Ka Shithi U Paul Sha Ki Nong Rom 10:2 - Khasi CL Bible (BSI)

² Nga lah ban ong skhem ïa phi ba ki long kiba ieit ïa U Blei naduh ka dohnud; hynrei ïa ka jingieit jong ki ïa U Blei, ym shym la pynshong nongrim ha ka jingtip bashisha.

KA BAIBL

² Namar nga phla shaphang jong ki, ba ki don ka jingsngew-shitrhem na ka bynta U Blei, hynrei, ym katba kum ka jingtip.

Ka Shithi U Paul Sha Ki Nong Rom 10:2 ပူးပေါင်းရင်းမြစ်များ

2 SYIEM 10:16

da kaba ong, “Wan bad nga bad khmih da lade haduh katno nga long uba la aiti ha U Trai.” Bad ki la ïashong lang haduh Samaria.

SALM 14:4

“Hato kim tip?” U Trai u kylli. “Hato kine ki nongleh kam sniew kim tip ei ei? Ki im da kaba lute ïa ki briew jong nga, bad kim ju duwai sha nga.”

PROBERB 19:2

Ka jingshitrhem khlem ka jingtip kam long kaba bha; ka jingbymïaishah kan pynïoh ha phi ïa ka jingjynjar.

ISAÏAH 27:1

Ha kata ka sngi U Trai un pyndonkam ïa ka waitlam badonbor bad bashyrkhei jong u ban pynshitom ïa u Lebiathan, uta u Ïakjakor uba khih bad uba khyrwait, bad ban pynïap ïa uta u mrad kynsha uba im ha ka duriaw.

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

KI KAM 21:20

Hadien ba la ïohsngew ïa u, ki baroh ki la ïaroh ïa U Blei. Nangta ki la ong, “Ko Paul, phi lah ban ïohi katno hajar ngut ki Jiw ki la kylla long ki parabangeit, bad katno ma ki baroh ki bat pyrkhing ïa ka Hukum.

KI KAM 21:28

“Ko ki rangbah Israel!” ki la pyrta. “To ïarap! Dei une u briew uba leit kylleng kylleng da kaba hikai ïa uwei pa uwei pyrshah ïa ki paid Israel, ïa ka Hukum u Moses, bad ïa kane ka Templ. Bad mynta u la wan ïalam wat katto katne ngut ki Jentil shapoh ka Templ bad pyntngit ïa kane ka jaka bakhuid!”

KI KAM 22:22

Ki paidbah ki la pynshahshkor ïa u Paul haduh ba un da dep kren; hynrei pynban ki la sdang ban kyang jam eh, “Pynduh ïa u! Pynïap ïa u! Um long uba bit ban im!”

KI KAM 22:3

“Nga long u Jiw, ïa uba la kha ha Tarsos ha Kilikia, hynrei ïa uba la pynheh pynsan hangne ha Jerusalem kum u shah hikai jong u Gamaliel. Nga la ïohpdiang ïa ka jinghikai bapyrkhing ha ka Hukum jong ki kpa tymmen jong ngi, bad nga la long uba la pynkyntang sha U Blei kumba long ma phi baroh hangne ha kane ka sngi.

Ka Shithi U Paul Sha Ki Nong Rom 10:1

Ko ki parabangeit jong nga, katno nga kwah da ka dohnud jong nga baroh ba ki briew jong nga hi kin long ïa kiba la pynim! Katno nga duwai ïa U Blei na ka bynta jong ki!

Ka Shithi U Paul Sha Ki Nong Rom 10:3

Kim shym la tip ïa kata ka lynti kaba U Blei u pynlong ka jingïadei hapdeng ki briew bad ma u hi, bad pynban, ki la pyrshang ban thaw hi da la ka jong ka lynti; bad kumta kim shym la pyndem ïa lade ha ka lynti U Blei ban pynlong ka jingïadei bad ki.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

2 KORINTH 8:3

Nga lah ban pynthikna ïa phi ba ki la ai katba ki lah, bad wat palat ban ïa kaba ki lah.

GALATIA 1:14

Nga la long uba ha khmat tam ïa kiba bun ki para Jiw kiba ïaryngkat rta bad nga ha kaba bud pyrkhing ïa ka niam Jiw, bad nga la kham pynleit jingmut shibun ha ki rukom pateng jong ki kpa tymmen jong ngi.

GALATIA 4:15

Phi la long kiba kmen eh! kaei kaba la jia? Nga hi nga lah ban ong ba phin da la khlaw noh ïa la ki jong ki khmat, lada phi lah, bad ban ai noh ïa ki ha nga.

PHILIPPI 1:9

Nga duwai ba ka jingieit jong phi kan nang ïoh roi kyrhai shuh shuh, ryngkat bad ka jingtip bashisha bad ka jingbishar bajanai; khnang ba phi lah ban jied ïa kaei kaba bha tam.

PHILIPPI 3:6

Lada u briew u lah ban long uba hok da kaba kohnguh ïa ki jingong ka hukum, nga long uba khlem jingrem.

KOLOSSAI 4:13

Nga lah ban sakhi da lade hi ïa ka jingtrei shitom jong u na ka bynta jong phi bad na ka bynta ki briew kiba ha Laodikaïa bad ha Hierapolis.