Ka Shithi U Paul Sha Ki Nong Rom 12:16 - Khasi CL Bible (BSI)

¹⁶ To don ïa kajuh ka jingsngewkhia ïa baroh. To wat long kiba sarong, hynrei to pdiang ïa ki kam kiba kham hapoh. To wat pyrkhat ïa lade kum kiba stad.

KA BAIBL

¹⁶ To long kiba ïamut ïa kajuh paralok hi; to wat ïaimut brai ïa kiei kiei ruh ki jinglong meng, hynrei, to pynryngkat ïa lade bad ki barit. Wat long phi kiba tharai stad ïa lade hi.

Ka Shithi U Paul Sha Ki Nong Rom 12:16 ပူးပေါင်းရင်းမြစ်များ

2 KHRONIKL 30:12

U Blei ruh u trei ha Judah bad u la pynïatylli ïa ki briew ha ka jingkut jingmut ban kohnguh ïa ka mon jong u da kaba bud ïa ki hukum jong u Syiem bad ki rangbah synshar jong u.

Ka Kitab U Job 36:5

Katno U Blei u long uba khlaiñ! um ñiewbeiñ ïano ïano; ym don kano kano kaba um lah ban sngewthuh.

PROBERB 17:5

Lada phi rkhiebeiñ ïa ki briew kiba duk, phi ñiewbeiñ ïa U Blei uba la thaw ïa ki. Phin shah pynshitom lada phi leh sngewbha ha ka apot jongno jongno.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

PROBERB 19:22

Ka long ka jingjahburom ban long uba khwan myntoi; ki briew kiba duk ki kham bha ban ïa ki nongshukor.

PROBERB 19:7

Wat ki hynmen ki para jong u briew uba duk kim long jingmyntoi ïa u; kam pher ba um don paralok. Kam pher katno u pyrshang tyngeh, um lah ban ïoh paralok.

PROBERB 26:12

U briew uba bieit mutlop tam u kham bha ban ïa uno uno uba pyrkhat ba u long uba stad haba um long kumta.

PROBERB 26:5

Ai ka jubab bieit ïa ka jingkylli bieit, bad uta uba kylli ïa ka un sngewthuh ba um long uba stad kumba u pyrkhat.

PROBERB 3:7

Wat buh ka jingpyrkhat ha lade ba phi kham stad ban ïa kaba phi long; shu kohnguh beit ïa U Trai, bad kiar ban leh ïa kaba sniew.

ISAÏAH 5:21

Phi long ba la tim! Phi pyrkhat phi long uba stad, kumta kiba shalak shibun.

JEREMAÏAH 32:39

Ngan ai ha ki ïa kawei ka jingthmu ha ka jingim: ban burom ïa nga ha ki por baroh, na ka bynta ka jingbha jong ki hi bad ka jingbha jong ki khun ki ksiew jong ki.

JEREMAÏAH 45:5

Hato me khmih lynti ïa ka jingleh bakyrpang na ka bynta ïa lade? Wat leh ïa kata. Nga wallam ïa ka jingjot ha u khunbynriew baroh, hynrei men pyllait ïa ka jingim kat shaba me leit. Ma nga, U Trai, nga la kren.”

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 26:11

Phin ïai ïoh ïa ki briew kiba duk lem bad phi, hynrei phin ym ïoh ïa nga borabor.

LOUKAS 14:13

Haba me khreh ka jingkhawai, khot sngewbha ïa kiba duk, kiba khrew, kiba dkoh, bad kiba matlah;

LOUKAS 6:20

U Jisu u la khmih ha la ki synran bad u la ong, “Suk phi kiba duk; ka Hima U Blei ka long ka jong phi!

KI KAM 4:32

Ka kynhun ki riewngeit ka la long ha kawei ka jingmut bad kawei ka mynsiem. Ym don uba ong ba kano kano ka jingdon jong u ba ka long ka jong u hi, hynrei baroh ki la ïasam iwei ïa iwei pat ïa kaei kaei kaba ki la don.

Ka Shithi U Paul Sha Ki Nong Rom 11:20

Kata ka long kaba shisha. Ïa ki la pynkheiñ noh namar kim shym la ngeit, katba phi sah ha la ka jaka namar ba phi ngeit. Hynrei wat sngewsarong na ka bynta kata; pynban, to sheptieng.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 12:3

Bad namar ka jingaiei U Blei ïa nga, nga ong ïa uwei pa uwei na phi: To wat ñiewkor palat than ïa lade ban ïa kaba phi dei ban leh. Pynban, to long adkar ha ki jingmut jingpyrkhat jong phi, bad to bishar ïa lade kat kum ka jingngeit kaba U Blei u la ai ha phi.

Ka Shithi U Paul Sha Ki Nong Rom 15:5

Bad to U Blei, uba long ka tyllong jong ka jingïaishah bad ka jingpynshlur, un pynlah ïa phi ban don kajuh ka jingmut hapdeng jong phi da kaba bud ïa ka nuksa U Khrist Jisu,

Ka Shithi U Paul Sha Ki Nong Rom 6:2

Kam long kumta! Ngi la ïap ïa ka pop — kumno te ngi lah ban ïai im ha ka?

1 KORINTH 1:10

Da ka bor jong U Jisu Khrist uba U Trai jong ngi nga kyrpad ïa phi baroh, ki parabangeit jong nga, ba phin ïamynjur lang ïa kaei kaba phi ong, khnang ba yn ym don ka jingïapait hapdeng jong phi. To phin ïalong kawei, tang ha kawei ka jingpyrkhat bad kawei ka jingthmu.

1 KORINTH 3:18

Wat ai ba uno uno un shukor ïa lade hi. Lada uno uno napdeng jong phi u pyrkhat ba u long uba stad da ka jingthew jong kane ka pyrthei, u dei ban long uba bieit khnang ba un long uba stad da shisha.

1 KORINTH 4:10

Na ka bynta U Khrist ngi long kiba bieit; hynrei, phi long kiba stad ha U Khrist! Ngi long kiba tlot, hynrei phi long kiba khlaiñ! Ngi long kiba la ibeiñ, hynrei phi long kiba la pyndonburom!

1 KORINTH 6:5

Ka long kaba sngewlehrain ïa phi! Da shisha yn don la kumno kumno u briew uba stad ha ka kynhun jong phi uba lah ban pynbeit ïa ka jingïakajia hapdeng ki parabangeit.

1 KORINTH 8:2

Uno uno uba pyrkhat ba u tip ei ei, ha ka jingshisha um tip kumba u dei ban tip.

2 KORINTH 13:11

Bad mynta, ko parabangeit jong nga, khublei! To ïabeh sha ka jingjanai; to shahshkor ïa ki jingkyrpad jong nga, to don kajuh ka jingmut para ma phi, to ïa-im ha ka jingsuk. Bad U Blei ka jingieit bad ka jingsuk un long ryngkat bad phi.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

PHILIPPI 3:16

La kumno kumno, lada kata ka lah ban long, to ngin ïa-ïaid sha khmat kat kum kijuh ki kyndon kiba ngi la bud haduh mynta.

PHILIPPI 4:2

Nga sngewbha ban kyrpad ïa ka Ïuodia bad ka Suntukhi, ban pyrshang ban ïamynjur kum shi para ha U Trai.

HEBRU 13:5

Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.

1 PETROS 5:3

Wat pyrshang ban leh trai khlieh halor kito ha kiba la ai ïa phi ban sumar, hynrei to long ka nuksa ïa ka kynhun.

3 ÏOANNIS 1:9

Nga la thoh ïa ka shithi kaba lyngkot sha ka balang; hynrei u Diotrephes, uba kwah ban leh kum u nongïalam jong ki, un ym shahshkor ïa kaei kaba nga ong.