Ka Shithi U Paul Sha Ki Nong Rom 13:9 - Khasi CL Bible (BSI)

⁹ Ki hukum, “Wat klim; wat pynïap briew; wat tuh; wat ikwah ïa kaei kaba dei jong kiwei pat” — ïa kine baroh, bad kino kino kiwei pat, la kynthup lang ha kawei ka hukum, “Ieit ïa u paramarjan jong me kumba ïa lade.”

KA BAIBL

⁹ Namar kane, “Men ym klim, Men ym pynïap, Men ym tuh, Men ym sakhi lamler, Men ym ikwah”; lada don ruh kano kano kawei pat ka hukum, la kup kyllum ïa ka ha kane ka jingong, ha kane keiñ, “Men ieit ïa la u paramarjan kumba ïa lade.”

Ka Shithi U Paul Sha Ki Nong Rom 13:9 ပူးပေါင်းရင်းမြစ်များ

LEBITIKOS 19:18

Wat pynhiarkput ïano ïano lane ban ïai isih ïa u, hynrei ieit ïa la u paramarjan kumba phi ieit ïa lade. Nga long U Trai.

LEBITIKOS 19:34

Leh ïa ki kumba phi leh ïa la u para Israel, bad ieit ïa ki kumba phi ieit ïa lade. Kynmaw ba phi ruh shisien phi la long ki nongwei ha ri Ijipt. Nga long U Trai U Blei jong phi.

MATHAÏOS 22:39

Kaba ar ka hukum kaba donkam tam ka long kum katei: ‘Ieit ïa u paramarjan jong me kumba me ieit ïa lade.’

MARKOS 10:19

Me tip ïa ki hukum: ‘Wat pynïap; wat klim; wat tuh; wat kynnoh bym dei ïano ïano; wat thok; burom ïa u kpa jong me bad ïa ka kmie jong me.’ ”

MARKOS 12:31

Kaba ar na ki hukum bakongsan tam ka dei kane: ‘Men ieit ïa la u paramarjan kumba me ieit ïa lade.’ Ym don kawei pat ka hukum kaba kham kongsan ban ïa kine ar tylli.”

LOUKAS 10:27

Uta u briew u la jubab, “ ‘Ieit ïa U Trai U Blei jong me da la ka dohnud baroh, bad da la ka mynsiem baroh, da la ka jingkhlaiñ baroh, bad da la ka jingmut baroh’; bad ‘Ieit ïa la u paramarjan kumba me ieit ïa lade.’ ”

LOUKAS 18:20

Me tip ïa ki hukum: ‘Wat klim; wat pynïap briew; wat tuh; wat mudui lamler ïano ïano; burom ïa la u kpa bad ïa la ka kmie.’ ”

GALATIA 5:13

Na ka bynta jong phi pat, ko ki parabangeit jong nga, la khot ïa phi ban long kiba laitluid. Hynrei wat shah ba kane ka jinglaitluid kan kylla long ka jingailad ïa ki jingkwah brai ka doh ban synshar ïa phi. Pynban, ai ba ka jingieit kan pynlong ïa phi ban ïashakri iwei ïa iwei pat.