Ka Shithi U Paul Sha Ki Nong Rom 13:4 - Khasi CL Bible (BSI)

⁴ namar u long u shakri jong U Blei uba trei na ka bynta ka jingbha jong phi hi. Hynrei lada phi leh ïa kaba sniew, te to sheptieng ïa u, namar ka bor jong u ban pynshitom ka long kaba dei. U long u shakri jong U Blei bad u pyntreikam ïa ka jingpynshitom U Blei halor kito kiba leh ïa kaba sniew.

KA BAIBL

⁴ namar uta u long u shakri U Blei khnang ïa ka ban pynbha ïa me. Hynrei, lada men leh ïa ka basniew, to sngewshyrkhei me; namar um ju rah lehnohei keiñ ïa ka waitlam; namar u long u shakri U Blei, u nongpynhiar kput keiñ khnang ïa ka jingpynshitom ha uta uba leh ïa ka basniew.

Ka Shithi U Paul Sha Ki Nong Rom 13:4 ပူးပေါင်းရင်းမြစ်များ

1 SYIEM 10:9

Ïaroh ïa U Trai U Blei jong phi! Uba la pynpaw katno u sngewbha eh ïa phi bad pynlong ïa phi u syiem ki Israel. Namar ba U Trai u ieit ïa ki Israel junom, u la pynlong ïa phi u syiem jong ki khnang ban synshar bha bad bishar hok.”

2 KHRONIKL 19:6

“Da pyrkhat bha haba phi ai jingrai; phim pyndep ïa ka kam ha ka bor briew, hynrei ha ka bor U Trai, bad u long bad phi haba phi ai ïa ka jingrai.

PROBERB 16:14

U briew uba stad un pyrshang ban ïai pynkmen ïa u syiem; lada u syiem u bitar, don uba lah ban ïap.

PROBERB 20:2

To sheptieng ïa u syiem uba bitar kumba phi leh ïa u sing bakyrhuh; kaba pynbitar ïa u ka long kaba pynïap ïa lade.

PROBERB 20:26

U syiem uba stad un shem uno uba leh ïa ka bymdei, bad un pynshitom ïa u khlem isynei.

PROBERB 20:8

U syiem u shong ban bishar bad u tip ïa kaba sniew haba u ïohi ïa ka.

ISAÏAH 1:17

bad to nang ban leh ïa kaba dei. Khmih ba yn leh ïa ka jingbishar hok — ïarap ïa kito kiba shah banbeiñ, ai ha ki khunswet ïa ki hok jong ki, bad ïada ïa ki riewkynthei.”

JEREMAÏAH 5:28

balei ba ki sngaid bad ba la ïoh jingbsa bha. Ym don pud satia ïa ki kam sniew jong ki. Kim ju ai ïa ki hok jong ki khunswet lane pyn-i ka jingbishar hok ïa kiba la shah banbeiñ.

ESEKIEL 22:27

Ki rangbah sorkar ki long kum ki suri kiba patar lyngkhot ïa ki mrad ba ki la pynïap. Ki pynïap briew ba kin ïoh riewspah.

ESEKIEL 25:14

Ki briew jong nga ki Israel kin pynhiarkput ïa ka Edom namar jong nga, bad kin pynlong ïa ka Edom ban mad ïa ka jingbitar lep jong nga. Ki Edom kin tip ka mut aïu ban shah ha ka jingpynhiarkput jong nga.” U Trai Nongsynshar u la kren.

MIKAH 3:9

To shahshkor ïa nga, phi ki nongsynshar ki Israel, phi kiba isih ïa ka jingbishar hok bad pynkylla ïa kaba dei sha kaba bakla.

Ka Shithi U Paul Sha Ki Nong Rom 12:19

Wat ju pynhiarkput, ko ki paralok jong nga, hynrei pynban, to ai ba ka jingbitar jong U Blei kan leh ïa kata. Namar ka Jingthoh Bakhuid ka ong, “Ngan pynhiarkput, ngan siew kylliang, ong U Trai.”

Ka Shithi U Paul Sha Ki Nong Rom 13:6

Kata ka long ruh balei ba phi dei ban siew ki khajna, namar ki bor synshar ki trei na ka bynta U Blei haba ki pyndep ïa la ki kamram.

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.

JOSHUA 20:5

Lada uta uba wad kput u bud ïa u shata, ki briew jong ka nongbah kim dei ban aiti ïa u ha uta. Ki dei ban ïada ïa u namar ba u la pynïap ïa u briew da ka jingjia ryngkhat bad ym na ka jingbitar.

JOSHUA 20:9

Kine ki long ki nongbah jakarieh ïa kiba la jied na ka bynta ki paid Israel baroh, bad na ka bynta uno uno u nongwei uba shong hapdeng jong ki. Uno uno uba pynïap briew da ka jingjia ryngkhat u lah ban shem jingïada hangta na uta uba wad kput; kim lah ban pynïap ïa u lymda u ïohpdiang shuwa ïa ka jingbishar paidbah.

1 PETROS 2:14

bad ha ki lat, ïa kiba la thung da u ban pynshitom ïa ki nongkam bymman bad ban ïaroh ïa kita kiba leh babha.