Ka Shithi U Paul Sha Ki Nong Rom 10:19 - Khasi CL Bible (BSI)

¹⁹ Ngan kylli biang: Hato ki paid Israel kim shym la sngewthuh? U Moses hi u long uba nyngkong ban jubab: “Ngan pyndonkam ïa kata ka jaitbynriew ban pynlong ïa ki briew jong nga ban bishni; bad da kaba pyndonkam ïa ka jaitbynriew jong ki bieit ngan pynlong ïa ki briew jong nga ban bitar.”

KA BAIBL

¹⁹ Hynrei, nga ong, “Ki Israel kim shym la tip?” Nyngkong u Moses u ong: “Ngan pynsngewskuiñ ïa phi da kata ka bymlong ka kynja bynriew, bad da ka kynja bynriew bakhlem sngewthuh ngan pynbitar ïa phi.”

Ka Shithi U Paul Sha Ki Nong Rom 10:19 ပူးပေါင်းရင်းမြစ်များ

JEREMAÏAH 10:14

Ha ka jingïohi ïa kane, ki rangbah ki sngew mutlop bad kim sngewthuh ei ei; kito kiba shna bleithaw ki shah pynthame, namar ki blei kiba ki shna ki long kiba bakla bad kim don jingim.

JEREMAÏAH 10:8

Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

HOSIA 2:23

Ngan pynlong skhem ïa ki briew jong nga ha ka ri bad ngan pynmanbha ïa ki. Ngan pyn-i jingieit ïa kito kiba la ju khot “Lo-Ruhamah,” bad ïa kito kiba la ju khot “Lo-ammi” ngan sa ong, “Phi long ki briew jong nga,” bad kin jubab, “Me long U Blei jong ngi.”

Ka Shithi U Paul Sha Ki Nong Rom 10:18

Hynrei nga kylli: Hato ka long kaba shisha ba kim shym la ïohsngew ïa ka khubor? Da shisha ki la ïohsngew — naba kumba ka Jingthoh Bakhuid ka ong: “Ka jingsawa jong ka sur jong ki ka la leit sha ka pyrthei baroh; ki ktien jong ki, ki la poi shaduh kiba kut ka pyrthei.”

Ka Shithi U Paul Sha Ki Nong Rom 11:11

Nga kylli te: Haba ki Jiw ki jynthut, hato ki hap sha ka jingjot jong ki? Em, ym kumta! Namar ki la leh pop, ka jingpynim ka la wan sha ki Jentil, ban pynlong ïa ki Jiw ban bishni ïa ki.

Ka Shithi U Paul Sha Ki Nong Rom 11:14

Lehse, nga lah ban pynlong ïa ki briew jong ka jaitbynriew jong nga hi ban sngewbishni, ba kumta yn lah ban pynim katto katne na ki.

1 KORINTH 1:12

Ai ba ngan buh ha kane ka rukom: Uwei pa uwei na phi u ong ïa kaei kaei kaba ïapher. Uwei u ong, “Nga bud ïa u Paul;” uwei pat, “Nga bud ïa u Apollos;” uwei pat, “Nga bud ïa u Petros;” bad uwei pat, “Nga bud ïa U Khrist.”

1 KORINTH 10:19

Hato nga thew, te, ba ka bleithaw ne ka jingbam ba la kñia ha ka, ka long ei ei?

1 KORINTH 11:22

Hato phim don la ka jong ka ïing ban ïabam ïadih? Lane hato phi da kwah ban ñiewbeiñ ïa ka balang U Blei bad ban pynlehrain ïa ki briew kiba kyrduh? Kaei ba phi khmih lynti ïa nga ban ong ha phi shaphang kane? Hato ngan ïaroh ïa phi? Em, ngan ym leh kumta!

1 KORINTH 12:2

Phi tip ba mynba phi dang long kiba mane bleithaw, la ïalam sakma ïa phi ha ki rukom kiba bun sha ki jingmane ïa ki bleithaw ki bym don jingim.

1 KORINTH 15:50

Kaei kaba nga mut, ko parabangeit, ka long ba kaei kaba la thaw da ka doh bad ka snam kam lah ban ïadon bynta ha ka Hima U Blei, bad kaei kaba dei ban ïap kan ym ïohkynti ïa ka jingbymïap shuh.

1 KORINTH 7:29

Kaei kaba nga mut, ko ki parabangeit jong nga, ka long kane: Ka por kam don shuh, bad naduh mynta ki rangbah kiba la shongkurim ki dei ban im kumba kim shym la shongkurim;

DEUTERONOMI 32:21

Da la ki bleithaw ïa nga ki pynbitar, ïa ki blei jong ki, ki bym dei shisha ki blei, ngam lah shah. Kumta ngan pyndonkam da kito ki bym dei ka jaitbynriew ban pynbitar ïa ki, ngan kynshoit ruh ïa ki da ka jaitbynriew kaba bieit katba kin ym lah shah.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

1 PETROS 2:10

Ha kawei ka por phim shym la long ki briew jong U Blei, hynrei mynta phi long ki briew jong u; ha kawei ka por phim shym la tip ïa ka jinglehisynei U Blei, hynrei mynta phi la ïohpdiang ïa ka jinglehisynei jong u.