Ka Shithi U Paul Sha Ki Nong Rom 12:3 - Khasi CL Bible (BSI)

³ Bad namar ka jingaiei U Blei ïa nga, nga ong ïa uwei pa uwei na phi: To wat ñiewkor palat than ïa lade ban ïa kaba phi dei ban leh. Pynban, to long adkar ha ki jingmut jingpyrkhat jong phi, bad to bishar ïa lade kat kum ka jingngeit kaba U Blei u la ai ha phi.

KA BAIBL

³ Namar nga ong, da kata ka jingaiei ïa kaba la ai ha nga, ïa uwei pa uwei uba long hapdeng jong phi ban ym ñiew kham kor ïa lade nalor kaba ka dei ïa u ban ñiew; hynrei, ban ñiew adkar ïa lade, kat kumba U Blei u la sam ïa ka jingthew ka jingngeit ha uwei pa uwei.

Ka Shithi U Paul Sha Ki Nong Rom 12:3 ပူးပေါင်းရင်းမြစ်များ

PROBERB 25:27

Kaba bam than ïa ka ngap kam bha ïa phi; bad kumta ruh ka long kaba pyrshang ban ïoh palat ka jingïaroh.

PROBERB 26:12

U briew uba bieit mutlop tam u kham bha ban ïa uno uno uba pyrkhat ba u long uba stad haba um long kumta.

EKLESIASTIS 7:16

Kumta te wat long uba bha palat ne uba stad palat — balei yn pynïap ïa lade hi?

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

LOUKAS 18:11

“U Pharisi u la ïeng kyrpang la ka jong hi bad u la duwai, ‘Nga ainguh ïa me, a Blei, ba ngam long uba lalot, u bymhok, lane uba klim, kum uno uno uwei pat. Nga ainguh ba ngam long kum utai u nonglum khajna hangtai.

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

Ka Shithi U Paul Sha Ki Nong Rom 1:5

Lyngba jong u, U Blei u la ai ïa nga ka kabu ban long u apostol na ka bynta U Khrist, khnang ban ïalam ïa ki briew na ki jaitbynriew baroh ban ngeit bad ban kohnguh.

Ka Shithi U Paul Sha Ki Nong Rom 11:20

Kata ka long kaba shisha. Ïa ki la pynkheiñ noh namar kim shym la ngeit, katba phi sah ha la ka jaka namar ba phi ngeit. Hynrei wat sngewsarong na ka bynta kata; pynban, to sheptieng.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 12:16

To don ïa kajuh ka jingsngewkhia ïa baroh. To wat long kiba sarong, hynrei to pdiang ïa ki kam kiba kham hapoh. To wat pyrkhat ïa lade kum kiba stad.

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

1 KORINTH 3:10

Da kaba pyndonkam ïa ka jingai kaba U Blei u la ai ha nga, nga la trei ïa ka kam u rangbah nongtei uba tbit bad nga la seng ïa ka nongrim, bad uwei pat u tei halor jong ka. Hynrei uwei pa uwei u dei ban sumar kumno u tei.

1 KORINTH 7:17

Uwei pa uwei na phi u dei ban ïai im kat kum ka jingai jong U Blei ïa phi, bad kumba phi la long mynba U Blei u la khot ïa phi. Kane ka long ka jinghikai ïa kaba nga ai ha ki balang baroh.

2 KORINTH 10:13

Pynban na ka bynta jong ngi, ki jingkob sarong jong ngi kin ym ïaid palat pud; kan don hapoh u pud jong ka jingtrei kaba U Blei u la buh na ka bynta jong ngi, bad kane ka kynthup ïa ka jingtrei jong ngi hapdeng jong phi.

2 KORINTH 12:13

Kumno la ñiew ba phi kham sniew ban ïa kiwei pat ki balang, lait noh ba ngam shym pynkhuslai ïa phi ban kyrshan pisa ïa nga? Sngewbha map ïa nga na ka bynta kane ka jingleh bymdei!

2 KORINTH 12:7

Hynrei ban pyllait ïa nga na kaba dap da ka jingsarong namar kiei kiei kiba bun kiba phylla ba nga la ïohi, la buh ha nga ïa ka jingpang kaba jur ha ka met, kaba long kum u nonglamktien jong u Soitan ban pynshitom ïa nga bad ban pyllait ïa nga na ka jingsngew sarong.

GALATIA 6:3

Lada uno uno u mut ba u long ei ei haba da shisha um long ei ei, u long tang u nongshukor ïa lade.

EPHESOS 3:2

Da shisha phi la ïohsngew ba U Blei ha ka jingaiei jong u, u la ai ha nga ïa kane ka kam ban trei na ka bynta ka jingbha jong phi.

EPHESOS 3:4

(Nga la thoh khyndiat shaphang kane, bad lada phi pule ïa kaei kaba nga la thoh, phi lah ban tip shaphang ka jingsngewthuh jong nga ïa ka jingmaïan U Khrist.)

EPHESOS 4:16

Hapoh ka jingsynshar jong u, baroh ki dkhot kiba ïapher jong ka met ki ïabiang lang sbiak, bad ïa ka met baroh kawei la bat lang da kawei pa kawei ka jingïapyndait ïa kaba ka la pynbiang. Kumta haba kawei pa kawei ka bynta kaba ïapher ka ïatrei kam kumba ka dei ban trei, ka met baroh kawei ka san bad ka tei ïa lade da ka jingieit.

PHILIPPI 2:13

namar U Blei u trei borabor hapoh jong phi, ban pynlong ïa phi kiba don ka mon bad kiba lah ban kohnguh ïa ka jingthmu jong u hi.

KOLOSSAI 1:29

Ban pyndep ïa kane nga ïaleh tyngeh bad nga ïaksaid, da kaba pyndonkam ïa ka jingkhlaiñ badonbor kaba U Khrist u ai bad kaba treikam hapoh jong nga.

KOLOSSAI 2:13

Phi la long ha kawei ka por kiba la ïap ha kaba kynja mynsiem namar ki pop jong phi bad namar ba phi la long ki Jentil kiba khlem ka Hukum. Hynrei U Blei mynta u la wallam ïa phi sha ka jingim bad U Khrist.

1 TIMOTHI 1:14

Bad U Trai jong ngi u la theh noh buk ïa ka jingaiei ba-dap kyrhai ha nga bad u la ai ha nga ïa ka jingngeit bad ïa ka jingieit kiba long ki jong ngi ha U Khrist Jisu.

1 TIMOTHI 2:15

Hynrei ka kynthei kan ïohlait im ha ka por ba ka kha khun, lada ka ïaineh ha ka jingngeit bad ka jingieit bad ka jingkhuid, lem bad ka jingdon akor.

1 TIMOTHI 2:9

Nga kwah ruh ba ki kynthei kin long kiba biang bad kiba sngewthuh ïa ki jaiñ ba ki riam bad ban riam da kaba dei; ym da ki jingkhyllong shñiuh bakhyllah ne da ki jingdeng ksiar ne ki paila ne da ki jaiñkup riam kiba remdor, hynrei da ki kam babha, kumba ka dei ïa ki kynthei kiba kam ba ki long kiba riewblei.

TITOS 2:12

Ba ka jingaiei ka hikai ïa ngi ban iehnoh ïa ka rukom im bymriewblei bad ïa ki jingkwah brai ba kynja pyrthei, bad ban im da kaba synshar ïa lade, ban im hok, bad ban im riewblei ha kane ka pyrthei,

TITOS 2:2

Hikai ïa kiba la kham rangbah ba kin long kiba adkar, kiba tipbriew bad kiba synshar ïa lade; kiba skhem ha ka jingngeit, ka jingieit bad ka jingïaishah jong ki.

TITOS 2:4

Ki dei ban hikai ïa kaei kaba bha, khnang ba ki lah ban hikai ïa ki kynthei ba dang kham samla ban ieit ïa la ki tnga bad ki khun,

TITOS 2:6

Kumjuh ruh ïa ki shynrang ba dang kham samla to kyntu jur ïa ki ban synshar bha ïa lade.

JAKOB 4:6

Hynrei ka jingaiei kaba U Blei u ai ka long kaba kham khlaiñ shuh shuh. Kumba ka Jingthoh Bakhuid ka ong, “U Blei u pyrshah ïa kiba sarong, hynrei u ai ïa ka jingaiei ha kiba sngewrit.”

1 PETROS 1:13

Kumta te, to ai ba ki jingmut jong phi kin pynkhreh ban treikam. To long adkar bad buh ïa ka jingngeit jong phi baroh phar ha ka jingkyrkhu ïa kaba yn sa ai ha phi haba ïa U Jisu Khrist yn pynpaw.

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.

1 PETROS 4:7

Kaba kut jong kiei kiei baroh ka la jan. Phi dei ban long kiba lah ban synshar ïa lade bad kiba sharai, ban lah ban duwai.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

3 ÏOANNIS 1:9

Nga la thoh ïa ka shithi kaba lyngkot sha ka balang; hynrei u Diotrephes, uba kwah ban leh kum u nongïalam jong ki, un ym shahshkor ïa kaei kaba nga ong.