Ka Shithi U Paul Sha Ki Nong Rom 12:6 - Khasi CL Bible (BSI)

⁶ Kumta ngi dei ban pyndonkam ïa ki jingai bapher bapher kat kum ka jingaiei U Blei ba la ai ha ngi. Lada ka jingai ïa ngi ka long ban kren ïa ka khubor U Blei, ngi dei ban leh ïa kata kat kum ka jingngeit kaba ngi don;

KA BAIBL

⁶ Te ba ngi don ki jingai kiba ïapher katba kum kata ka jingaiei ïa kaba la sam ha ngi, la ka long ka jingïathuhlypa, to ngin ïathuhlypa katba ka shong kata ka jingthew jong ka jingngeit;

Ka Shithi U Paul Sha Ki Nong Rom 12:6 ပူးပေါင်းရင်းမြစ်များ

MATHAÏOS 23:34

Bad kumta nga ong ha phi ba ngan phah ha phi ïa ki nongïathuhlypa bad ïa ki briew kiba stad bad ïa ki nonghikai; phin pynïap katto katne ngut na ki, phin sahnarphna ïa kiwei pat, bad phin sympat ïa kiwei pat ha ki synagog bad beh ïa ki na kawei ka shnong sha kawei pat.

MATHAÏOS 25:22

“Nangta u shakri uba la ïohpdiang ar hajar tylli ki sbai u la wan rung bad u la ong, ‘Ko kynrad, me la ai ha nga ar hajar tylli ki sbai. Ha khmih! Kine hangne sa ar hajar tylli kiba nga la ïohnong.’

LOUKAS 11:49

Na kane ka daw ka Jingstad jong U Blei ka la ong, ‘Ngan phah ha ki ïa ki nongïathuhlypa bad ïa ki nonglamktien; kin pynïap katto katne ngut na ki bad kin pynshitom beiñ ïa kiwei pat.’

KI KAM 13:1

Ha ka balang ha Antiokh la don katto katne ngut ki nongïathuhlypa bad ki nonghikai: U Barnabas, u Simeon (ïa uba la khot u Niger), u Lukios (na Kyrini) bad u Manaen (ïa uba la pynsan pynrangbah bad u Herod Antipas uba long u lyngskor) bad u Saul.

KI KAM 15:32

U Judas bad u Silas, kiba long hi ki nongïathuhlypa, ki la kren slem bad ki, da kaba ai ha ki ka jingpynshlur bad ka jingpynkhlaiñ.

KI KAM 2:17

“ ‘Kane ka long kaei kaba ngan leh ha ki sngi bakhatduh, U Blei u ong: Ngan theh noh ïa U Mynsiem jong nga halor uwei pa uwei baroh. Ki khun shynrang bad ki khun kynthei jong phi kin pynbna ïa ka khubor jong nga; ki samla shynrang jong phi kin ïohi ki jingïohipaw, bad ki rangbah ba la tymmen jong phi kin ïoh ki jingphohsniew.

KI KAM 21:9

U la don saw ngut ki khun kynthei ki bym pat shongkurim kiba la pynbna ïa ka khubor jong U Blei.

Ka Shithi U Paul Sha Ki Nong Rom 1:11

Naba nga kwah haduh katta katta ban ïohi ïa phi, khnang ban ïasam ïa ka jingkyrkhu ba kynja mynsiem bad phi bad ban pynkhlaiñ ïa phi.

Ka Shithi U Paul Sha Ki Nong Rom 12:3

Bad namar ka jingaiei U Blei ïa nga, nga ong ïa uwei pa uwei na phi: To wat ñiewkor palat than ïa lade ban ïa kaba phi dei ban leh. Pynban, to long adkar ha ki jingmut jingpyrkhat jong phi, bad to bishar ïa lade kat kum ka jingngeit kaba U Blei u la ai ha phi.

1 KORINTH 12:18

Pynban, kumba ka long, U Blei u la buh ïa ki dkhot kiba ïapher ha ka met kumba u kwah ïa ki ba kin long.

1 KORINTH 13:2

Nga lah ban don ka jingai ban ïalap da ka jingpyrsad mynsiem; nga lah ban don ïa ka jingtip baroh bad shemphang ha ki jingmaïan baroh; nga lah ban don ïa ka jingngeit baroh kaba donkam ban pynkynriah ïa ki lumbah — hynrei lada ngam don ka jingieit, ngam long ei ei.

1 KORINTH 14:1

Ka dei ka jingieit keiñ, ba phi dei ban ïabeh. To ai ba dohnud kan kwah hir hir ïa ki jingai ba kynja mynsiem, khamtam ïa ka jingai ban pynbna ïa ka khubor U Blei.

1 KORINTH 14:24

Hynrei lada uwei pa uwei u pynbna ïa ka khubor U Blei haba u bymngeit ne u riewpaidbah u rung hapoh, un ïoh jingkynduh ïa la ki pop da kaei kaba u ïohsngew.

1 KORINTH 14:29

Ar ne lai ngut kiba ïoh ïa ka khubor U Blei ki dei ban kren, katba kiwei pat kin bishar ïa kaei kaba ki kren.

1 KORINTH 3:5

Haba kumta, uei u Apollos? Bad uei u Paul? Ngi dei tang ki shakri jong U Blei, kiba la ïalam ïa phi ban ngeit. Uwei pa uwei na ngi u trei ïa ka kam kaba U Trai u la ai ïa u ban leh:

1 KORINTH 7:7

Ha ka jingshisha nga da kwah ba baroh na phi phin long kum ma nga; hynrei uwei pa uwei u don ïa ka jingai kaba kyrpang na U Blei, uwei da kane ka jingai, ïa uwei pat da katai ka jingai.

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.

EPHESOS 3:5

Ha ki por ba-mynshuwa ïa u khunbynriew ym shym la ïathuh ïa kane ka jingmaïan, hynrei, U Blei u la pynpaw ïa ka mynta da U Mynsiem ha ki apostol bad ki nongïathuhlypa bakhuid jong u.

EPHESOS 4:11

U la long ma u, uba “la ai ki jingai sngewbha ha u bynriew;” u la thung katto katne ngut ban long ki apostol; ïa kiwei, ki nongïathuhlypa; ïa kiwei, ki nongïalap; ïa kiwei pat, ki nongsharai balang bad ki nonghikai.

PHILIPPI 3:15

Ma ngi baroh kiba la ih bha ka jinglong mynsiem, ngi dei ban ïoh ïa kane kajuh ka jingmut. Hynrei lada don napdeng jong phi kiba don da ka jingmut baïapher, U Blei un pynshai ïa kane ha phi.

1 THESSALONI 5:20

wat ñiewbeiñ ïa ki khubor ba la pyrsad mynsiem.

2 PETROS 1:20

Nalor kiei kiei baroh, namarkata, to kynmaw ba ym don mano mano ba lah ban batai da lade ïa ka jingïathuhlypa ha ki Jingthoh Bakhuid.