Ka Shithi U Paul Sha Ki Nong Rom 11:20 - Khasi CL Bible (BSI)

²⁰ Kata ka long kaba shisha. Ïa ki la pynkheiñ noh namar kim shym la ngeit, katba phi sah ha la ka jaka namar ba phi ngeit. Hynrei wat sngewsarong na ka bynta kata; pynban, to sheptieng.

KA BAIBL

²⁰ Ñiuma; hynrei, la pynkheiñ noh ïa ki, da ka jingbymngeit, bad me ruh me ïai-ïeng da ka jingngeit. Me wat sngewmeng, hynrei, to sheptieng;

Ka Shithi U Paul Sha Ki Nong Rom 11:20 ပူးပေါင်းရင်းမြစ်များ

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

SALM 138:6

Wat la me long hajrong eh, me sumar ïa kiba rangli, bad kiba sarong kim lah ban rieh na me.

PROBERB 28:14

Kohnguh borabor ïa U Trai bad phin long kiba suk. Lada phi long kiba eh dohnud, phin hap ha ka jingjot.

PROBERB 28:26

Ka long ka jingbieit ban bud ïa la ki jong ki jingsngewthuh. To long shngain, bad bud ïa ki jinghikai jong ki briew kiba kham stad.

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

ISAÏAH 2:17

Ïa ka jingsarong ba kynja briew yn pynkut bad ïa ka jinglehmeng ki briew yn pynjot. Ki bleithaw kin jah noh plain, bad tang ïa U Trai yn kyntiew burom ha kata ka sngi.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

ISAÏAH 7:9

Ka Israel kam long kaba kham khlaiñ ban ïa ka Samaria, ka nongbah jong ka, bad ka Samaria kam long kaba kham khlaiñ ban ïa u Syiem Pekah. “Lada ka jingngeit jong phi kam long kaba ïaineh, phin ym ïaineh.”

HABAKKUK 2:4

Bad kane ka dei ka khubor: ‘Kito kiba bymman kin ym lait im, hynrei kito kiba hok kin im namar ki long kiba ïaineh ha U Blei.’”

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

KI KAM 18:6

Haba ki la ïa-pyrshah ïa u bad ki la ong kiei kiei kiba sniew shaphang jong u, u la pynpaw ïa ka jingsngew pyrshah da kaba kynther ïa u pui pui na ki jaiñ jong u bad ong ha ki, “Lada phi long kiba la jah noh, phi hi da lade phi dei ban shim ka jingkitkhlieh na ka bynta jong ka! Ngam don jingkitkhlieh. Naduh mynta ngan leit sha ki Jentil.”

Ka Shithi U Paul Sha Ki Nong Rom 11:18

Kumta te, phim dei ban ñiewbeiñ ïa kito kiba la pynkheiñ noh kum ki tnat. Kumno phi lah ban sngewsarong? Phi long tang ka tnat; phim kyrshan ïa ki thied — ki thied ki kyrshan ïa phi.

Ka Shithi U Paul Sha Ki Nong Rom 11:21

U Blei um shym la pyllait ïa ki Jiw, kiba long kum ki tnat tynrai; hato phi pyrkhat un pyllait ïa phi?

Ka Shithi U Paul Sha Ki Nong Rom 12:16

To don ïa kajuh ka jingsngewkhia ïa baroh. To wat long kiba sarong, hynrei to pdiang ïa ki kam kiba kham hapoh. To wat pyrkhat ïa lade kum kiba stad.

Ka Shithi U Paul Sha Ki Nong Rom 12:3

Bad namar ka jingaiei U Blei ïa nga, nga ong ïa uwei pa uwei na phi: To wat ñiewkor palat than ïa lade ban ïa kaba phi dei ban leh. Pynban, to long adkar ha ki jingmut jingpyrkhat jong phi, bad to bishar ïa lade kat kum ka jingngeit kaba U Blei u la ai ha phi.

Ka Shithi U Paul Sha Ki Nong Rom 3:3

Hynrei kumno lada katto katne na ki kim long kiba ïaineh? Hato kane ka mut ba U Blei un ym long uba ïaineh?

1 KORINTH 10:12

Kito kiba pyrkhat ba ki ïeng skhem, kan kham bha ba ki sumar ba ïoh ki kyllon.

1 KORINTH 15:1

Bad mynta nga kwah ban pynkynmaw ïa phi, ko parabangeit jong nga, ïa ka Khubor Babha kaba nga la ïalap ha phi, ïa kaba phi la pdiang, bad ha kaba ka jingngeit jong phi ka ïeng skhem.

1 KORINTH 16:13

To sharai, to ïeng skhem ha ka jingngeit, to long shlur, to long kiba khlaiñ.

2 KORINTH 1:24

Ngim shym pyrshang ban pynbor ïa kaei kaba phi dei ban ngeit; ngi tip ba phi ïeng skhem ha ka jingngeit. Pynban, ngi ïatrei lem bad phi na ka bynta ka jingkmen jong phi hi.

2 KORINTH 10:5

Ngi pynïap nia ïa ki jingïatainia ba-thala; ngi pynduh ïa ka jingpynwit basngewmeng baroh ba la pynïeng pyrshah ïa kata ka jingtip U Blei; ngi shim ïa ka jingpyrkhat baroh bad pynkohnguh ïa ka ha U Khrist.

PHILIPPI 2:12

Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi,

KOLOSSAI 2:7

Pynngam jylliew ïa ki nongrim jong phi ha u, to tei ïa ka jingim jong phi halor jong u, bad to nang kham khlaiñ ha ka jingngeit jong phi, kumba la hikai ïa phi. Bad to long kiba la pyndap da ka jingainguh.

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

HEBRU 3:19

Kumta ngi ïohi ba kim shym la lah ban leit rung shapoh kata ka ri, namar kim shym la ngeit.

HEBRU 4:11

Te, to ngin ïaleh shitom ban ïohpdiang ïa kata ka jingjahthait, kumta ba yn ym don uwei ruh na ngi u ban duh noh kum ma ki namar ba kim don ka jingngeit.

HEBRU 4:6

Kito kiba la ïohsngew nyngkong ïa ka Khubor Babha kim shym ïohpdiang ïa kata ka jingjahthait, namar ba kim shym la ngeit. Ki don, te, kiwei pat ïa kiba la shah ban ïohpdiang ïa ka.

JAKOB 2:19

Hato phi ngeit ba don tang uwei U Blei? Kata ka bha! Ki ksuid ruh ki ngeit — bad ki kyiuh da ka jingsheptieng!

JAKOB 4:6

Hynrei ka jingaiei kaba U Blei u ai ka long kaba kham khlaiñ shuh shuh. Kumba ka Jingthoh Bakhuid ka ong, “U Blei u pyrshah ïa kiba sarong, hynrei u ai ïa ka jingaiei ha kiba sngewrit.”

1 PETROS 1:17

Phi khot ïa u, U Kpa, haba phi duwai ha U Blei, uba bishar ïa ki briew baroh da kajuh ka jingthew, katba kum kaei kaba uwei pa uwei u la leh; kumta te, to pynlut ïa kaba sah ka jingim jong phi hangne ha ka pyrthei ha ka jingtiengburom ïa U.

1 PETROS 5:12

Nga thoh ha phi ïa kane ka shithi kaba lyngkot da ka jingïarap u Silas, ïa uba nga ñiew kum u para Khristan baïaineh. Nga kwah ban pynshlur ïa phi bad ban ai ïa ka jingphla jong nga ba kane ka dei ka jingaiei bashisha jong U Blei. To ïeng skhem ha ka.

1 PETROS 5:9

To long kiba skhem ha ka jingngeit jong phi bad to ïaleh pyrshah ïa u, namar phi tip ba ki parabangeit jong phi ha ka pyrthei baroh ki ïaid lyngba ïa kajuh ka rukom shahshitom.

JINGPYNPAW 18:7

To ai ha ka, katta ka jingshitom bad ka jingsngewsih kat ka burom bad ka jingpahuh kaba ka la ai ïa lade. Naba ka ïai-ong ïa lade: ‘Hangne nga shong, ka syiem! Ngam long ka riewkynthei, ngan ym tip ïa ka jingsngewsih!’

JINGPYNPAW 3:17

Pha ong, ‘Nga long kaba riewspah bad kaba dap babiang; nga don baroh kaba nga donkam.’ Hynrei pham tip haduh katno pha long kaba lanot bad kaba isynei ban khmih! Pha long kaba duk, kaba lyngkhuit, bad kaba matlah.