Ka Shithi U Paul Sha Ki Nong Rom 11:22 - Khasi CL Bible (BSI)

²² Hangne ngi ïohi katno U Blei u long uba sbun bad katno u long uba eh. U long uba eh ïa kito kiba la kyllon, hynrei uba sbun ïa phi — lada phi ïaineh ha ka jingsbun jong u. Hynrei lada phim leh kumta, ma phi ruh phin sa shah pynkheiñ.

KA BAIBL

²² Ha khmih te ïa ka jingsbun bad ïa ka jinglehhok ki jong U Blei; sha kita kiba la hap noh, shisha ka jinglehhok; hynrei, sha me, ka jingsbun U Blei, lada men ïaineh ha kata ka jingsbun jong u; lymda kumta, ïa me ruh yn ot noh keiñ.

Ka Shithi U Paul Sha Ki Nong Rom 11:22 ပူးပေါင်းရင်းမြစ်များ

SALM 31:19

Katno ki long kiba phylla kiei kiei kiba bha ba me sumar ïa kito kiba pyndonburom ïa me! Baroh ki tip katno me long uba bha, katno skhem ka jingïada jong me ïa kito kiba shaniah ha me.

ISAÏAH 66:14

Haba phi ïohi ïa kane ba ka jia, phin sa shadkmen; kan pynlong ïa phi ban long khlaiñ bad khiah krat. Te phin sa tip ba ma nga, U Trai, nga ïarap ïa kito kiba kohnguh ïa nga, bad nga pyn-i ïa la ka jingbitar pyrshah ïa ki nongshun jong nga.”

ESEKIEL 18:24

“Hynrei lad u briew uba hok u sangeh ban lehbha bad sdang ban leh ïa kaba sniew baroh, ïa kiei kiei kiba ijli kiba ki briew kiba sniew ki leh, hato un ïai im? Em, yn ym kynmaw ïa kano kano kaba bha kaba u la leh. Un ïap namar ka jingbymïaineh jong u bad ki pop jong u.

ESEKIEL 3:20

“Lada u briew uba da bha shisha u sdang leh ïa ka kam sniew bad nga buh ïa u ha kaba shong syier, un sa ïap, lada mem shym maham ïa u. Un sa ïap namar ki pop jong u — ngan ym kynmaw ïa ki kam babha ba u la leh — bad ngan pynkitkhlieh ha me namar ka jingïap jong u.

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

ÏOANNIS 8:31

Kumta U Jisu u la ong ha kito kiba la ngeit ha u, “Lada phi kohnguh ïa ka jinghikai jong nga, phi long da shisha ki synran jong nga;

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

Ka Shithi U Paul Sha Ki Nong Rom 11:21

U Blei um shym la pyllait ïa ki Jiw, kiba long kum ki tnat tynrai; hato phi pyrkhat un pyllait ïa phi?

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

1 KORINTH 15:2

Kata ka long ka gospel, ka khubor kaba nga la ïalap ha phi. Ïa phi la pynim da ka gospel lada phi batskhem ïa ka — lymda phi la ngeit lehnoh-ei.

GALATIA 6:9

Kumta to ai ba ngin ym man thait ha kaba lehbha; namar lada ngim duh bor noh, ka por kan poi ha kaba ngin lum ïa ka jingot.

1 THESSALONI 3:5

Dei kata keiñ balei ba nga la phah ïa u Timothi. Ngam lah shah shuh, kumta nga la phah ïa u ban tip shaphang ka jingngeit jong phi. Da shisha kam lah ban long ba u Ksuid u la pynshoi ïa phi bad ba ka kam jong ngi baroh ka la long kaba lehnoh-ei!

1 THESSALONI 3:8

namar mynta ngi im shisha lada phi ïeng skhem ha ka jingim jong phi ha U Trai.

HEBRU 10:23

To ngin batskhem da ka jingkyrmen ïa kaba ngi ïaphla, namar ngi lah ban shaniah ba U Blei u bat ïa la ka kular.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

JINGPYNPAW 2:5

Pyrkhat katno jngai pha la hap! Phai noh na ki pop jong pha bad leh ïa kaei kaba pha la leh ha kaba mynnyngkong. Lada pham phai noh na ki pop jong pha, ngan wan sha pha bad ngan shim noh ïa u diengpynïeng sharak na ka jaka jong u.