Ka Shithi U Paul Sha Ki Nong Rom 13:1 - Khasi CL Bible (BSI)

¹ Uwei pa uwei u dei ban kohnguh ïa ki bor synshar, namar ym don ka bor khlem ka jingaibor jong U Blei, bad ïa ki bor synshar kiba don mynta la buh hangta da U Blei.

KA BAIBL

¹ To ai ba ka mynsiem baroh kan pynhapoh ïa lade ha ki bor kiba ha khlieh. Namar ym don kano kano ruh ka bor lymda na U Blei; te kita ki bor kiba don, la buh beit ïa ki da U Blei keiñ.

Ka Shithi U Paul Sha Ki Nong Rom 13:1 ပူးပေါင်းရင်းမြစ်များ

SALM 62:11

Bunsien nga la ïohsngew ba U Blei u ong ba ka bor ka dei ka jong u

PROBERB 24:21

Ko khun, tiengburom ïa U Trai bad burom ïa u syiem. Wat leh ei ei bad ki briew kiba ïeng ïaleh pyrshah ïa ki;

DANIEL 2:21

U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

ÏOANNIS 19:11

U Jisu u la jubab, “Me don ka bor halor jong nga tang namar ba la ai ha me da U Blei. Kumta u briew uba aiti noh ïa nga ha me u long uba la rem na ka pop kaba kham khraw.”

KI KAM 2:41

Kiba bun na ki, ki la ngeit ïa ka khubor jong u bad la pynbaptis ïa ki, bad kumba lai hajar ngut ki briew la pynïasoh sha ka kynhun ha kata ka sngi.

Ka Shithi U Paul Sha Ki Nong Rom 12:21

To wat ai ba ka jingsniew kan jop ïa phi; pynban, to jop ïa kaba sniew da kaba bha.

Ka Shithi U Paul Sha Ki Nong Rom 13:2

Uno uno uba pyrshah ïa ka bor kaba synshar, u pyrshah ïa kaei kaba U Blei u la hukum; bad uno uno uba leh kumta un wallam ka jingbishar pynrem halor lade hi.

EPHESOS 5:21

To pyndem ïa lade iwei ha iwei pat namar ka jingsheptieng burom jong phi ïa U Khrist.

DEUTERONOMI 17:12

Uno uno uba nud ban ïaleh pyrshah ïa u nongbishar lane ïa u lyngdoh uba shakri ha kata ka por ha khmat U Trai U Blei jong phi; u dei ban shah pynïap. Da kumta phin pynkhuid ïa kata ka jingbymman na Israel.

TITOS 3:1

To pynkynmaw ïa la ki briew ban pyndem ha ki nongsynshar bad ki bor synshar, ban kohnguh ïa ki, bad ban long kiba kloi ban leh ïa kaba bha da ki lad baroh.

JUDAH 1:8

Ha kajuh ka rukom ruh, kine ki briew ki ïoh ïa ki jingïohipaw kiba pynlong ïa ki ban leh pop pyrshah ïa la ki jong ki met; ki ñiewbeiñ ïa ka jingsynshar jong U Blei bad ki ïakren beiñ ïa ki jingthaw badonburom ha bneng.

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.