Ka Shithi U Paul Sha Ki Nong Rom 13:12 - Khasi CL Bible (BSI)

¹² Ka miet ka la jan kut, ka sngi ka la jan sdang. To ngin ïasangeh noh na kaba leh ïa kiei kiei kiba long jong ka jingdum, bad to ngin kieng ïa ki atiar ka jingïaleh ha ka jingshai.

KA BAIBL

¹² Ka miet katta ka la nang dier noh shibun, te ka sngi ka la jan; namar kata, to ngin ïabred noh ïa kita ki jingleh jong ka jingdum; bad to ngin ïakieng noh ïa ki atiar ka jingshai.

Ka Shithi U Paul Sha Ki Nong Rom 13:12 ပူးပေါင်းရင်းမြစ်များ

JINGRWAI SOLOMON 2:17

tad haduh ban da beh ka lyer step bad ba ka jingdum ka jah. To wan phai ko ba-ieit jong nga, kum u khiat, kum u bthong ha ki lumbah jong ka Bether.

ISAÏAH 2:20

Haba kata ka sngi ka wan, kin bret sharud ïa ki bleithaw ksiar bad rupa ba ki la thaw, bad kin iehnoh ïa ki ha ki khnai tynjit bad ha ki lymbit.

ISAÏAH 30:22

Phin shim ïa ki bleithaw jong phi ba la sop da ka rupa bad ïa ki blei jong phi ba la tap da ka ksiar, bad phin bret noh ïa ki kum ïa ka jakhlia, bad phin pyrta, “Wat don shuh ha khmat jong nga!”

Ka Shithi U Paul Sha Ki Nong Rom 13:14

Hynrei to kieng ïa ki atiar jong U Jisu Khrist uba U Trai, bad to sangeh na kaba pynleit jingmut sha ki jinglong jong ka pop kiba pynhun ïa ki jingkwah brai jong ka.

1 KORINTH 10:11

Kine kiei kiei baroh ki la jia ha ki kum ki nuksa ïa kiwei pat, bad la thoh ïa kine kum ka jingmaham ïa ngi. Naba ngi im ha ka por ba kaba kut ka la jan poi.

1 KORINTH 7:29

Kaei kaba nga mut, ko ki parabangeit jong nga, ka long kane: Ka por kam don shuh, bad naduh mynta ki rangbah kiba la shongkurim ki dei ban im kumba kim shym la shongkurim;

2 KORINTH 10:4

Ki atiar kiba ngi pyndonkam ha ka jingïaleh jong ngi kim long ki atiar jong ka pyrthei hynrei ki atiar kiba donbor jong U Blei, ïa kiba ngi pyndonkam ban pynpra ïa ki kut baskhem.

2 KORINTH 6:7

Ngi don ïa ka hok kum ka atiar jong ngi, ïa ka ban ïaleh bad ban ïada ïa lade ruh.

EPHESOS 4:22

Kumta to iehnoh ïa u briew barim jong phi, uba pynlong ïa phi ban im kumba phi la ju im — u briew uba rim uba la nang pynjot da ki jingkwah brai bashukor jong ka.

EPHESOS 5:11

Phim dei ban ïadon bynta ei ei bad ki kam bym don jingmyntoi kiba ki briew ki leh, kiba long ki kam ka jingdum. Pynban wallam ïa ki sha ka jingshai.

EPHESOS 5:8

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai,

HEBRU 10:25

Wat ai ba ngin iehnoh ïa ka jingmlien ban ïaseng lang, kumba don kiba leh. Pynban, to ngin pynshlur uwei ïa uwei pat, khamtam haba phi ïohi ba ka Sngi U Trai ka la nang jan.

HEBRU 12:1

Na ka bynta jong ngi, ngi don katne u paid sakhi babun byllien sawdong jong ngi. Kumta te, to ngin ïabret noh na lade ïa kiei kiei baroh kiba wan pynwit ha lynti, bad ïa kata ka pop kaba shait snoh skhem ha ngi, bad to ngin ïaphet da ka jingkut jingmut ïa ka jingïaphet thong kaba don ha khmat jong ngi.

JAKOB 1:21

Kumta to kiar noh na ki jingmlien bajakhlia baroh bad na ki jinglong bymman baroh. To pyndem ha U Blei bad pdiang ïa ka ktien kaba u la thung ha ki dohnud jong phi, kaba lah ban pynim ïa phi.

JAKOB 5:8

Phi ruh phi dei ban long kiba ïaishah. To batskhem ïa ki jingkyrmen jong phi, naba ka sngi ka jingwan U Trai ka la jan.

1 PETROS 2:1

To bret noh na lade, namarkata, ïa ki jingsniew baroh; ïa ka jingshukor lane ka jingarsap lane ka jingbishni lane ka jingkren sniew.

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

2 PETROS 3:11

Namar ba ïa kine kiei kiei baroh yn pynjot ha kane ka rukom, ki briew kiba kumno phi dei ban long?

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.

1 ÏOANNIS 2:18

Ko ki khun jong nga, kaba kut ka la jan! La ïathuh ha phi ba u Nongshun jong U Khrist un sa wan; bad mynta ki nongshun babun jong U Khrist ki la lah paw, bad kumta ngi tip ba kaba kut ka la jan.

JINGPYNPAW 1:3

Suk uta uba pule ïa kane ka kitab, bad suk kito kiba shahshkor ïa ki ktien jong kane ka khubor jong ka jingïathuhlypa bad kiba kohnguh ïa kaei kaba la thoh ha kane ka kitab! Naba ka por ka la jan haba baroh kine kiei kiei kin sa jia.

JINGPYNPAW 22:10

Bad u la ong ha nga, “Wat bat kum kaba rieh ïa ki ktien ka jingïathuhlypa jong kane ka kitab, namar ka por ka la jan haba kane baroh kan jia.