Ka Shithi U Paul Sha Ki Nong Rom 14:18 - Khasi CL Bible (BSI)

¹⁸ Bad haba uno uno u shakri ïa U Khrist ha kane ka rukom, u pynsngewbha ïa U Blei bad la pdiang da kiwei pat.

KA BAIBL

¹⁸ Namar uta uba shakri ïa U Khrist ha kine kiei kiei ruh, u long uba la pynsngewbha eh ïa U Blei bad ba la pdiang hun da ki briew.

Ka Shithi U Paul Sha Ki Nong Rom 14:18 ပူးပေါင်းရင်းမြစ်များ

JENESIS 4:7

Lada me la leh ïa kaba dei, men jin da la phuh samrkhie; hynrei namar ba me la leh ïa kaba sniew, ka pop ka apthap ha ka jingkhang jong me. Ka kwah ban synshar ïa me, hynrei me dei ban jop ïa ka.”

EKLESIASTIS 9:7

To leh — bam ïa ka jingbam jong phi bad long uba kmen; dih ïa ka waiñ jong phi bad to long kiba dap da ka jingkmen. Ka long kaba biang bad U Blei.

MARKOS 13:34

Kan long kumba u briew uba mih na ïing ban leit jingleit, bad u iehnoh ha ki shakri ban khmih ïa ka kam, hadien ba u ai ha uwei pa uwei ïa ka kam jong u ban leh, bad hadien ba u ong ïa u nongap khyrdop ban peit bha.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

KI KAM 10:35

Kito kiba mane ïa u bad kiba leh ïa kaba dei ki long kiba la pdiang sngewbha da u, kam pher na kano ka jaitbynriew ki long.

Ka Shithi U Paul Sha Ki Nong Rom 12:11

To trei shitom bad wat long kiba alhia. To shakri ïa U Trai da ka dohnud kaba aiti lut.

Ka Shithi U Paul Sha Ki Nong Rom 14:4

Phi dei uei ban bishar ïa u shakri jong uwei pat? U dei u Kynrad jong u hi u ban rai lada un jop ne un rem. Bad un jop, namar U Trai u lah ban pynlah ïa u ban jop.

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

Ka Shithi U Paul Sha Ki Nong Rom 6:22

Hynrei mynta ïa phi la pyllaitluid na ka pop bad phi long ki mraw jong U Blei. Ka jingmyntoi ïa phi ka long ka jingim ba la aiti lut sha u, bad ka jingmih ka long ka jingim bymjukut.

1 KORINTH 7:22

Naba u mraw uba la khot da U Trai u long uba laitluid na ka bynta U Trai; kumjuh ruh u briew uba laitluid ïa uba la khot da U Khrist u long u mraw jong U.

2 KORINTH 4:2

Ngi buh noh sharud ïa baroh ki kam barieh bad ba pynlehrain; ngim shym leh da ka jingshukor, lymne ngim pynbakla ïa ka ktien jong U Blei. Ha ka jingshai kaba pura jong ka jingshisha, ngi im ha khmat U Blei bad ngi pyrshang ban aiti ïa lade sha ka jingïatiplem babha jong uwei pa uwei.

2 KORINTH 5:11

Ngi tip ka mut aïu ban sheptieng ïa U Trai, bad kumta ngi pyrshang ban pynkohnguh ïa kiwei. U Blei u tip lut shaphang jong ngi, bad nga kyrmen ba ha ki dohnud jong phi, phi tip ïa nga kumjuh.

2 KORINTH 5:9

Pynban, palat ban ïa kaei kaei baroh, ngi kwah ban pynsngewbha ïa u, la ngi don ha kane ka ïing hangne lane hangtei.

2 KORINTH 6:4

Pynban, ha kiei kiei baroh kiba ngi leh ngi pyn-i ba ngi long ki shakri U Blei da kaba ïaishah slem ha ki jingjynjar, ki jingeh, bad ki jingshitom.

2 KORINTH 8:21

Ka jingthmu jong ngi ka long ban leh ïa kaba dei, ym tang ha khmat U Trai, hynrei ha khmat u briew ruh.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.

PHILIPPI 4:8

Ha kaba wai noh, ko parabangeit jong nga, to pyndap ïa ki jingmut jong phi da kito kiei kiei kiba bha bad kita kiba dei ïaroh: Kiei kiei kiba shisha, kiba donburom, kiba beit, kiba khuid, kiba itynnat, bad kiba donburom.

KOLOSSAI 3:24

Kynmaw ba U Trai un ai ha phi kum ka bainong ïa kaei kaba u la buh na ka bynta ki briew jong u. Naba U Khrist u dei U Kynrad bashisha uba phi shakri.

1 TIMOTHI 2:3

Kane ka long kaba bha bad kaba pynsngewbha ïa U Blei U Nongpynim jong ngi, namar u kwah ba uwei pa uwei un ïohlait im bad ban ïoh tip ïa ka jingshisha.

1 TIMOTHI 5:4

Hynrei lada ka riewkynthei ka don ki khun ne ki khun ksiew, ki dei ban nang shuwa nyngkong ban khmih ïa ki kam ba kynja mynsiem ka longïing la jong hi bad ha kane ka rukom ki siew kylliang ïa la ki kmie ki kpa bad ïa ki kmierad parad, namar kata ka long kaba pynsngewbha ïa U Blei.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 2:20

Naba ka nong aïu ka don lada phi ïaishah ïa ki jingshah sympat ba phi dei hok haba phi la leh ïa kaba bakla? Hynrei lada phi ïaishah ïa ka jingshahshitom wat haba phi la leh ïa kaba dei, U Blei un kyrkhu ïa phi na ka bynta kata.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.