynlong thikna ïa nga ba ym don ka jingbam ha ka hi, kaba long bymkhuid kat kum ka jinglehniam; hynrei lada u briew u ngeit ba katto katne ka jingbam ka long ka bymkhuid, te ka long bymkhuid ïa u.

Ka Shithi U Paul Sha Ki Nong Rom 14:20

To wat pynjot noh ïa kaei kaba U Blei u la leh, na ka daw ka jingbam. Ki jingbam baroh ki long kiba lah ban bam, hynrei ka long ka bym dei ban bam ïa kano kano ka ban pynlong ïano ïano ban hap ha ka pop.

Ka Shithi U Paul Sha Ki Nong Rom 15:1

Ma ngi kiba long kiba khlaiñ ha ka jingngeit, ngi dei ban ïarap ïa kiba tlot ba kin bah ïa ki jingkit jong ki. Ngim dei ban pynsngewbha ïa lade.

1 KORINTH 10:25

Phi long kiba laitluid ban bam ïa kano kano kaba die ha ka ïew die doh, khlem da kylli jingkylli ei ei namar ka jingïatiplem jong phi.

1 KORINTH 8:9

Pynban, to sumar, ban ym shah ba ka jinglaitluid ka jingleh jong phi kan pynlong ïa kito kiba tlot ha ka jingngeit ba kin hap ha ka pop.

1 KORINTH 9:22

Hapdeng kiba tlot ha ka jingngeit nga long uba tlot kum uwei na ki, khnang ban jop ïa ki. Kumta nga don ka jingïadei ha baroh ïa ki briew baroh, khnang ba nga lah ban pyllait katto katne na ki da ki lad baroh kiba don.

GALATIA 2:12

Ha shuwa ba katto katne ngut ki rangbah ba la phah da u Jakob kin poi hangta, u Petros u la ïabam lang bad ki parabangeit Jentil. Hynrei hadien ba kine ki rangbah ki la poi, u la kynriah noh bad um shym ïabam lang shuh bad ki Jentil, namar u la sheptieng ïa kito kiba ha ka liang kiba otsher ïa ki.

1 TIMOTHI 4:4

Baroh kaba U Blei u la thaw ka long kaba bha; ym dei ban kyntait ei ei, hynrei ïa kiei kiei baroh dei ban pdiang lem bad ka jingduwai sngewnguh, namar ïa ka la pynkyntang da ka ktien U Blei bad ka jingduwai, kiba pynlong ïa ki ba la pdiang da U Blei.

TITOS 1:15

Baroh ka long kaba khuid ha kito kiba long kiba khuid ha lade; hynrei ym don kaba khuid ha kito kiba la tngit bad ki bymngeit, namar ba ki jingmut bad ki jingïatiplem jong ki, ki long ba la pyntngit.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

HEBRU 9:10

namar ba ki ïadei tang bad ka jingbam, ka jingdih bad ki niam ki rukom pynkhuid babun jait. Kine baroh ki long ki aiñ kiba tang shabar, kiba ïadei tang haduh ka por ba U Blei un seng nongrim da kaei kaba thymmai.