Ka Shithi U Paul Sha Ki Nong Rom 11:36 - Khasi CL Bible (BSI)

³⁶ Naba ïa baroh kiei kiei la thaw da u, bad baroh kiei kiei ki long lyngba jong u bad na ka bynta jong u. Ha U Blei, to long ka burom junom! Amen.

KA BAIBL

³⁶ Naba na u, bad da u, bad sha u, long kiei kiei baroh; ha uba to long ka burom sha ki bymjukut! Amen.

Ka Shithi U Paul Sha Ki Nong Rom 11:36 ပူးပေါင်းရင်းမြစ်များ

1 KORINTH 8:6

pynban ha ngi don tang uwei U Blei, U Kpa, uba long u Nongthaw ïa kiei kiei baroh bad uba na ka bynta jong u ngi im; bad don tang uwei U Trai, U Jisu Khrist, da u ba kiei kiei baroh la pynlong bad ha u ba ngi im.

HEBRU 2:10

Ka long kaba dei eh ba U Blei, uba thaw bad pynneh ïa kiei kiei baroh, un pynlong ïa U Jisu uba janai lyngba ka jingshah shitom, khnang ban pynwan ïa kiba bun ki khun ban ïoh bynta ha ka burom jong u. Namar U Jisu u long uta uba ïalam ïa ki sha ka jingpynim.

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

Ka Shithi U Paul Sha Ki Nong Rom 16:27

Ha U Blei uba long tang ma u, uba tang ma u marwei uba stad baroh, to long ka burom lyngba U Jisu Khrist junom! Amen.

JUDAH 1:25

ha U Blei, uba tang ma u hi U Nongpynim jong ngi, da U Jisu Khrist uba U Trai jong ngi, to long ka burom, ka jingkhraw bor, ka jingkhlaiñ, bad ka jingsynshar, na ki rta ba la leit noh baroh, bad mynta, bad sha ki bymjukut bad bymjukut! Amen.

KI KAM 17:28

kumba don uba la ong, “ ‘Ha u ngi im, ngi khih bad ngi long.’ ” Ka long kumba katto katne na ki myllung jong phi kiba la ong, “ ‘Ngi ruh ngi long ki khun jong u.’

JINGPYNPAW 21:6

Bad u la ong, “La pyndep! Nga long uba nyngkong bad uba khatduh, uba sdang bad uba kut. Ha uno uno uba sliang ngan ai ïa ka hok ban dih na ka umpohliew jong ka um ka jingim khlem da siewdor ïa ka.

SALM 115:1

Tang sha me hi, A Trai, tang sha me hi! bad ym sha ngi, ba dei ban ai ïa ka burom namar ka jingieit baneh bad ka jingïaineh jong me.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.

2 TIMOTHI 4:18

Bad U Trai un pyllait im ïa nga na ka jingmynsaw baroh bad un ri pynim bad ïalam ïa nga sha ka hima jong u ha bneng.

PROBERB 16:4

Baroh kiei kiei kiba U Trai u la thaw ki don la ki jingkut; bad ka jingkut jong u bymman ka long ka jingjot.

SALM 33:6

U Trai u thaw ïa ki bneng da ka hukum jong u, ïa ka sngi, u bnai bad ki khlur da ka sur kren jong u.

1 KORINTH 11:12

Naba kumba ïa ka briew la thaw na u briew, kumta ruh ïa u briew la kha na ka briew; bad dei U Blei uba pynlong ïa kiei kiei baroh.

1 PETROS 5:11

Ha u to ai ba kan long ka bor junom! Amen.

PHILIPPI 4:20

Ha U Blei bad U Kpa jong ngi, long ka burom junom la junom! Amen.

EPHESOS 3:21

ha U Blei to long ka burom ha ka balang bad ha U Khrist Jisu na ka bynta ki por baroh, junom la junom! Amen.

GALATIA 1:5

Ha U Blei long ka burom junom la junom! Amen.

JINGPYNPAW 19:1

Hadien kane, nga la ïohsngew ïa kaei kaba sawa kum ka jingkyrhuh jong ki paidbah babun ha bneng, da kaba ong, “To ïaroh ïa U Blei! Ka Jingpynim, ka burom, bad ka bor ki long ki jong U Blei jong ngi!

JINGPYNPAW 7:10

Ki la pyrta ha ka sur kaba jam: “Ka jingpynim ka wan na U Blei jong ngi, uba shong halor ka khet, bad na uta u Khunlangbrot!”

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.

LOUKAS 19:38

“U Blei u kyrkhu ïa u syiem uba wan ha ka kyrteng jong U Trai! Ka jingsuk ha ki bneng bad ka burom ïa U Blei!”

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

ISAÏAH 42:12

Ai ba kito kiba shong ha ki ri bajngai kin ai ka jingïaroh bad ka burom ïa U Trai.

1 TIMOTHI 6:16

Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.

LOUKAS 2:14

“Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

DANIEL 4:3

“Katno kiba khraw ki long ki jingphylla jong U Blei kiba u pyn-i ha ngi! Katno kiba khrawbor ki long ki kambah kiba u leh! U Blei u long u syiem junom; un synshar ha ki por baroh.

JINGPYNPAW 7:12

Te ki la dem ngon ha khmat kata ka khet bad ki la mane ïa U Blei, ki da ong, “Amen! Ka jingïaroh, ka burom, ka jingstad, ka jingainguh, ka jingpyndonburom, ka bor, bad ka jingkhlaiñ ki long jong U Blei jong ngi junom la junom! Amen!”