Ka Shithi U Paul Sha Ki Nong Rom 11:7 - Khasi CL Bible (BSI)

⁷ Kaei pat te ngin ïa-ong? Ki paid Israel kim shym la shem ïa kaei kaba ki ïawad. Ka la long tang ka kynhun kaba rit kaba U Blei u la jied, kaba la shem ïa kata; kiba sah na kita ki la set kyllut ïa ka jingkhot jong U Blei.

KA BAIBL

⁷ Kumno te? Ïa kaba ki Israel ki wad khnang, ïa kata pleng kim shym la shem; hynrei, kata ka jingjied ka la shem keiñ; hynrei, ïa kita kiba sah, la pyneh noh;

Ka Shithi U Paul Sha Ki Nong Rom 11:7 ပူးပေါင်းရင်းမြစ်များ

PROBERB 1:28

Hangta kin sa khot kyrpad ïa ka jingstad, hynrei ngan ym jubab; phin sa wan wad ïa nga kylleng sawdong, hynrei phin ym shem ïa nga.

ISAÏAH 44:18

Kum kita ki briew ki long kiba bieit eh ban tip ïa kaei kaba ki leh. Ki khapbrip ïa la ki khmat bad ïa la ki jingmut na ka jingshisha.

ISAÏAH 6:10

Nangta u ong ïa nga, “Pynbthi ïa ki jingmut jingpyrkhat jong kine ki briew, pynkyllut ïa ki shkor jong ki, bad pynmatlah ïa ki khmat jong ki, ba kumta kin ym lah ban ïohi lane ïohsngew lane sngewthuh. Lada ki leh kumta, ki lah ban phai sha nga bad ïoh jingkhiah.”

MARKOS 6:52

namar kim pat shym la sngewthuh ïa ka jingmut bashisha jong ka jingbsa ïa ki san hajar ngut; ki jingmut jong ki kim lah ban ïohkem ïa kata.

LOUKAS 13:24

U Jisu u la jubab ïa ki, “Leh ïa kaba bha tam ban rung lyngba ka khyrdop kaba khim; namar bun ki briew da kaba thikna kin pyrshang ban phrung lyngba jong ka hynrei kin ym lah.

ÏOANNIS 12:40

“U Blei u la pynmatlah ïa ki khmat jong ki bad u la khang khyrdep ïa ki jingmut jong ki, ba ki khmat jong ki kin ym ïohi, bad ba ki jingmut jong ki kin ym shemphang, bad kin ym phai sha nga, ong U Blei, ïa nga ba ngan pynkhiah ïa ki.”

Ka Shithi U Paul Sha Ki Nong Rom 10:3

Kim shym la tip ïa kata ka lynti kaba U Blei u pynlong ka jingïadei hapdeng ki briew bad ma u hi, bad pynban, ki la pyrshang ban thaw hi da la ka jong ka lynti; bad kumta kim shym la pyndem ïa lade ha ka lynti U Blei ban pynlong ka jingïadei bad ki.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

Ka Shithi U Paul Sha Ki Nong Rom 11:5

Ka long kumjuh mynta: Don khyndiat ngut kiba dang sah na kito kiba U Blei u la jied namar ka jingaiei jong u.

Ka Shithi U Paul Sha Ki Nong Rom 3:9

Haba kumta, hato ma ngi ki Jiw ngi don ha kano kano ka bynta kaba kham bha ban ïa ki Jentil? Ym kumta! Nga la lah pyn-i ba ki Jiw bad ki Jentil ki long kumjuh baroh hapoh ka bor jong ka pop.

Ka Shithi U Paul Sha Ki Nong Rom 6:15

Kaei te ngin ïa-ong? Hato ngin leh pop, namar ngim long hapoh ka hukum hynrei hapoh ka jingaiei U Blei? Ym kumta!

Ka Shithi U Paul Sha Ki Nong Rom 9:18

Kumta te, U Blei u isynei ïa uno uno uba u kwah, bad u pyneh dohnud ïa uno uno uba u kwah.

Ka Shithi U Paul Sha Ki Nong Rom 9:23

Bad u la kwah ruh ban pynpaw ïa ka burom bakhraw jong u, ïa kaba la theh halor jong ngi kiba long ka jingisynei jong u, kito na ngi ïa kiba u la pynkhreh ban ïohpdiang ïa ka burom jong u.

1 KORINTH 10:19

Hato nga thew, te, ba ka bleithaw ne ka jingbam ba la kñia ha ka, ka long ei ei?

2 KORINTH 3:14

Ki jingmut jong ki, da shisha, ki long kiba la set khop; bad haduh kane ka sngi ki jingmut jong ki, ki dang long kiba la tap da kata kajuh ka jingkah haba ki pule ïa ki kitab jong ka jutang barim. Ïa kata ka jingkah, la weng noh tang haba u briew u la pynïasoh ïa lade ha U Khrist.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

EPHESOS 1:4

Wat shuwa ban pynlong ïa ka pyrthei, U Blei u la jied lypa ïa ngi ban long ki jong u ha U Khrist, khnang ba ngin ïoh long kiba khuid bad kiba khlem shah kynnoh pop ha khmat jong u.

EPHESOS 4:18

Kim don bynta ha ka jingim kaba U Blei u ai, naba ki long kiba bieit tasam bad kiba eh dohnud.

PHILIPPI 1:18

Kam lei lei! Nga sngewkmen shaphang kata, katba ïa U Khrist dang ïai ïalap ha ka rukom baroh, la na ki jingthmu bymdei ne badei.

HEBRU 12:17

Hadien kata, phi tip, u la kwah ban ïohpdiang ïa ka jingkyrkhu u kpa jong u, hynrei u la shah kyntait; namar um ïohlad shuh ban pynkylla ïa kaei kaba u la leh, la u la wad ïa ka da ki jingjaw ummat.

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.