Ka Shithi U Paul Sha Ki Nong Rom 12:5 - Khasi CL Bible (BSI)

⁵ Ha kajuh ka rukom, wat la ngi long shibun, ngi long kawei ka met ha U Khrist, bad la pynïasoh iwei bad iwei pat kum ki dkhot bapher jong kawei ka met.

KA BAIBL

⁵ kumjuh ma ngi, la ngi long shibun, ngi long kawei ka met ha U Khrist, bad uwei pa uwei ki ïalong ki dkhot ki jong ki paralok hi.

Ka Shithi U Paul Sha Ki Nong Rom 12:5 ပူးပေါင်းရင်းမြစ်များ

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

Ka Shithi U Paul Sha Ki Nong Rom 12:4

Ngi don bun ki dkhot ha kawei ka met bad baroh kine ki dkhot ki don ki jingtreikam bapher bapher.

1 KORINTH 10:17

Namar don uwei u kpu, baroh na ngi, wat la ngi long shibun, ngi long kawei ka met, naba ngi baroh ngi ïoh bynta lem na ujuh u kpu.

1 KORINTH 10:33

To leh kumba leh ma nga; nga pyrshang ban pynsngewbha ïa baroh ha kiei kiei baroh kiba nga leh, khlem da pyrkhat ïa ka jingbha jong nga hi, hynrei ïa ka jingbha jong kiba bun, khnang ba yn pynim ïa ki.

1 KORINTH 12:20

Kumba ka long, don shibun ki dkhot hynrei tang kawei ka met.

1 KORINTH 6:15

Phi tip ba ki met jong phi ki long ki dkhot jong ka met U Khrist. Hato ngan shim noh shi lyngkhot na ka met U Khrist bad pynlong ïa ka shi bynta jong ka met jong ka nuti? Kam lah ban long!

EPHESOS 1:23

Ka Balang ka long ka met U Khrist, kaba pyndap pura ïa u, uba da lade hi u pyndap pura ïa kiei kiei baroh ha kylleng ki jaka.

EPHESOS 4:12

U la leh ïa kane ban pynkhreh ïa ki briew jong U Blei baroh na ka bynta ka kam jong ka jingshakri ba kynja mynsiem, khnang ban tei ïa ka met U Khrist.

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

EPHESOS 5:23

Naba u tnga u don ka iktiar halor la ka tnga kumba U Khrist u don ka iktiar halor ka balang; bad U Khrist hi u long U Nongpynim jong ka balang, ka met jong u.

EPHESOS 5:30

naba ngi long ki dkhot ka met jong u.)

KOLOSSAI 1:24

Bad mynta nga kmen shaphang ki jingshahshitom jong nga na ka bynta jong phi, naba da ki jingshahshitom jong nga ha ka doh, nga ïarap ban pyndep ïa kaei kaba dang sah na ki jingshahshitom jong U Khrist na ka bynta ka balang, kaba long ka met jong u.

KOLOSSAI 2:19

Hapoh ka jingsynshar jong U Khrist la bsa ïa ka met baroh kawei bad la pyndait lang da ki mat bad doh-satar jong ka, bad ka san kumba U Blei u kwah ïa ka ba kan san.