Ka Shithi U Paul Sha Ki Nong Rom 1:8 - Khasi CL Bible (BSI)

⁸ Nyngkong, nga ainguh ïa U Blei jong nga lyngba U Jisu Khrist na ka bynta jong phi baroh, namar ka pyrthei baroh kawei ka ïohsngew shaphang ka jingngeit jong phi.

KA BAIBL

⁸ Nyngkong te, nga ainguh ïa U Blei jong nga da U Jisu Khrist na ka bynta jong phi baroh, naba la bna nam babha ïa ka jingngeit jong phi ha ka pyrthei baroh kawei.

Ka Shithi U Paul Sha Ki Nong Rom 1:8 ပူးပေါင်းရင်းမြစ်များ

MATHAÏOS 24:14

Bad ïa kane ka Khubor Babha shaphang ka Hima yn ïalap ha kylleng ka pyrthei na ka bynta ka jingsakhi sha ki jaitbynriew baroh; bad nangta kaba kut kan wan.

LOUKAS 2:1

Ha kata ka por, u Patsha Augustus u la hukum ban shim jingkheiñ ïa ki briew baroh ha ka Hima Rom.

KI KAM 11:28

Uwei na ki, uba kyrteng u Agabos, u la ïeng joit bad da ka bor jong U Mynsiem u la ïathuh lypa ba ka 'nemsniew bajur kan sa wan ha ka pyrthei baroh kawei. (Ka la wan jia mynba u Klaudius u la long u Patsha.)

KI KAM 28:22

Hynrei ngi kwah ban ïohsngew ïa ki jingpyrkhat jong me, namar ngi tip ba kylleng sawdong ki briew ki kren pyrshah ïa kane ka kynhun ha kaba me, me don.”

Ka Shithi U Paul Sha Ki Nong Rom 10:18

Hynrei nga kylli: Hato ka long kaba shisha ba kim shym la ïohsngew ïa ka khubor? Da shisha ki la ïohsngew — naba kumba ka Jingthoh Bakhuid ka ong: “Ka jingsawa jong ka sur jong ki ka la leit sha ka pyrthei baroh; ki ktien jong ki, ki la poi shaduh kiba kut ka pyrthei.”

Ka Shithi U Paul Sha Ki Nong Rom 16:19

Baroh ki la ïohsngew ïa ka jingïaineh jong phi ha ka gospel, bad na ka bynta kane, nga sngewkmen shibun shaphang jong phi. Nga kwah ïa phi ban long kiba stad shaphang kaei kaba bha, hynrei ban long lui lui ha kaei kaba sniew.

Ka Shithi U Paul Sha Ki Nong Rom 6:17

Hynrei long ka jingnguh ïa U Blei! Naba wat mynshuwa haba phi la long ki mraw jong ka pop, phi la kohnguh da la ka dohnud baroh ïa ki jingshisha ba la shem ha ka jinghikai kaba phi la ïohpdiang.

1 KORINTH 1:4

Nga ainguh borabor ïa U Blei jong nga na ka bynta jong phi namar kata ka jingaiei ïa kaba u la ai ha phi da U Khrist Jisu.

2 KORINTH 2:14

Hynrei ki jingnguh ki long sha U Blei! Naba ha U Khrist ngi long borabor kiba la ïalam da U Blei kum ki koidi ha ka jingïaid lynti ka jingjop U Khrist. U Blei u pyndonkam ïa ngi ba kata ka jingtip ïa U Khrist kan saphriang kylleng kum ka jingiwbih.

EPHESOS 1:15

Na kane ka daw, naduh ba nga la ïohsngew ïa ka jingngeit jong phi ha U Trai Jisu bad ka jingieit jong phi ïa ki briew jong U Blei baroh,

EPHESOS 1:16

ngam shym la sangeh ban ainguh ïa U Blei na ka bynta jong phi.

EPHESOS 3:21

ha U Blei to long ka burom ha ka balang bad ha U Khrist Jisu na ka bynta ki por baroh, junom la junom! Amen.

EPHESOS 5:20

Ha ka kyrteng U Jisu Khrist uba U Trai jong ngi, to ïai ainguh borabor na ka bynta kiei kiei baroh sha U Blei uba U Kpa.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.

PHILIPPI 1:3

Nga ainguh ïa U Blei jong nga namar jong phi man la ka por ba nga pyrkhat shaphang jong phi,

KOLOSSAI 1:3

Ngi ainguh borabor ïa U Blei, U Kpa jong U Jisu Khrist uba U Trai jong ngi, haba ngi duwai na ka bynta jong phi.

1 THESSALONI 1:2

Ngi ainguh borabor ïa U Blei na ka bynta jong phi baroh bad ngi ïai kynmaw ïa phi borabor ha ki jingduwai jong ngi.

1 THESSALONI 2:13

Bad don sa kawei pat ka daw balei ba ngi ainguh borabor ïa U Blei. Haba ngi la wallam ha phi ïa ka khubor jong U Blei, phi la ïohsngew bad pdiang ïa ka, ym kum ka khubor na ki briew hynrei kum ka khubor jong U Blei, kaba long shisha kumta. Naba U Blei u trei ha phi kiba ngeit.

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

2 TIMOTHI 1:3

Nga ainguh ïa U Blei, ïa uba nga shakri da ka jingïatiplem bakhuid, kumba ki kpa tymmen jong nga ki la leh. Nga ainguh ïa u haba nga kynmaw ïa me borabor ha ki jingduwai jong nga mynmiet bad mynsngi.

PHILEMON 1:4

Ko Philemon u para jong nga, man ka por ba nga duwai, nga kynmaw ïa me bad ainguh ïa U Blei jong nga.

HEBRU 13:15

Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.