Ka Shithi U Paul Sha Ki Nong Rom 12:9 - Khasi CL Bible (BSI)

⁹ Ka jingieit ka dei ban long kaba sngur. To isih ïa kaei kaba sniew, to batskhem ïa kaei kaba bha.

KA BAIBL

⁹ To ka jingieit kan long kaba khlem arsap. To kiar noh sngewtriem na kata ka basniew, to snoh ha kata ka babha.

Ka Shithi U Paul Sha Ki Nong Rom 12:9 ပူးပေါင်းရင်းမြစ်များ

SALM 101:3

bad lano lano ruh ngan ym shah ïa kaba sniew. Nga isih ïa ki kam jong kito kiba phai noh na U Blei; ngan ym ïadon bynta ei ei bad ki.

SALM 119:104

Nga ïoh ka jingstad na ki aiñ jong me, bad kumta nga isih ïa ka jingleh basniew baroh.

SALM 119:163

Nga isih bad ijli ïa ki jinglamler baroh; hynrei nga ieit ïa ka aiñ jong me.

SALM 34:14

To phai noh na kaba sniew bad leh ïa kaba bha; wad ïa ka jingsuk da ka dohnud jong phi baroh.

SALM 36:4

U thaw ki jingthmu basniew katba u dang don ha jingthiah; ym don kaba u leh kaba long kaba bha bad um ju kyntait ïa kano kano kaba sniew.

SALM 45:7

Me ieit ïa kata kaba dei bad me isih ïa kata kaba sniew. Dei na kata ka daw ba U Blei, U Blei jong me, u la jied ïa me bad u la theh ha me ïa ka jingkmen palat ban ïa uno uno uwei pat u syiem.

SALM 55:21

Ki ktien jong u ki long kiba kham jlih ban ïa ka makhon, hynrei ka don ka jingisih ha ka dohnud jong u; ki ktien jong u ki pynum kum ka umphniang, hynrei ki ot kum ki waitlam banep.

SALM 97:10

U Trai u ieit ïa kito kiba isih ïa kaba sniew; u ïada ïa ka jingim jong ki briew jong u; u pyllait im ïa ki na ka bor jong ki bymman.

PROBERB 26:25

Ki lah ban sawa sngewtynnat, hynrei wat ngeit ïa u, namar ka dohnud jong u ka dap haduh rymmiang da ka jingisih.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

MATHAÏOS 26:49

U Judas u la leit beit sha U Jisu bad u la ong, “To ka jingsuk kan long bad me, ko Nonghikai,” bad u la doh ïa u.

ÏOANNIS 12:6

U la ong ïa kane, ym namar ba u da sngewkhia ïa kiba duk, hynrei namar ba u la long u nongtuh. U bat ïa ka pla pisa bad uba la ju shim na ka ban pyndonkam ïa lade.

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

2 KORINTH 6:6

Da ka jinglong sngur jong ngi, ka jingtip, jingïaishah, bad jingsbun ngi la pyn-i ïa lade ba ngi long ki shakri U Blei — da U Mynsiem Bakhuid, da ka jingieit bashisha jong ngi, da ka khubor jong ka jingshisha jong ngi, bad da ka bor U Blei.

2 KORINTH 8:8

Ngam buh ïa kino kino ki aiñ. Hynrei da kaba pyn-i kumno kiwei ki kloi ban ïarap, nga pyrshang ban wad katno ka jingieit jong phi hi ka long kaba shisha.

1 THESSALONI 2:3

Ka jingkyrpad jong ngi ïa phi kam dei kaba pynshong nongrim ha ka jingbakla lane ha ki jingthmu bymkhuid, lymne ba ngi pyrshang ban shukor ïano ïano.

1 THESSALONI 5:15

Khmih ba uno uno un ym siew kylliang ïa kaba sniew da kaba sniew, hynrei ha ki por baroh to kut jingmut ban lehbha iwei ïa iwei pat bad ïa ki briew baroh.

1 THESSALONI 5:21

Da tynjuh ïa kiei kiei baroh: Bat ïa kaei kaba bha

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

HEBRU 1:9

Me ieit ïa kaei kaba dei bad me isih ïa ka bymdei. Namarkata U Blei, U Blei jong me, u la jied ïa me bad u la ai ha me ïa ka jingkmen ka jingpyndonburom kaba kham khraw ban ïa kaba u ai ïa ki paralok jong me.”

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 4:8

Nalor kiei kiei baroh, to ïa-ieit shitrhem iwei ïa iwei pat, namar ka jingieit ka tap noh lin ïa ki pop babun.