Ka Shithi U Paul Sha Ki Nong Rom 12:13 - Khasi CL Bible (BSI)

¹³ To ïasam lem ïa ki jingdon jong phi bad ki parabangeit kiba kyrduh, bad to pdiang sngewbha sha ki ïing jong phi ïa ki nongwei.

KA BAIBL

¹³ ha ki jingkyrduh jong ki riewkhuid kiba ïasam isynei; kiba ïabeh brai ïa ka jingkhot ieit basa.

Ka Shithi U Paul Sha Ki Nong Rom 12:13 ပူးပေါင်းရင်းမြစ်များ

2 SYIEM 4:10

To ngin shna kawei ka kamra halor tnum ïing, ngin buh kawei ka jingthiah, kawei ka miej, kawei ka shuki, bad kawei ka sharak hapoh jong ka, bad u lah ban sah hangta man ba u wan jngoh ïa ngi.”

SALM 41:1

Suk kito kiba sngewlem ïa kiba duk; U Trai un ïarap ïa ki haba ki hap ha ka jingjynjar.

PROBERB 31:20

Ka long kaba sbun ïa kiba duk, bad kiba kyrduh.

MATHAÏOS 25:35

Nga la thngan bad phi la bsa ïa nga, nga la sliang bad phi la ai jingdih ïa nga; nga la long u nongwei bad phi la pdiang sngewbha ïa nga ha ki ïing jong phi,

KI KAM 10:4

U la khmih shaiñ ïa u angel ha ka jingsheptieng bad u la ong, “Ka dei kaei, ko Kynrad?” U angel u la jubab, “U Blei u la sngewbha ïa ki jingduwai jong me bad ïa ki kam leh-isynei jong me, bad u kloi ban jubab ïa me.

KI KAM 4:35

bad ai ïa ka ha ki apostol; bad ïa ka pisa la ïasam ha uwei pa uwei kat kum ka jingdonkam jong u.

Ka Shithi U Paul Sha Ki Nong Rom 12:8

lada ka long ban pynshlur ïa kiwei, ngi dei ban leh kumta. Uno uno uba ïasam bad kiwei u dei ban leh ïa kata da ka jingkylluid mynsiem; uno uno uba don ka iktiar u dei ban trei shitom; uno uno uba pyn-i ka jingsbun ïa kiwei u dei ban leh da kaba kmen.

1 KORINTH 16:15

Phi tip shaphang u Stephanas bad ka longïing jong u; ki long ki Khristan kiba nyngkong eh ha Akhaïa bad ki la aiti ïa lade ïa ka ban shakri ïa ki briew jong U Blei.

2 KORINTH 9:1

Kam da donkam shisha ïa nga ban thoh sha phi shaphang ka jingïarap ïa kaba dang ïai phah sha ki briew jong U Blei ha Judia.

2 KORINTH 9:12

Na ka bynta kane ka jingshakri kaba phi leh ym ba ka pyndap tang ïa ki jingdonkam jong ki briew jong U Blei, hynrei ka pynshlei ruh ïa ka jingainguh ïa U Blei.

GALATIA 6:10

Kumta, katba ngi dang ïohlad bunsien, ngi dei ban lehbha iwei ïa iwei, bad khamtam ïa kito kiba na ka longïing ka jingngeit.

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

TITOS 1:8

U dei ban long uba lehsbun bad uba ieit ïa kaei kaba bha. U dei ban long uba synshar ïa lade, uba beit, u bakhuid, bad uba leh ryntih.

TITOS 3:14

Ki briew jong ngi ki dei ban nang ban pynlut ïa la ka por ha kaba leh babha, khnang ba ki lah ban pyndap ïa ki jingdonkam bashisha; kim dei ban im ka jingim ka bymlarkam.

PHILEMON 1:7

Ka jingieit jong me, ko para ba-ieit, ka la wallam ïa ka jingkmen bakhraw bad jingaimynsiem bajur! Me la pynkmen ïa ki dohnud jong ki briew U Blei baroh.

HEBRU 13:16

Wat klet ban lehbha bad ïarap uwei ïa uwei pat, namar kine ki long ki jingkñia kiba pynsngewbha ïa U Blei.

HEBRU 13:2

Da kynmaw ban pdiang sngewbha ïa ki nongwei ha ki ïing jong phi. Don kiba la leh kumta bad pdiang sngewbha ïa ki angel khlem da tip ïa kata.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

1 PETROS 4:9

To plie kylluid ïa ki ïing jong phi iwei ïa iwei pat khlem jingkhñium.

1 ÏOANNIS 3:17

Lada u briew uba riewspah u ïohi ïa la u parabriew ha ka jingkyrduh, pynban, u khang khyrdep ïa la ka dohnud pyrshah ïa la u parabriew, kumno u lah ban kam ba u ieit ïa U Blei?

3 ÏOANNIS 1:5

Ko paralok ba-ieit jong nga, me long uba ïaineh bha ha ka kam ba me leh na ka bynta ki parabangeit jong me, wat haba ki long ki nongwei.