Ka Shithi U Paul Sha Ki Nong Rom 13:2 - Khasi CL Bible (BSI)

² Uno uno uba pyrshah ïa ka bor kaba synshar, u pyrshah ïa kaei kaba U Blei u la hukum; bad uno uno uba leh kumta un wallam ka jingbishar pynrem halor lade hi.

KA BAIBL

² Kumta keiñ, uno uno ruh uba ïeng ïaleh pyrshah ïa kata ka bor, u ïaleh pyrshah ïa kata ka jingbuh beit ka jong U Blei; te kita kiba ïeng ïaleh kumta, kin ïoh pdiang ïa ka jingpynshitom ha lade hi.

Ka Shithi U Paul Sha Ki Nong Rom 13:2 ပူးပေါင်းရင်းမြစ်များ

EKSODOS 16:8

Nangta u Moses u la ong, “Dei U Trai u ban ai ïa phi ka doh ban bam ha ka por janmiet bad kyrhai u kpu ha ka por mynstep, namar ba u la ïohsngew haduh katno phi la ïakhñium pyrshah ïa u. Haba phi khñium pyrshah ïa ngi, phi ïakhñium shisha keiñ pyrshah ïa U Trai.”

ISAÏAH 58:2

Ki mane ïa nga man la ka sngi, ki da kam ba ki thrang ban tip ïa ki lynti jong nga bad kohnguh ïa ki aiñ jong nga. Ki ong ba ki kwah ïa nga ban ai ïa ki aiñ kiba beit bad ba ki shem sngewbha ha kaba mane ïa nga.”

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MARKOS 12:40

Ki shim kabu ïa ki riewkynthei bad knieh noh na ki, ïa ki ïing jong ki, bad nangta pat ki duwai jlan ha khmat ki briew. Ka jingpynshitom ïa ki kan long kaba khraw!”

LOUKAS 20:47

kiba shim kabu ïa ki riewkynthei bad kiba knieh noh ïa ki ïing jong ki, bad nangta kiba pyn-i paidbah da kaba duwai jlan! Ka jingpynshitom ïa ki kan long kaba kham shyrkhei!”

Ka Shithi U Paul Sha Ki Nong Rom 13:1

Uwei pa uwei u dei ban kohnguh ïa ki bor synshar, namar ym don ka bor khlem ka jingaibor jong U Blei, bad ïa ki bor synshar kiba don mynta la buh hangta da U Blei.

Ka Shithi U Paul Sha Ki Nong Rom 13:3

Naba ïa ki nongsynshar ym dei ban sheptieng da kito kiba leh ïa kaba bha, hynrei da kito kiba leh ïa kaba sniew. Hato phi kwah ban long u bymsheptieng ïa u briew uba don ha ka bor? Te to leh ïa kaei kaba bha, bad un ïaroh ïa phi,

Ka Shithi U Paul Sha Ki Nong Rom 13:5

Namar kane ka daw phi dei ban kohnguh ïa ki bor synshar — ym tang namar ka jingpynshitom U Blei, hynrei na ka bynta ka jingïatiplem ruh.

Ka Shithi U Paul Sha Ki Nong Rom 9:19

Hynrei uwei na phi un ong ha nga, “Lada kane ka long kumta, kumno U Blei un shem jingbakla badno badno? Uei uba lah ban ïeng pyrshah ïa ka mon U Blei?”

TITOS 3:1

To pynkynmaw ïa la ki briew ban pyndem ha ki nongsynshar bad ki bor synshar, ban kohnguh ïa ki, bad ban long kiba kloi ban leh ïa kaba bha da ki lad baroh.

JAKOB 3:1

Ko parabangeit jong nga, ym dei shibun na phi ban long ki nonghikai. Kumba phi tip, ma ngi ki nonghikai ngin sa shah bishar kham pyrkhing ban ïa kiwei pat.

1 PETROS 2:13

Na ka bynta U Trai, to pynkohnguh ïa lade ha ki bor synshar baroh: Ha u Patsha uba long ka bor kaba ha khlieh tam,