Ka Shithi U Paul Sha Ki Nong Rom 11:25 - Khasi CL Bible (BSI)

²⁵ Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

KA BAIBL

²⁵ Namar ngam mon ïa phi ban ym tip, ko parabangeit, shaphang kane ka jingmaïan, ïoh phi long kiba tharai stad ïa lade, ba ka jingeh ka la jia long ïa shiteng shiliang na ki Israel, tad ynda ba kata ka jingdap jong ki Jentil kan da ïoh wan hapoh.

Ka Shithi U Paul Sha Ki Nong Rom 11:25 ပူးပေါင်းရင်းမြစ်များ

SALM 107:43

To ai ba kito kiba stad kin pyrkhat shaphang kine kiei kiei; to kin pyrkhat shaphang ka jingieit baneh U Trai.

SALM 127:1

Lada U Trai um tei ïa ka ïing, ka jingtrei ki nongtei ka long lehnoh-ei; lada U Trai um ïada ïa ka nongbah, ka long lehnoh-ei ïa ki nongap ban ap phira.

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

PROBERB 26:12

U briew uba bieit mutlop tam u kham bha ban ïa uno uno uba pyrkhat ba u long uba stad haba um long kumta.

PROBERB 26:16

U briew uba alhia u pyrkhat ba u kham stad ban ïa hynñiew ngut ki briew kiba lah ban ai ki nia kiba bha na ka bynta ka jingmut jong ki.

ISAÏAH 5:21

Phi long ba la tim! Phi pyrkhat phi long uba stad, kumta kiba shalak shibun.

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

ÏOANNIS 10:16

Don kiwei pat ki langbrot ki bym dei na kane ka sem langbrot. Nga dei ban wallam ïa ki ruh; kin shahshkor ïa ka sur jong nga, bad kin ïalong kawei ka kynhun langbrot bad uwei u nongaplangbrot.

Ka Shithi U Paul Sha Ki Nong Rom 1:13

Phi dei ban kynmaw, ko ki parabangeit jong nga, ba bunsien nga la thmu ban wan jngoh ïa phi, hynrei don kaei kaei kaba la ju khang ïa nga borabor na kaba leh kumta. Nga kwah ban jop ïa ki mynsiem napdeng jong phi ruh, kumba nga la ju leh hapdeng kiwei ki Jentil.

Ka Shithi U Paul Sha Ki Nong Rom 11:12

Ka pop jong ki Jiw ka la wallam ki jingkyrkhu ba-dap kyrhai ha ka pyrthei, bad ka jingduk ba kynja mynsiem jong ki ka la wallam ki jingkyrkhu ba-dap kyrhai ïa ki Jentil. Te, haduh katno ki jingkyrkhu ba kham khraw kin long haba ïa baroh ki Jiw yn kynthup lang!

Ka Shithi U Paul Sha Ki Nong Rom 11:24

Ma phi ki Jentil phi long kum ka tnat jong u dieng Olib khlaw ïa uba la pynkheiñ bad nangta, pyrshah ïa ka jinglong tynrai, la pynïasoh bad u dieng Olib ba la thung. Ki Jiw ki long kum une u dieng uba la thung; bad kan long kaba kham suk ïa U Blei ban pynïasoh biang ïa kine ki tnat ba la pynkheiñ sha ki dieng jong ki hi.

Ka Shithi U Paul Sha Ki Nong Rom 12:16

To don ïa kajuh ka jingsngewkhia ïa baroh. To wat long kiba sarong, hynrei to pdiang ïa ki kam kiba kham hapoh. To wat pyrkhat ïa lade kum kiba stad.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

Ka Shithi U Paul Sha Ki Nong Rom 9:18

Kumta te, U Blei u isynei ïa uno uno uba u kwah, bad u pyneh dohnud ïa uno uno uba u kwah.

1 KORINTH 10:1

Nga kwah ïa phi ban kynmaw, ko parabangeit jong nga, ïa kaei kaba la jia ïa ki kpa tymmen jong ngi kiba la bud ïa u Moses. Baroh ki la don hapoh ka jingïada jong u lyoh, bad baroh ki la ïaid lyngba ïa ka Duriaw Basaw.

1 KORINTH 12:1

Mynta, ha kaba ïadei bad kaei kaba phi la thoh shaphang ki jingai na U Mynsiem Bakhuid. Nga kwah ba phin tip ïa ka jingshisha shaphang jong ki, ko parabangeit jong nga.

1 KORINTH 2:7

Ka jingstad kaba nga pynbna ka long ka jingstad barieh jong U Blei, ïa kaba la buhrieh na u bynriew, hynrei, ïa kaba u la jied lypa na ka bynta ka burom jong ngi wat ha shuwa ba yn pynlong ïa ka pyrthei.

1 KORINTH 4:1

Phi dei ban pyrkhat ïa ngi kum ki shakri U Khrist, ïa kiba la buh ban sumar ïa ki jingshisha barieh jong U Blei.

EPHESOS 1:9

U Blei u la leh ïa kata ha ka jingstad bad jingïohi jong u baroh ïa kaei kaba u la thmu, bad u la pynpaw shynna ha ngi ïa ka jingthmu ba la buhrieh ïa kaba u la lah thmu lypa ban pyndep da U Khrist.

EPHESOS 3:9

U Blei uba long u Nongthaw ïa kiei kiei baroh, u la buhrieh ïa ka jingmaïan ha ki pateng baroh kiba mynshuwa,

EPHESOS 4:18

Kim don bynta ha ka jingim kaba U Blei u ai, naba ki long kiba bieit tasam bad kiba eh dohnud.

2 PETROS 3:8

Hynrei to wat klet ïa kane kawei, ko paralok ba-ieit jong nga! Kam don ka jingïapher ha khmat U Trai hapdeng ka shi sngi bad ka shihajar snem; ha u, baroh ar ki long kumjuh.

JINGPYNPAW 1:20

Kane ka dei ka jingmut barieh jong ki hynñiew tylli ki khlur kiba me ïohi ha ka kti kamon jong nga, bad ki hynñiew tylli ki diengpynïeng sharak ksiar: Ki hynñiew tylli ki khlur ki long ki angel jong ki hynñiew tylli ki balang, bad ki hynñiew tylli ki diengpynïeng sharak ki long ki hynñiew tylli ki balang.

JINGPYNPAW 10:7

Hynrei haba u angel uba hynñiew u put ïa la ka turoi, te U Blei un pyndep ïa ka jingthmu barieh jong u, kumba u la pynbna ha la ki shakri, ki nongïathuhlypa.”

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 7:9

Hadien kane nga la khmih, bad la don u paidbah byllien — ym don mano mano ba lah ban ñiew ïa kita ki briew baroh! Ki la long na man ki kynja bynriew, ki jaitbynriew, ki hima, bad ki jait ktien, bad ki la ïeng ha khmat ka khet bad ha khmat uta U Khunlangbrot, kiba la riam ha ki jaiñ balieh bad ki bat ïa ki tnat dieng Tlai ha la ki kti.