Ka Shithi U Paul Sha Ki Nong Rom 11:16 - Khasi CL Bible (BSI)

¹⁶ Lada ïa u kpu banyngkong la ai sha U Blei, te u kpu baroh uwei ruh u long u jong u; bad lada ïa ki thied jong u dieng la ai ha U Blei, ki tnat ruh ki long ki jong U.

KA BAIBL

¹⁶ Bad lada u soh nyngkong u long u bakyntang, kumjuh ruh, ka long kata ka shi lynglun; bad lada u tynrai u long u bakyntang, kumjuh ruh, kin long ki tnat.

Ka Shithi U Paul Sha Ki Nong Rom 11:16 ပူးပေါင်းရင်းမြစ်များ

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

EKSODOS 22:29

“Ai ha nga ïa ki jingainguh na u kew jong phi, na ka waiñ jong phi, bad na ka umphniang Olib jong phi, ha ka por kaba biang. “Ai ha nga ïa kiba la kha nyngkong na ki khun shynrang jong phi.

EKSODOS 23:16

“Rakhe ïa ka Jingkhawai Niam Ka Jingot haba phi sdang ban ot. “Rakhe ïa ka Jingkhawai Niam Ki Ïingtrep ha ka por synrai, haba phi kheit ïa u soh na ki brisoh jong phi.

EKSODOS 23:19

“Wallam man ka snem sha ka ïing U Trai U Blei jong phi ïa u soh nyngkong uba phi ot. “Wat shet ïa u khunblang ne khunlangbrot ha ka dud ka kmie jong u.

PROBERB 3:9

To burom ïa U Trai da kaba ai ha u ka jingainguh da kiei kiei kiba bha tam ba ka lyngkha jong phi ka pynmih.

JEREMAÏAH 2:21

Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

ESEKIEL 44:30

Ki lyngdoh kin ïoh ïa kaba bha tam na ki soh nyngkong jong ka jingot bad na baroh kiei kiei kiwei ïa kiba la ainguh ha nga. Man ka por ba ki briew ki shet kpu, kin ai sha ki lyngdoh ïa u kpu banyngkong kum ka jingainguh, bad ki jingkyrkhu jong nga kin neh ha ki ïing ki sem jong ki.

LEBITIKOS 23:10

Ong ha ki Israel, “Ynda phi poi ha kata ka ri ba nga ai ha phi, bad haba phi ot ïa u kew, leit rah ïa ka song kaba nyngkong sha u lyngdoh.

Ka Shithi U Paul Sha Ki Nong Rom 11:17

Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

Ka Shithi U Paul Sha Ki Nong Rom 8:23

Hynrei ym dei tang ki jingthaw kiba ud; ma ngi ruh kiba don ïa U Mynsiem kum ki jingai banyngkong jong U Blei, ngi ïa-ud hapoh lade hi, katba ngi dang ap ïa U Blei ba un pynlong ïa ngi ki khun jong u bad ban pyllaitluid phar ïa ngi.

1 KORINTH 7:14

Naba ïa u tnga u bymngeit la pynlong uba la pdiang ha U Blei da kaba pynïasoh ha ka tnga jong u, bad ïa ka tnga ka bymngeit la pynlong kaba la pdiang ha U Blei da kaba pynïasoh ha la u tnga uba ngeit. Lada kane kam long kumta, ki khun jong ki kin long kum ki khun jong ki bymngeit; hynrei kumba ka long, la pynlong ïa ki kiba la pdiang da U Blei.

DEUTERONOMI 18:4

Ki dei ban ïohpdiang ïa ki soh nyngkong na u kew, ka waiñ, ka umphniang Olib, bad u 'saiwul jong phi.

DEUTERONOMI 26:10

Kumta nga wallam mynta sha U Trai ïa u soh nyngkong na ka jingot ba u la ai ha nga.’ “Nangta buh ïa ka shang ha ka jingdon ryngkat U Trai bad mane hangta.

JAKOB 1:18

Da ka mon sngewbha jong u hi u la wallam ïa ngi sha ka jingim lyngba ka ktien jong ka jingshisha, khnang ba ngi dei ban ïoh ïa ka jaka kaba nyngkong hapdeng ki jingthaw baroh.

JINGPYNPAW 14:4

Ki long ki rangbah kiba la ri khuid ïa lade khlem ïathiah shongkha bad ki kynthei; ki long ki rangsotti. Ki bud ïa U Khunlangbrot kat shaba u leit. La siewspah ïa ki napdeng u khunbynriew bad ki long kiba nyngkong ïa kiba la ainguh ha U Blei bad ha u Khunlangbrot.