Ka Shithi U Paul Sha Ki Nong Rom 11:17 - Khasi CL Bible (BSI)

¹⁷ Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

KA BAIBL

¹⁷ Hynrei, lada la pynkheiñ noh ïa kiba na kita ki tnat, bad la pynïadait ïa me uba long u tnat Olib khlaw hapdeng jong ki, bad la pynlong ïa me u nongïaïoh lem na u tynrai bad na ka khleiñ ka jong uta u dieng Olib;

Ka Shithi U Paul Sha Ki Nong Rom 11:17 ပူးပေါင်းရင်းမြစ်များ

SALM 52:8

Hynrei nga long kum u dieng Olib uba san ha ka ïing U Blei; nga shaniah ha ka jingieit baneh jong u junom la junom.

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 6:13

Wat lada uwei u briew na ki shiphew ngut u sah ha ka ri, ïa u ruh yn pynjot, un long kum u dyngkhong jong u dieng Sning uba la khet.” (U dyngkhong u ïeng na ka bynta ka jingsdang bathymmai ïa ki briew jong U Blei.)

JEREMAÏAH 11:16

Shisien nga la khot ïa ki, u dieng Olib babun sla, uba dap da ki soh ba-itynnat; hynrei mynta, da ka jingkyrhuh kum u pyrthat ngan thang ïa ki sla jong u ha ka ding bad pynkheiñ ïa ki tnat jong u.

JONAH 1:16

Kane ka la pynlong ïa ki maji ban sheptieng ïa U Trai ha kaba ki la ai ka jingkñia bad kular ban shakri ïa u.

SEKHARAÏAH 4:3

Don ar tylli ki dieng Olib hajan u diengpynïeng sharak, uwei ha kawei kawei ka liang jong u.”

MATHAÏOS 21:43

“Bad kumta nga ong ha phi,” U Jisu u la bynrap, “ïa ka Hima U Blei yn shim noh na phi bad yn ai ha ki briew ki ban pynmih ki soh kiba dei.”

ÏOANNIS 15:1

“Nga, nga long u dieng sohwaiñ bashisha, bad U Kpa jong nga u long u nongsumar brisoh.

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

ÏOANNIS 15:6

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

KI KAM 2:39

Naba ïa ka jingkular jong U Blei la pynlong ha phi bad ha ki khun jong phi, bad ha baroh kiba sha jngai — baroh kiba U Trai U Blei jong ngi u khot sha lade.”

Ka Shithi U Paul Sha Ki Nong Rom 11:24

Ma phi ki Jentil phi long kum ka tnat jong u dieng Olib khlaw ïa uba la pynkheiñ bad nangta, pyrshah ïa ka jinglong tynrai, la pynïasoh bad u dieng Olib ba la thung. Ki Jiw ki long kum une u dieng uba la thung; bad kan long kaba kham suk ïa U Blei ban pynïasoh biang ïa kine ki tnat ba la pynkheiñ sha ki dieng jong ki hi.

GALATIA 2:15

Ha ka jingshisha, la kha ïa ngi kum ki Jiw bad ym kum “ki Jentil bapop” kumba la khot ïa ki.

EPHESOS 3:6

Ka jingmaïan ka long kata kaba da ka lynti ka gospel, ki Jentil ki ïoh bynta lem bad ki Jiw ïa ki jingkyrkhu U Blei; ki long ki dkhot jong kajuh ka met bad ki ïoh bynta ïa ka jingkular kaba U Blei u la pynlong lyngba U Khrist Jisu.

DEUTERONOMI 8:8

ka ri kaba pynmih ïa u kew bad u barli, u dieng sohwaiñ bad u diengsoh Dumbur, u diengsoh Pomkranet bad u diengsoh Olib, bad ka ngap.

KOLOSSAI 2:13

Phi la long ha kawei ka por kiba la ïap ha kaba kynja mynsiem namar ki pop jong phi bad namar ba phi la long ki Jentil kiba khlem ka Hukum. Hynrei U Blei mynta u la wallam ïa phi sha ka jingim bad U Khrist.

JINGPYNPAW 11:4

Ki ar ngut ki sakhi ki long ki ar tylli ki dieng Olib bad ki ar tylli ki diengpynïeng sharak kiba ïeng ha khmat U Trai jong ka pyrthei.