Ka Shithi U Paul Sha Ki Nong Rom 12:8 - Khasi CL Bible (BSI)

⁸ lada ka long ban pynshlur ïa kiwei, ngi dei ban leh kumta. Uno uno uba ïasam bad kiwei u dei ban leh ïa kata da ka jingkylluid mynsiem; uno uno uba don ka iktiar u dei ban trei shitom; uno uno uba pyn-i ka jingsbun ïa kiwei u dei ban leh da kaba kmen.

KA BAIBL

⁸ lane uta uba sneng, to un minot te ha kata ka jingsneng; lane uta uba ïasam, to un leh kumta da ka jingkylluid sngur; lane uta uba synshar, un leh kumta da ka jingleh minot; uta uba leh isynei, un leh kumta da ka jingkmen.

Ka Shithi U Paul Sha Ki Nong Rom 12:8 ပူးပေါင်းရင်းမြစ်များ

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

SALM 112:9

U ai kylluid ïa kiba kyrduh, bad ka jingbhasbun jong u kam ju duh; un long uba donbor bad uba ïoh burom.

SALM 37:21

U bymman u shim kylliang, bad um ju pynphai shuh; hynrei u briew uba bha u sbun da ki jingai sngewbha jong u.

PROBERB 22:9

To long sbun bad ïasam ïa ka jingbam jong phi bad kiba duk, phin long kiba la kyrkhu na ka bynta kata.

EKLESIASTIS 11:6

Thung ïa ki jingthung jong phi mynstep bad janmiet ruh. Da lei lei phin ym tip la baroh kin san bha lane la kawei ka rukom thung kan kham bha ban ïa kawei pat.

EKLESIASTIS 9:10

Trei shitom ha kaei kaei kaba phi leh, namar yn ym don kano kano ka jingtrei, ka jingpyrkhat, ka jingtip, ka jingstad ha ka pyrthei kiba ïap — bad kata ka dei sha kaba phi leit.

ISAÏAH 32:5

Yn ym don u ban pyrkhat ba uba bieit u long uba donburom lane ban ong ba u riewshukor u long uba hok.

ISAÏAH 32:8

Hynrei u briew uba donburom u lehhok bad u ïeng skhem na ka bynta kaei kaba dei.

ISAÏAH 64:5

Me pdiang sngewbha ïa kito kiba shem jingkmen ha kaba leh ïa kaei kaba dei, ïa kito kiba kynmaw kumno me kwah ïa ki ban im. Me la bitar ïa ngi, hynrei ngi dang ïai leh pop; wat la me la bitar shla ngi dang ïai leh ïa kaba sniew naduh mynbarim.

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 13:12

Haba uta u lyngskor u la ïohi ïa kaei kaba la lah jia, u la ngeit; naba u la sngewlyngngoh shikatdei eh ïa ka jinghikai shaphang U Trai.

KI KAM 13:15

Hadien ka jingpule na ka Hukum u Moses bad na ki jingthoh jong ki nongïathuhlypa, ki rangbah synshar jong ka synagog ki la phah khubor sha ki: “Ko hynmen ko para, ngi kwah ïa phi ban kren ha u paidbah lada phi don ka khubor ai mynsiem na ka bynta jong ki.”

KI KAM 15:32

U Judas bad u Silas, kiba long hi ki nongïathuhlypa, ki la kren slem bad ki, da kaba ai ha ki ka jingpynshlur bad ka jingpynkhlaiñ.

KI KAM 20:2

U la leit lyngba kito ki thain bad u la pynshlur ïa ki briew da ki khubor kiba bun.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

KI KAM 4:36

Bad kumta ka la long ba u Joseph, u Lebi uba la kha ha Sypros, ïa uba ki apostol ki khot u Barnabas (kaba mut “Uta uba pynshlur”),

Ka Shithi U Paul Sha Ki Nong Rom 12:13

To ïasam lem ïa ki jingdon jong phi bad ki parabangeit kiba kyrduh, bad to pdiang sngewbha sha ki ïing jong phi ïa ki nongwei.

Ka Shithi U Paul Sha Ki Nong Rom 13:6

Kata ka long ruh balei ba phi dei ban siew ki khajna, namar ki bor synshar ki trei na ka bynta U Blei haba ki pyndep ïa la ki kamram.

1 KORINTH 12:28

Ha ka balang, U Blei u la buh ïa baroh ha la ka bynta: Ha ka bynta banyngkong u buh ïa ki Apostol, ha ka bynta kaba ar ïa ki nongïathuhlypa, kaba lai ïa ki nonghikai; nangta ïa kito kiba leh ïa ki kambah, bud sa kito ha kiba la ai ïa ka bor ban pynkhiah lane ban ïarap ïa kiwei lane ban pyn-i lem lane ban kren ha ki thylliej bapher.

1 KORINTH 14:3

Hynrei uta uba pynbna ïa ka khubor U Blei u kren ha ki briew bad u ai ha ki ïa ka jingïarap, ka jingpynshlur, bad ka jingpyntngen.

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.

2 KORINTH 9:11

Un pynriewspah ïa phi borabor kat ban biang ban lehsbun ha ki por baroh, khnang kiba bun kin ainguh ïa U Blei na ka bynta ki jingai jong phi ïa kiba ki la ïohpdiang na ngi.

2 KORINTH 9:13

Bad namar ka jingpynshisha ïa kaba kane ka jingshakri jong phi ka wallam, bun ki ban ai burom ïa U Blei na ka bynta ka jingïaineh jong phi ha ka gospel U Khrist, ïa kaba phi ïaphla, bad ïa ka jinglehsbun jong phi ha kaba ïasam bynta lem bad ki bad uwei pa uwei ruh.

2 KORINTH 9:7

Uwei pa uwei u dei ban ai, namarkata, kumba phi la kut jingmut, ym da kaba bynñiaw ne da kaba sngew kum ka kamram; naba U Blei u ieit ïa uta uba ai da kaba kmen.

EPHESOS 6:5

Phi ki mraw, to kohnguh ïa la ki kynrad da ka jingsheptieng bad ka jingkhynñiuh; bad leh ïa ka da ka dohnud basngur, kumba phi shakri ïa U Khrist.

DEUTERONOMI 15:14

Ai kylluid mynsiem ïa ki na ki jingkyrkhu kiba U Trai u la ai ha phi — na ki langbrot, na u kew, bad na ka waiñ jong phi.

DEUTERONOMI 16:11

Lehkmen ha khmat U Trai ryngkat bad ki khun ki kti jong phi, ki shakri shakor jong phi, bad ki Lebi, ki nongwei, ki khunswet, bad ki riewkynthei kiba shong ha ki shnong jong phi. Leh ïa kane ha kata ka jaka mane Blei.

KOLOSSAI 3:22

Ko ki shakri, to kohnguh ïa ki kynrad jong phi ha kiei kiei baroh, ym tang haba ki ïohi ïa phi namar ba phi kwah ban ïoh pynsngewbha ïa ki; hynrei to leh ïa ka da ka dohnud bashisha namar ka jingsheptieng burom jong phi ïa U Trai.

1 THESSALONI 2:3

Ka jingkyrpad jong ngi ïa phi kam dei kaba pynshong nongrim ha ka jingbakla lane ha ki jingthmu bymkhuid, lymne ba ngi pyrshang ban shukor ïano ïano.

1 THESSALONI 2:8

Namar ka jingieit jong ngi ïa phi, ngi la long kiba la kloi ban ïabynta bad phi ym tang ïa ka Khubor Babha na U Blei hynrei wat ïa ka jingim jong ngi ruh. Phi la long kiba ieit thep mynsiem eh jong ngi!

1 TIMOTHI 4:13

Tad ynda nga wan, to ai ïa ka por jong me bad ka jingpyrshang ban pule paidbah ïa ki Jingthoh Bakhuid bad ban ïalap bad hikai.

1 TIMOTHI 5:17

Ki nongsharai balang kiba trei bha kum ki nongïalam ki dei hok ban ïohpdiang ar shah ïa ka jingsiew, khamtam kito kiba trei jur ha ka jingïalap bad jinghikai.

1 TIMOTHI 6:18

To hukum ïa ki ba kin leh ïa kaba bha, ban man kyrhai ha ki kam babha, ban long kiba sbun bad kiba kloi ban ïasam bad kiwei.

HEBRU 10:25

Wat ai ba ngin iehnoh ïa ka jingmlien ban ïaseng lang, kumba don kiba leh. Pynban, to ngin pynshlur uwei ïa uwei pat, khamtam haba phi ïohi ba ka Sngi U Trai ka la nang jan.

HEBRU 13:17

To kohnguh ïa ki nongïalam jong phi da kaba bud ïa ki hukum jong ki. Ki sharai ïa ki mynsiem jong phi khlem da thait, namar ki dei ban ai jingkheiñ ïa ka kam jong ki sha U Blei. Lada phi kohnguh ïa ki, kin trei ïa ka kam da kaba kmen; lada phim kohnguh, kin trei ïa ka kam da kaba sngewsih, bad kata kan ym ïarap ïa phi.

HEBRU 13:22

Nga kyrpad ïa phi, ko parabangeit jong nga, ban shahshkor bha ïa kane ka khubor ka jingpynshlur; naba kane ka shithi kaba nga la thoh sha phi kam da long kaba jrong eh.

HEBRU 13:24

To ai ki jingkhublei jong ngi sha baroh ki nongïalam jong phi bad sha ki briew jong U Blei baroh. Ki parabangeit jong ngi na Italy ki phah ki jingkhublei jong ki ïa phi.

HEBRU 13:7

To kynmaw ïa ki nongïalam jong phi kiba mynshuwa, kiba la kren ha phi ïa ka khubor U Blei. To da pyrkhat kumno ki la im bad ki la ïap, bad pyrthuh bud ïa ka jingngeit jong ki.