Ka Shithi U Paul Sha Ki Nong Rom 12:7 - Khasi CL Bible (BSI)

⁷ lada ka long ban shakri, ngi dei ban shakri; lada ka long ban hikai, ngi dei ban hikai;

KA BAIBL

⁷ la ka long ka jingshakri, to ngin minot ha kata ka jingshakri; la ka long uta uba hikai, to un minot ha kata ka jinghikai;

Ka Shithi U Paul Sha Ki Nong Rom 12:7 ပူးပေါင်းရင်းမြစ်များ

SALM 34:11

Ale, ko ki paralok samla jong nga, to shahshkor ïa nga, bad ngan hikai ïa phi ban pyndonburom ïa U Trai.

SALM 51:13

Te ngan hikai ïa ki nongpop ïa ki hukum jong me, bad kin phai pat sha me.

EKLESIASTIS 12:9

Hynrei namar ba u Stad saiñpyrkhat u long uba stad, u ïai hikai ïa ki briew ïa kaei kaba u tip. U la pule bniah ïa ki proberb bad da kaba sngur mynsiem u da tynjuh ïa ka jingshisha jong ki.

ISAÏAH 21:8

U nongap phira u pyrta, “Ko kynrad, nga la ïeng ap phira ha ka kam jong nga mynsngi bad mynmiet.”

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

KI KAM 13:1

Ha ka balang ha Antiokh la don katto katne ngut ki nongïathuhlypa bad ki nonghikai: U Barnabas, u Simeon (ïa uba la khot u Niger), u Lukios (na Kyrini) bad u Manaen (ïa uba la pynsan pynrangbah bad u Herod Antipas uba long u lyngskor) bad u Saul.

KI KAM 20:20

Phi ïatip ba ngam shym la buhrieh ïa kano kano ka ban long ka jingïarap ïa phi haba nga ïalap bad hikai ha ki paidbah bad ha ki ïing jong phi.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

KI KAM 6:1

Hadien katto katne por, katba ka jingdon ki synran ka nang ïai kiew, la don ka jingïania hapdeng ki Jiw kiba kren Grik bad ki Jiw kiba kren ktien tynrai. Ki Jiw kiba kren Grik ki la kam ba ïa ki riewkynthei la leh klet ha ka jingsam pisa kaba man ka sngi.

1 KORINTH 12:28

Ha ka balang, U Blei u la buh ïa baroh ha la ka bynta: Ha ka bynta banyngkong u buh ïa ki Apostol, ha ka bynta kaba ar ïa ki nongïathuhlypa, kaba lai ïa ki nonghikai; nangta ïa kito kiba leh ïa ki kambah, bud sa kito ha kiba la ai ïa ka bor ban pynkhiah lane ban ïarap ïa kiwei lane ban pyn-i lem lane ban kren ha ki thylliej bapher.

1 KORINTH 12:5

Don bun jait ki rukom shakri, hynrei ïa ujuh U Trai la shakri.

1 KORINTH 14:26

Kane ka long kaei kaba nga mut, ko parabangeit jong nga. Haba phi ïashem lang ïa ka ban mane ïa U Blei, uwei u don ka jingrwai, uwei pat ïa ka jinghikai, uwei pat ïa ka jingpynpaw na U Blei, sa uwei pat ha ki thylliej bapher, bad sa uwei pat ïa ka jingbatai ïa kaei kaba la kren. Baroh ki dei ban long ki ban ïarap ïa ka balang.

GALATIA 6:6

U briew uba la shah hikai ha ka jinghikai khristan u dei ban ïasam ïa kiei kiei kiba bha baroh kiba u don bad u nonghikai jong u.

EPHESOS 4:11

U la long ma u, uba “la ai ki jingai sngewbha ha u bynriew;” u la thung katto katne ngut ban long ki apostol; ïa kiwei, ki nongïathuhlypa; ïa kiwei, ki nongïalap; ïa kiwei pat, ki nongsharai balang bad ki nonghikai.

DEUTERONOMI 33:10

Kin hikai ïa ki briew jong me ban kohnguh ïa ka Aiñ jong me; Kin ai ïa ki jingkñia ha ka duwan jong me.

KOLOSSAI 4:17

Bad ong ïa u Arkhippos, “Pynthikna ban pyndep ïa ka kam kaba la ai ha me ha ka jingshakri ïa U Trai.”

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 4:16

To phikir bha ïa lade bad ïa ki jinghikai kiba me ai. To men ïai leh ïa kine kiei kiei, namar lada me leh kumta, me pynim ïa lade bad ïa kita kiba shahshkor ïa me.

1 TIMOTHI 5:17

Ki nongsharai balang kiba trei bha kum ki nongïalam ki dei hok ban ïohpdiang ar shah ïa ka jingsiew, khamtam kito kiba trei jur ha ka jingïalap bad jinghikai.

2 TIMOTHI 2:2

Shim ïa ki jinghikai kiba me la ïohsngew ba nga pynbna ha khmat ki sakhi babun, bad aiti ïa ki ha ki briew kiba lah ban shaniah, kiba lah ban hikai ïa kiwei ruh.

2 TIMOTHI 2:24

Kum u shakri jong U Trai, mem dei ban ïakajia.

1 SAMUEL 12:23

Ïa nga shimet, U Trai um shah da lei lei ba ngan leh pop pyrshah ïa u da kaba sangeh noh ban duwai na ka bynta jong phi. Pynban ngan hikai ïa phi ïa kaei kaba bha bad kaba dei ïa phi ban leh.