Ka Shithi U Paul Sha Ki Nong Rom 10:16 - Khasi CL Bible (BSI)

¹⁶ Hynrei ym baroh ki la pdiang ïa ka Khubor Babha. U Isaïah da lade hi u la ong, “A Trai, uei uba la ngeit ïa ka khubor jong ngi?”

KA BAIBL

¹⁶ Hynrei, baroh kim shym la kohnguh ïa kata ka gospel. Namar u Isaïah u kylli: “Ko Trai, uei ba la ngeit ïa ka jingpynbna jong ngi?”

Ka Shithi U Paul Sha Ki Nong Rom 10:16 ပူးပေါင်းရင်းမြစ်များ

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 53:1

Ki briew ki jubab, “Uei uba lah ban ngeit ïa kaei kaba ngi ïathuh mynta? Uei uba lah ban ïohi ïa ka kti U Trai ha kane?

MATHAÏOS 13:14

Kumta ka jingïathuhlypa jong u Isaïah ka la treikam ha ki: “ ‘Kine ki briew kin shahshkor bad ïai shahshkor, hynrei kim shemphang; kin khmih bad ïai khmih, hynrei kim ïohi,

ÏOANNIS 10:26

hynrei phin ym ngeit, naba phim dei ki langbrot jong nga.

KI KAM 28:24

Ki ktien jong u ki la pynhun ïa ki katto katne ngut na ki, hynrei kiwei pat kim shym ngeit.

Ka Shithi U Paul Sha Ki Nong Rom 1:5

Lyngba jong u, U Blei u la ai ïa nga ka kabu ban long u apostol na ka bynta U Khrist, khnang ban ïalam ïa ki briew na ki jaitbynriew baroh ban ngeit bad ban kohnguh.

Ka Shithi U Paul Sha Ki Nong Rom 11:17

Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

Ka Shithi U Paul Sha Ki Nong Rom 16:26

Mynta pat, ïa kata ka jingshisha la pynmih ha kaba paw lyngba ki jingthoh jong ki nongïathuhlypa; bad da ka hukum jong U Blei bymjukut, ïa ka la pyntip sha baroh ki jaitbynriew, khnang ba baroh ki lah ban ngeit bad kohnguh.

Ka Shithi U Paul Sha Ki Nong Rom 2:8

Kiwei pat ki briew ki long kiba khwan myntoi bad kiba kyntait ïa kaei kaba dei, khnang ban bud ïa kaei ka bym dei; halor jong ki U Blei un theh noh ïa la ka jingbitar bad ka jingbitar shla.

Ka Shithi U Paul Sha Ki Nong Rom 3:3

Hynrei kumno lada katto katne na ki kim long kiba ïaineh? Hato kane ka mut ba U Blei un ym long uba ïaineh?

Ka Shithi U Paul Sha Ki Nong Rom 6:17

Hynrei long ka jingnguh ïa U Blei! Naba wat mynshuwa haba phi la long ki mraw jong ka pop, phi la kohnguh da la ka dohnud baroh ïa ki jingshisha ba la shem ha ka jinghikai kaba phi la ïohpdiang.

GALATIA 3:1

A phi ki nong Galatia kiba bieit! Uei uba la pynthame ïa phi? Ha khmat ki khmat jong phi hi la batai shai kdar ïa ka jingïap U Jisu Khrist halor ka diengphna!

GALATIA 5:7

Phi la lehbha katta katta! Uei uba la pynlong ïa phi ban sangeh ban kohnguh ïa ka jingshisha? Da kumno u la khroh ïa phi?

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

HEBRU 11:8

Dei ka jingngeit kaba pynlong ïa u Abraham ban kohnguh haba U Blei u la khot ïa u ban leit sha ka ri kaba U Blei u la kular ban ai ha u. U la mihnoh na la ka ri khlem tip shano ba un leit.

HEBRU 4:2

Naba ngi la ïohsngew ïa ka Khubor Babha, kumba ma ki ruh ki la ïohsngew. Ki la ïohsngew ïa ka khubor, hynrei kam shym la myntoi ei ei ruh ïa ki, namar haba ki la ïohsngew ïa ka, kim shym la pdiang ïa ka da ka jingngeit.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 PETROS 2:8

Bad kawei pat ka Jingthoh Bakhuid ka ong, “Une u long u maw u ban pynlong ïa ki briew ban jynthut, u mawsiang u ban pynlong ïa ki ba kin kyllon.” Ki la jynthut namar ba kim shym la kohnguh ïa ka ktien, katta ka la long ka mon U Blei ïa ki.

1 PETROS 3:1

Ha kajuh ka rukom, phi ki kynthei, to da pynkohnguh ïa lade ha la ki tnga, khnang ba lada don uno uno napdeng jong ki, ki bymngeit ïa ka ktien U Blei, ka jinglong jingim jong phi kan jop ïa ki ban ngeit.